रोमियो 1:3 - काँगड़ी

³ अपणे पुत्तर अहां दे प्रभु यीशु मसीह दे बारे च वादा कित्या था। सैह़ सरीरे मताबक तां दाऊद राजे दे वंशे ते पैदा होएया।

रोमियो 1:3 Iomraidhean Croise

मत्ती 1:1

एह़ यीशु मसीह दे पूर्वजां दे नां हन, जेह्ड़े अब्राहम कने दाऊद राजे दे वंशे दे थे।

मत्ती 1:16

याकूबे ते यूसुफ पैदा होएया, जेह्ड़ा मरियमा दा लाड़ा था कने मरियमा ते यीशु पैदा होएया, जिसियो मसीह भी ग्लांदे हन।

मत्ती 1:6

कने यिशै ते दाऊद राजा, कने दाऊद राजे ते सुलेमान तिसा जणासा ते पैदा होएया जेह्ड़ी पैहल्ले उरिय्याह दी लाड़ी थी।

मत्ती 12:23

एह़ सब दिक्खी करी सारे लोक हरान होई नैं ग्लाणा लग्गे, “क्या एह़ दाऊदे दा वंश ऐ?”

मत्ती 15:22

कने ताह़लू तिस प्रदेसे ते इक्क कनानी जणांस निकल़ी, कने डड्डी नैं ग्लाणा लग्गी, “हे प्रभु। दाऊदे दे वंश, मिन्जो पर दया कर। मेरी कुड़िया जो दुष्टआत्मां बड़ी सता दी ऐ।”

मत्ती 26:63

अपर यीशु चुप रेह्आ। ताह़लू महायाजकैं तिस नैं ग्लाया, “मैं तिज्जो जिन्दे परमात्मे दी कसम दिंदा कि जे तू परमात्मे दा पुत्तर मसीह ऐ, तां अहां नैं ग्लाई दे।”

मत्ती 27:43

तिन्हीं परमात्मे पर भरोसा रखेया; जे सैह़ इसियो चांह़दा, तां हुण इसियो छड्डाई लै, क्जोकि इन्हीं ग्लाया था, ‘मैं परमात्मे दा पुत्तर ऐ।’ ”

मत्ती 3:17

कने दिक्खा, सुअर्गे ते परमात्मैं एह़ ग्लाया, “एह़ मेरा प्यारा पुत्तर ऐ, जिस नैं मैं प्यार रखदा ऐ, कने जिसते मैं बड़ा भरी खुस ऐ।”

मत्ती 9:27

जाह़लू यीशु तित्थु ते गांह गेआ, तां दो अन्ने तिसदे पचांह़ जोरे नैं एह़ ग्लांदे चल्ले, “हे दाऊदे दे वंश अहां पर दया कर।”

लूका 1:35

सुअर्गदूते तिसा जो जवाब दित्ता, “पवित्र आत्मा कने परम प्रधान परमात्मे दी सामर्थ तिज्जो पर बणी रैहणी ऐ; इसतांई सैह़ जागत जेह्ड़ा तिज्जो ते पैदा होणे आल़ा ऐ, सैह़ पवित्र कने परमात्मे दा पुत्तर होणा।

लूका 1:69

कने तिन्हीं अपणे सेवक दाऊदे दे वंशे ते अहां तांई इक्क सामर्थी उद्धार करणे आल़ा पैदा कित्ता,

यूहन्ना 1:14

कने वचन माणु बणी करी आया; कने अनुग्रह कने सच्चाईया नैं पूरा भरोई नैं अहां दे बिच्च डेरा कित्ता। कने अहां तिसदी देहई महिमा दिक्खी, जिंआं पिता दे इकलौते पुत्तरे दी महिमा।

यूहन्ना 1:34

कने मैं तिसियो दिख्या, कने सच्च-सच्च ग्लांदा ऐ कि ऐई परमात्मे दा पुत्तर ऐ।”

यूहन्ना 1:49

नतनएलें तिस जो जवाब दित्ता, “हे गुरू तू परमात्मे दा पुत्तर ऐ; तू इस्राएल देसे दा महाराजा ऐ।”

यूहन्ना 10:30

मैं कने पिता इक्को ई हन।”

यूहन्ना 10:36

तां जिसियो पितैं पवित्र बणाई नैं इस संसारे च घल्लेया ऐ, तुहां तिस नैं ग्लांदे हन, ‘तू निंदा करदा ऐ,’ इसतांई कि मैं ग्लाया, ‘मैं परमात्मे दा पुत्तर ऐ।’

यूहन्ना 20:28

एह़ सुणी थोमे जवाब दित्ता, “हे मेरे प्रभु हे मेरे परमात्मा।”

यूहन्ना 20:31

अपर एह़ इसतांई लिखयो हन, कि तुहां बसुआस करा कि यीशु ई परमात्मे दा पुत्तर मसीह ऐ, कने बसुआस करी नैं तिसदे नांऐ ते सदा दी ज़िन्दगी पा।

