रोमियो 1:4 - काँगड़ी

⁴ कने पवित्र आत्मा दिया सामर्थी नैं सैह़ मरेयां ते जिन्दा होई गेआ। इसते एह़ साबित होएया कि सैह़ परमात्मे दा पुत्तर ऐ, कने सैई यीशु मसीह अहां दा प्रभु ऐ।

रोमियो 1:4 Iomraidhean Croise

मत्ती 4:3

तां सैतान परखणे तांई तित्थु आई नैं तिस नैं ग्लाणा लग्गा, “जे तू परमात्मे दा पुत्तर ऐ, तां ग्लाई दे, कि एह़ पत्थर रोटियां बणी जान।”

प्रेरितां दे कम्म 17:31

क्जोकि तिन्हीं इक्क दिन ठैहराया ऐ, जिस च सैह़ तिस माणुये दे जरिये धार्मिकता दे संसारे दा न्याय करणा, जिसियो तिन्हीं बणाया, कने तिसियो मरेयां च जिन्दा करी नैं इसा गल्ला दा सबूत सारे लोकां जो देई दित्ता ऐ।”

प्रेरितां दे कम्म 2:24

अपर तिसियो परमात्मैं मौत्ती दे बंधना ते छड्डाई करी जिन्दा कित्ता; क्जोकि तिस तांई सम्भव ई नीं था कि मौत्त तिसियो अपणे बसे च रखी पांदी।

प्रेरितां दे कम्म 2:32

इसी यीशुये जो परमात्मैं जिन्दा कित्ता, जिसदे अहां सारे गवाह हन।

प्रेरितां दे कम्म 3:15

कने तुहां सदा दी ज़िन्दगिया दा रस्ता दस्सणे आल़े जो तुहां मारी दित्ता, जिसियो परमात्मैं मरेयां ते जिन्दा कित्ता; कने इसा गल्ला दे अहां गवाह हन।

रोमियो 1:3

अपणे पुत्तर अहां दे प्रभु यीशु मसीह दे बारे च वादा कित्या था। सैह़ सरीरे मताबक तां दाऊद राजे दे वंशे ते पैदा होएया।

2 कुरिन्थियों 13:4

सैह़ कमजोरियां दिया बज़ाह ते सूल़िया पर टूंगेया तां गेआ, भिरी भी परमात्मे दी सामर्थी नैं जिन्दा ऐ। अहां भी तिस च कमजोर हन, अपर परमात्मे दिया सामर्थी नैं जेह्ड़ी तुहां तांई ऐ, तिस सौगी जींगे।

इब्रानियों 9:14

तां मसीह दा खून, जिन्हीं अपणे आप्पे जो सदा जिन्दा रैहणे आल़ी आत्मा दे जरिये परमात्मे सामणै बेकसूर बल़िया दे रूपे च चढ़ाई दित्ता, जिन्दे परमात्मे दी सेवा करणे तांई अहां दे जमीरे जो पापी कम्मां ते क्जो नीं सुद्ध करगा?

1 पतरस 1:11

मसीह दी आत्मा तिन्हां च थी, कने एह़ दस्सा दी थी कि किंआं मसीह दुख झेलगा कने किंआं तिसियो महिमा मिलगी। इसतांई तिन्हां एह़ छाण-बीण कित्ती कि मसीह सच्च बिच्च कुण हुंगा कने एह़ कुस बग्त हुंगा?

2 पतरस 1:21

क्जोकि कोई भी भविष्यवाणी माणुये दी इच्छा ते कदी नीं होई, अपर पवित्र आत्मा तिन्हां जो सैह़ वचन ग्लाणे दी अगुआई कित्ती, जिन्हां जो परमात्मा तिन्हां दे जरिये ग्लाणा चांह़दा था।

प्रकाशितवाक्य 1:18

कने मैं सैह़ ऐ जेह्ड़ा हमेसा जिन्दा ऐ, इक्क बग्त था जाह़लू मैं मरी गेआ था, अपर हुण मैं जिन्दा ऐ कने हमेसा जिन्दा रैंह्गा; कने मौत्त कने अधोलोक दी चाबियां मिन्जो अल्ल ई हन।

प्रकाशितवाक्य 19:10

ताह़लू मैं तिसदी अराधना करणे तांई तिसदे पैरां पेई गेआ। तिन्हीं मिन्जो ग्लाया, “दिक्ख, इआं मत कर, मैं तेरा कने तेरे भाऊआं दा संगी दास ऐ जेह्ड़े यीशुये दे गवाह पक्के हन। परमात्मे दी अराधना कर। क्जोकि यीशु दी गवाही भविष्यवाणी दी आत्मा ऐ।”