यूहन्ना 5:25

“मैं तिज्जो नैं सच्च-सच्च ग्लांदा ऐ, सैह़ बग्त ओआ दा ऐ, कने हुण भी ऐ, जिस च मरेयो माणु परमात्मे दे पुत्तरे दी उआज़ा सुणगे, कने जेह्ड़े सुणगे सैह़ जींगे।

यूहन्ना 7:42

क्या पवित्रशास्त्रे च एह़ नीं लिख्या कि मसीह दाऊदे दे वंशे ते कने बैतलहम ग्रांऐ ते ओंगा, जित्थु दाऊद रैंह्दा था?”

प्रेरितां दे कम्म 2:30

सैह़ भविष्यवक्ता था, सैह़ जाणदा था कि परमात्मैं मिन्जो सौगी कसम खाई करी वादा कित्या ऐ, कि “मैं तेरे वंशे च इक्की माणुये जो तेरे सिंहासणे पर बठाल़गा।”

प्रेरितां दे कम्म 3:13

अब्राहमे कने इसहाक कने याकूबे दे परमात्मा, अहां दे पूर्वजां दे परमात्मैं अपणे सेवक यीशु दी महिमा कित्ती, जिसियो तुहां पकड़ुआई दित्ता, कने जाह़लू पिलातुसैं तिसियो छड्डणे दा बचार कित्ता, ताह़लू तुहां तिसदे सामणै यीशुये जो नीं अपनाया।

प्रेरितां दे कम्म 8:36

रस्ते च चलदे-चलदे सैह़ इक्क पांणिये दे तल़ाऐ अल्ल पुज्जे। ताह़लू खोजा ग्लाणा लग्गा, “दिक्ख ऐत्थु पाणी भी ऐ, हुण मिन्जो बपतिस्मा लैणे ते कुण रोकी सकदा ऐ?”

प्रेरितां दे कम्म 9:20

कने सैह़ तिसी बग्त दमिश्क सैहरे दे आराधनालयां च यीशुये दा प्रचार करणा लग्गा, कि यीशु ई परमात्मे दा पुत्तर ऐ।

रोमियो 1:9

परमात्मा जिसदी सेवा मैं अपणे पूरे मने नैं तिसदे पुत्तरे दे सुसमाचार दे बारे च करदा ऐ, सैई मेरा गवाह ऐ, कि मैं तुहां लोकां जो अपणिया प्रार्थना च लगातार याद करदा रैंह्दा ऐ,

रोमियो 4:1

हुण अहां यहूदी होणे दे नाते अपणे पूर्वज अब्राहमे दे बारे च क्या ग्लान, कुसा बज़ाह ते सैह़ धर्मी गिणेयां गेआ?

रोमियो 9:3

क्जोकि मैं ऐत्थु तिकर चांह़दा था, कि अपणे यहूदी भाऊआं तांई जेह्ड़े मेरी अपणिया जातिया दे लोक हन, अप्पु ई मैं मसीह ते श्रापित कने लग्ग होई जांदा ऐ।

रोमियो 9:5

अब्राहम, इसहाक कने याकूब भी तिन्हां दे पूर्वज हन, कने माणु होणे दे नाते मसीह भी इस्राएली था। कने सैह़ परमात्मा ऐ जेह्ड़ा सारियां चीज्जां पर राज करदा ऐ, कने हमेसा स्तुति जोग्गा ऐ। आमीन।

1 कुरिन्थियों 1:9

परमात्मा एह़ करगा, क्जोकि जेह्ड़ा सैह़ ग्लांदा ऐ, तिसियो करणे च ईमानदार ऐ, कने तिन्हीं तुहां जो अपणे पुत्तर अहां दे प्रभु यीशु मसीह दिया संगतिया च सद्देया ऐ।

1 कुरिन्थियों 10:18

इस्राएली लोकां दे बारे च जरा सोचा, जेह्ड़े वेदिया पर चढ़ाईया बल़िया खांदे हन, क्या इसदे जरिये सैह़ साझी नीं हन?

गलातियों 4:4

अपर जाह़लू ठीक बग्त आया जिसदी योजना परमात्मैं बणाईयो थी, तां परमात्मैं अपणा इकलौता पुत्तर घल्लेया, जिन्हीं माणुये दे रूपे च जन्म लेआ, कने सैह़ इक्क यहूदी परवारे च पैदा होएया कने तिन्हीं मूसा दिया व्यबस्था दा पालण कित्ता,

1 थिस्सलुनीकियों 1:10

कने हुण तुहां तिसदे पुत्तरे दा सुअर्गे ते बापस ओणे दा इन्तजार करदे रेह्आ जिसियो परमात्मे मरेयां ते जिन्दा कित्या, मतलब यीशु मसीह जो, जेह्ड़ा अहां जो ओणे आल़े कोपे ते बचांदा ऐ।

1 तीमुथियुस 2:5

क्जोकि इक्क ई परमात्मा ऐ, कने सिर्फ परमात्मा ई माणुआं च मेल-जोल कराई सकदा कने सैह़ यीशु मसीह ई ऐ जेह्ड़ा इक्क माणु दे रूपे च पैदा होएया था।

1 तीमुथियुस 3:16

कने इस च कोई शक नीं ऐ, कि अहां दे बसुआसे च बड़ा गैहरा भेत ऐ: मसीह जेह्ड़ा माणु बणी करी आया, कने पवित्र आत्मा दस्सेया कि सैह़ सच्च बिच्च परमात्मे दा पुत्तर था, सुअर्गदूतां तिसियो दिख्या, सारे संसारे दे लोकां च तिसदे बारे च प्रचार होएया, संसारे दे लोकां तिस पर बसुआस कित्ता, कने परमात्मे तिसियो सुअर्गे च लेई गेआ।

2 तीमुथियुस 2:8

यीशु मसीह जो लगातार याद रखा, जेह्ड़ा राजा दाऊदे दे वंशे ते पैदा होएया, कने परमात्मे तिसियो मरेयां ते जिन्दा कित्ता, कने ऐई सुसमाचार ऐ, जेह्ड़ा मैं लोकां जो सणांदा ऐ।

1 यूहन्ना 1:3

जेह्ड़ा कुच्छ अहां दिख्या कने सुणेया ऐ तिसदा समाचार तुहां जो भी दिंदे हन, तांजे तुहां भी अहां सौगी संगति रखन; कने अहां दी एह़ संगति पिता सौगी कने तिसदे पुत्तर यीशु मसीह सौगी ऐ।

1 यूहन्ना 3:23

परमात्मे दा हुक्म एह़ ऐ कि अहां तिसदे पुत्तर यीशु मसीह दे नांऐ पर बसुआस करन, कने जिंआं तिन्हीं अहां जो हुक्म दित्या ऐ तिसदे मताबक अप्पु च प्यार रखन।

1 यूहन्ना 3:8

जेह्ड़ा कोई लगातार पाप करदा ऐ, सैह़ सैताने दे पास्से ते ऐ, क्जोकि सैतान सुरू ते ई लगातार पाप करदा आया ऐ। परमात्मे दा पुत्तर इसतांई आया ऐ, कि सैताने दे कम्मां दा नास करैं।

1 यूहन्ना 4:15

जेह्ड़ा कोई एह़ मन्नी लैंदा ऐ, कि यीशु परमात्मे दा पुत्तर ऐ, परमात्मा तिस च ज़िन्दगी जींदा ऐ, कने सैह़ परमात्मे च।

1 यूहन्ना 5:1

जिस माणु दा एह़ बसुआस ऐ कि यीशु ई मसीह ऐ, सैह़ परमात्मे दा बच्चा ऐ; कने जेह्ड़ा कोई पिता परमात्मे नैं प्यार रखदा ऐ, तां सैह़ दूयेयां नैं भी प्यार रखदा ऐ, जेह्ड़े तिसदे बच्चे हन।

1 यूहन्ना 5:20

अहां एह़ भी जाणदे हन, कि परमात्मे दा पुत्तर यीशु मसीह इस संसारे च आई गेआ ऐ कने तिन्हीं अहां जो समझ दित्तियो ऐ, कि अहां तिस सच्चे परमात्मे जो पणछैणन; कने अहां तिस च जेह्ड़ा सच्च ऐ, मतलब तिसदे पुत्तर यीशु मसीह च रैंह्दे हन। सच्चा परमात्मा कने सदा दी ज़िन्दगी ऐई ऐ।

1 यूहन्ना 5:5

संसारे पर जय पाणे आल़ा कुण ऐ? सिर्फ सैह़ जिसदा एह़ बसुआस ऐ, कि यीशु परमात्मे दा पुत्तर ऐ।

2 यूहन्ना 1:7

क्जोकि मते सारे लोक दूयेयां जो भरमाणे तांई इस संसारे च आई गियो हन, जेह्ड़े एह़ नीं मनदे कि यीशु मसीह सरीरे च होई नैं आया। भरमाणे आल़ा कने मसीह दे बरोधी ऐई हन।

प्रकाशितवाक्य 2:18

भिरी तिन्हीं मिन्जो नैं एह़ भी ग्लाया, कि “थुआतीरा सैहरे दी कलीसिया दे सुअर्गदूत जो एह़ लिख: कि मैं परमात्मे दा पुत्तर जिसदियां अखीं अग्गी दी लपटा साइआं, कने जिसदे पैर भट्ठिया च तपाईया पीतली साइआं चमका दे हन, तिसदा ग्लाणा ऐई ऐ: