रोमियो 1:1 - काँगड़ी

¹ मैं पौलुस इसा चिठ्ठिया लिखा दा ऐ, जेह्ड़ा यीशु मसीह दा दास ऐ, कने प्रेरित होणे तांई परमात्मे दे जरिये चुणेया ऐ, कने तिस सुसमाचारे दा प्रचार करणे तांई लग्ग कित्या ऐ, जेह्ड़ा परमात्मे दे पास्से ते ऐ।

रोमियो 1:1 Iomraidhean Croise

मरकुस 1:14

यूहन्ना जो पकड़ी करी जेला च पाणे ते बाद यीशु गलील प्रदेसे च आई नैं परमात्मे दे राज्जे दा सुसमाचार प्रचार करणा लग्गा।

यूहन्ना 12:26

जे कोई मेरी सेवा करणा चां, तां सैह़ मेरा चेला बणैं; कने जित्थु मैं ऐ, तित्थु मेरा चेला भी हुंगा। जे कोई मेरी सेवा करैं, तां पिता तिसदा आदर करगा।

यूहन्ना 15:15

अज्जे ते मैं तुहां जो दास नीं ग्लाणा, क्जोकि दास नीं जाणदा कि तिसदा मालक क्या करदा ऐ; अपर मैं तुहां जो साथी ग्लाया ऐ, क्जोकि मैं जेह्ड़ियां गल्लां अपणे पिता ते सुणियां, सैह़ सारियां दस्सी दित्तियां।

यूहन्ना 15:20

जेह्ड़ी गल्ल मैं तुहां नैं ग्लाईयो थी, दास अपणे मालके ते बड्डा नीं हुंदा, इसा गल्ला जो याद रखा। जे तिन्हां मिन्जो सताया, तां तुहां जो भी सतांगे; जे तिन्हां मेरे वचन मन्ने, तां तुहां दे भी मनगे।

प्रेरितां दे कम्म 13:9

ताह़लू शाऊलें जिसदा नां पौलुस भी ऐ, पवित्र आत्मा नैं भरोई करी जादूगरे बक्खे टक लगाई करी दिख्या कने ग्लाणा लग्गा,

प्रेरितां दे कम्म 20:24

अपर मैं अपणेयां प्राणा जो कुच्छ नीं समझदा कि तिन्हां जो प्यारा जाणे, अपर एह़ कि मैं अपणिया दौड़ा जो कने सेवा जो पूरिया करैं, जेह्ड़ी मैं परमात्मे दे अनुग्रह दे सुसमाचार पर गवाही दैणे तांई प्रभु यीशु मसीह ते पाई ऐ।

प्रेरितां दे कम्म 21:40

जाह़लू तिन्हीं हुक्म दित्ता, तां पौलुसैं पैड़ियां पर खड़ोई करी लोकां जो हत्थे नैं इसारा करी सांत कित्ता। जाह़लू सैह़ चुप होई गै तां सैह़ इब्रानी भासा च ग्लाणा लग्गा;

प्रेरितां दे कम्म 22:21

कने प्रभुयैं मिन्जो नैं ग्लाया, ‘चली जा, क्जोकि मैं तिज्जो होरनी जातिआं अल्ल दूर-दूर घल्लणा’।”

प्रेरितां दे कम्म 22:7

कने मैं जमीना पर पेई गेआ कने एह़ उआज़ सुणी, ‘हे शाऊल हे शाऊल, तू मिन्जो क्जो सतांदा ऐ।’

प्रेरितां दे कम्म 26:1

राजा अग्रिप्पा पौलुसे नैं ग्लाणा लग्गा, “तिज्जो अपणे बारे च कुच्छ ग्लाणे दा मौका ऐ।” ताह़लू पौलुस तिन्हां दा ध्यान अपणे पास्से करणे तांई अपणा हत्थ गांह करी नैं जवाब दैणा लग्गा,

प्रेरितां दे कम्म 26:14

जाह़लू अहां सारे धरतिया पर पेई गै, तां मैं इब्रानी भासा च, मिन्जो नैं एह़ ग्लांदे होये एह़ उआज़ सुणी, ‘हे शाऊल, हे शाऊल, तू मिन्जो क्जो सतांदा ऐ, कने पैनी चीज्जा पर पैर मारणा तिज्जो तांई बड़ा औखा ऐ।’

प्रेरितां दे कम्म 27:23

क्जोकि परमात्मा जिसदा मैं ऐ, कने जिसदी अराधना करदा ऐ तिसदे सुअर्गदूतैं पीछली रात मिन्जो नैं आई करी ग्लाया,

प्रेरितां दे कम्म 9:15

अपर प्रभु यीशुयैं तिस नैं ग्लाया, “तू चली जा; क्जोकि सैह़ तां होरनी जातिआं कने राजेयां, कने इस्राएली लोकां दे सामणै मेरे बारे च दस्सणे तांई मेरा चुणेया जण ऐ।

रोमियो 1:16

क्जोकि मैं पूरे मने नैं यीशु मसीह दे सुसमाचारे पर भरोसा रखदा ऐ। एह़ तिन्हां सबना दे उद्धारे तांई परमात्मे दी सामर्थ ऐ, जेह्ड़े इस च बसुआस करदे हन। सबना ते पैहल्ले यहूदी लोकां तांई भिरी होरनी जातिआं दे लोकां तांई भी।

रोमियो 1:5

मसीह दे जरिये मिन्जो अनुग्रह कने प्रेरित दी सेवकाई मिल्ली कि तिसदे नांऐ दिया बज़ाह ते सारी जातिआं दे लोक मसीह पर बसुआस करी नैं तिसदी मनन,

रोमियो 1:9

परमात्मा जिसदी सेवा मैं अपणे पूरे मने नैं तिसदे पुत्तरे दे सुसमाचार दे बारे च करदा ऐ, सैई मेरा गवाह ऐ, कि मैं तुहां लोकां जो अपणिया प्रार्थना च लगातार याद करदा रैंह्दा ऐ,

रोमियो 11:13

मैं तुहां होरनी जातिआं दे लोकां नैं एह़ गल्लां ग्लांदा ऐ। जाह़लू कि मैं होरनी जातिआं दे लोकां तांई प्रेरित ऐ, तां मैं अपणी सेवा करणे च बड़ा गरूर करदा ऐ।

रोमियो 15:16

कि मैं होरनी जातिआं दे लोकां तांई यीशु मसीह दा सेवक बणी नैं इक्क याजकें साइआं परमात्मे दे सुसमाचारे दी सेवा करैं। तां होरनी जातिआं दे लोकां जो पवित्र आत्मा दे जरिये पवित्र कित्ते जाणे ते बाद, परमात्मे सौगी मिल्लांदा ऐ, जिसते सैह़ खुस हुंदा ऐ।

रोमियो 15:29

कने मैं जाणदा ऐ, कि जाह़लू मैं तुहां अल्ल ओंगा, तां मसीह दी कीमती आसीषां जो तुहां सौगी बंडगा।

रोमियो 16:18

क्जोकि ऐदेय लोक अहां दे प्रभु मसीह दी नीं, अपर अपणे फायदे तांई सेवा करदे हन। एह़ लोक मिठ्ठियां-मिठ्ठियां गल्लां करी नैं सिध्धे सादे लोकां जो भकाई दिंदे हन।

रोमियो 16:25

हुण तुहां जो मेरा सुसमाचार जेह्ड़ा यीशु मसीह दे बारे च ऐ, तुहां जो प्रचार करी नैं बसुआसे च मजबूत करी सकदा ऐ। क्जोकि एह़ सुसमाचार सदियां ते छुपाई करी रखेया था।

1 कुरिन्थियों 1:1

एह़ चिठ्ठी पौलुस कने अहां दे भाऊ सोस्थिनेसे दे पास्से ते ऐ। मैं पौलुस जेह्ड़ा परमात्मे दी इच्छा ते यीशु मसीह दा प्रेरित होणे तांई सद्देया ऐ।

1 कुरिन्थियों 9:1

जेह्ड़ा कुच्छ मैं चुणदा ऐ, क्या मैं तिसियो खाणे तांई अजाद नीं ऐ? क्या मैं प्रेरित नीं ऐ? क्या मैं यीशुये जो जेह्ड़ा अहां दा प्रभु ऐ, नीं दिख्या ऐ? क्या तुहां प्रभु च मेरिया सेवा दा प्रतिफल़ नीं हन।

2 कुरिन्थियों 1:1

एह़ चिठ्ठी पौलुस कने अहां दे भाऊ तीमुथियुसे दे पास्से ते ऐ। मैं पौलुस जेह्ड़ा परमात्मे दी इच्छा ते यीशु मसीह दा प्रेरित ऐ। मैं एह़ चिठ्ठी परमात्मे दी तिसा कलीसिया दे नांऐ पर लिखा दा ऐ, जेह्ड़ी कुरिन्थुस सैहरे च ऐ, कने परमात्मे दे सारे पवित्र लोकां दे नांऐ पर जेह्ड़े अखाया प्रदेसे च रैंह्दे हन:

2 कुरिन्थियों 11:5

मैं तां समझांदा ऐ, कि मैं कुसी गल्ला च बड्डे ते बड्डे प्रेरितां ते घट नीं ऐ।

2 कुरिन्थियों 11:7

क्या इस च मैं कोई पाप कित्ता; कि मैं तुहां जो परमात्मे दा सुसमाचार मुफ्ते च सणाया, कने अपणे आप्पे जो छोटा कित्ता कि तुहां ऊचे होई जान?

2 कुरिन्थियों 12:11

मैं वेबकूफिया दियां गल्लां करा दा ऐ, अपर तुहां लोकां मिन्जो एह़ करणे तांई मजबूर कित्ता। तुहां जो तां मेरी सपारस करणी चाइदी थी, क्जोकि जे मैं कुच्छ भी नीं, तमी जेह्ड़े अपणे आप्पे जो बड्डे ते बड्डा प्रेरित समझदे हन, तिन्हां ते मैं कुसा गल्ला च घट नीं ऐ।

2 कुरिन्थियों 2:12

जाह़लू मैं मसीह दा सुसमाचार सणाणे जो त्रोआस सैहरे च आया, तां तित्थु प्रभुयैं मिन्जो सुसमाचार सणाणे दा मौका दित्ता।

2 कुरिन्थियों 4:5

क्जोकि अहां अपणे बारे च नीं, अपर यीशु मसीह दे बारे च प्रचार करदे हन, कि सैह़ प्रभु ऐ। कने तिसदे बारे च एह़ ग्लांदे हन, कि तिन्हीं अहां जो तुहां दे सेवक होणे तांई घल्लेया।

गलातियों 1:1

मैं पौलुस जेह्ड़ा इक्क प्रेरित ऐ एह़ चिठ्ठी तुहां जो लिखदा ऐ, जेह्ड़ा कि ना तां माणुआं दे पास्से ते कने ना माणुये दे जरिये चुणेया था, अपर यीशु मसीह कने पिता परमात्मे दे जरिये जिन्हीं तिसियो मरेयां ते जिन्दा कित्ता।

इफिसियों 1:1

मैं पौलुस जेह्ड़ा परमात्मे दिया इच्छा ते यीशु मसीह दा इक्क प्रेरित ऐ, मैं एह़ चिठ्ठी इफिसुस सैहरे च रैहणे आल़े पवित्र कने यीशु च बसुआस करणे आल़े लोकां दे नांऐ पर लिखदा ऐ।

इफिसियों 1:13

कने तिस च तुहां पर भी, जाह़लू तुहां सच्च दा वचन सुणेया जेह्ड़ा तुहां दे उद्धारे दा सुसमाचार ऐ कने जिस पर तुहां बसुआस कित्ता, परमात्मे तुहां जो वादे दी पवित्र आत्मा एह़ दस्सणे तांई दित्ता, कि तुहां तिसदे हन।

इफिसियों 4:11

तिन्हीं कुच्छ लोकां जो प्रेरित, कुच्छ भविष्यवक्ता, कुच्छ सुसमाचार सणाणे आल़े, कुच्छ रखवाल़े कने सिक्षक होणे दा वरदान देई दित्ता,

फिलिप्पियों 1:1

मैं पौलुस कने तीमुथियुस जेह्ड़े यीशु मसीह दे दास हन, अहां दिया तरफा ते एह़ चिठ्ठी परमात्मे सारे पवित्र लोकां दे नां पर, कने स्याणेयां कने सेवकां जो जेह्ड़े यीशु मसीह च होई नैं फिलिप्पी सैहरे च रैंह्दे हन, लिखदा ऐ।

फिलिप्पियों 2:11

कने पिता परमात्मे दी महिमा तांई हर इक्क माणु अपणे मुँऐ नैं एह़ मन्नी लैं कि यीशु मसीह ई प्रभु ऐ।

कुलुस्सियों 1:1

एह़ चिठ्ठी पौलुस कने अहां दे भाऊ तीमुथियुसे दे पास्से ते ऐ। मैं पौलुस परमात्मे दिया इच्छा ते यीशु मसीह दा प्रेरित ऐ।

कुलुस्सियों 1:25

इसा कलीसिया तांई कने तुहां तांई मैं परमात्मे दे जरिये दित्तियो सेवा तांई सेवक चुणेया गेआ कि परमात्मे दे हुक्मां दा पूरे तरीके नैं प्रचार करी सकैं।

1 थिस्सलुनीकियों 2:2

जिंआं तुहां अप्पु ई जाणदे हन, कि पैहल्ले अहां फिलिप्पी सैहरे च दुख झेलेया कने बुरा बर्ताब होणे दे बाद भी परमात्मैं अहां जो इतणी हिम्मत दित्ती, कि अहां परमात्मे दा सुसमाचार तुहां दे लाक्के च भारी बरोध दे होणे दे बावजूद भी तुहां जो सणाई सकन।

1 थिस्सलुनीकियों 2:8

कने तिंआं ई अहां तुहां दी लालसा करदे होये, ना सिर्फ परमात्मे दा सुसमाचार पर अपणे-अपणे प्राण भी तुहां जो दैणे जो त्यार थे, इसतांई कि तुहां अहां दे बड़े भरी प्यारे होई गियो थे।

1 थिस्सलुनीकियों 2:9

क्जोकि, हे प्यारे साथी बसुआसियो, तुहां अहां दी मेहनत कने दुखां जो याद रखदे हन। कि अहां इसतांई रात दिन कम्म धंधा करदे होये तुहां च परमात्मे दा सुसमाचार प्रचार कित्ता कि तुहां च कुसी पर भी बोझ नीं बणन।

1 तीमुथियुस 1:1

मैं पौलुस जेह्ड़ा अहां दे उद्धार करणे आल़े परमात्मे कने यीशु मसीह जिस पर अहां आसा रखदे हन, तिन्हां दे हक्के दे जरिये यीशु मसीह दा प्रेरित ऐ, तुहां जो एह़ चिठ्ठी लिखा दा ऐ।

1 तीमुथियुस 2:7

परमात्मे मिन्जो सुसमाचारे दा प्रचार करणे कने प्रेरित बणने तांई कने होरनी जातिआं दे लोकां तांई चुणेया ऐ। मैं झूठ नीं ग्ला करदा ऐ अपर सच्च ग्ला करदा ऐ।

2 तीमुथियुस 1:11

परमात्मे मिन्जो इस सुसमाचारे दा प्रचार करणे कने प्रेरित बणने तांई कने होरनी जातिआं दे लोकां जो सिक्षा दैणे तांई चुणेया ऐ।

तीतुस 1:1

मैं पौलुस जेह्ड़ा परमात्मे दा दास कने यीशु मसीह दा प्रेरित ऐ, तुहां जो एह़ चिठ्ठी लिखा दा ऐ। मैं परमात्मे दे चुणेयो लोकां दे बसुआसे जो मजबूत करणे तांई चुणेया ऐ, कने तिन्हां दी मदत करणे तांई तांजे सैह़ तिसा सच्चाईया जो जाणी करी ऐदई ज़िन्दगी जीन, जिसते परमात्मा खुस हुंदा ऐ।

इब्रानियों 5:4

एह़ पदवी कोई भी अपणे आप्पे ते नीं लेई सकदा ऐ, जाह़लू तिकर कि हारूने साइआं परमात्मे दे पास्से ते चुणेया नीं जां।

इब्रानियों 7:26

ऐदेया ई महायाजक अहां दियां जरूरतां जो पूरा करी सकदा ऐ, जेह्ड़ा पवित्र, बेकसूर, कने साफ मने दा, कने पापियां ते लग्ग, कने सुअर्गे ते भी जादा म्हान कित्या होयैं।

याकूब 1:1

मैं याकूब जेह्ड़ा परमात्मे दा कने प्रभु यीशु मसीह दा दास एह़ चिठ्ठी तिन्हां बारांह गोत्रां जो लिखदा ऐ, जेह्ड़े संसारे च तितर-बितर होई नैं रैंह्दे हन, मेरा तिन्हां जो नमस्कार।

1 पतरस 4:17

क्जोकि सैह़ बग्त आई रेह्आ ऐ कि परमात्मा पैहल्ले अपणे लोकां दा न्याय करैं, इसतांई कि जाह़लू सैह़ अहां बसुआसियां दा सबते पैहल्ले न्याय करगा तां तिन्हां खतरनाक गल्लां दे बारे च सोचा जेह्ड़ियां तिन्हां सौगी हुंगिया, जेह्ड़े परमात्मे दे सुसमाचारे जो नीं मनदे?

2 पतरस 1:1

मैं शमौन पतरस जेह्ड़ा यीशु मसीह दा दास कने प्रेरित ऐ। मैं एह़ चिठ्ठी तिन्हां लोकां दे नांऐ पर लिखा दा ऐ, जिन्हां अहां दे परमात्मे कने उद्धार करणे आल़े यीशु मसीह दी धार्मिकता दे जरिये अहां साइआं कीमती बसुआस हासल कित्या ऐ।

यहूदा 1:1

मैं यहूदा जेह्ड़ा यीशु मसीह दा दास कने याकूबे दा लोक्का भाऊ ऐ, मैं एह़ चिठ्ठी तिन्हां लोकां दे नांऐ पर लिखा दा ऐ, जेह्ड़े परमात्मे दे जरिये तिस च बसुआस करणे तांई सद्देयो हन। अहां दा पिता परमात्मा तुहां नैं प्यार करदा ऐ कने यीशु मसीह दे जरिये तुहां जो बचांदा ऐ।

प्रकाशितवाक्य 1:1

एह़ कताब तिन्हां गल्लां दे बारे च दस्सदी ऐ, जेह्ड़ियां परमात्मैं यीशु मसीह जो दस्सियां, तांजे सैह़ इन्हां गल्लां जो अपणेयां दासां जो दस्सी सकैं, जिन्हां दा बड़ी तौल़ी होणा जरूरी ऐ: कने यीशुयैं एह़ संदेस अपणे सुअर्गदूते जो घल्ली करी तिसदे जरिये अपणे दास यूहन्ने जो दस्सेया,

प्रकाशितवाक्य 22:6

भिरी तिन्हीं मिन्जो नैं ग्लाया, “एह़ गल्लां बसुआसे जोग्गियां कने सच्च हन। प्रभुयैं, जेह्ड़ा भविष्यवक्तां दियां आत्मां दा परमात्मा ऐ, अपणे सुअर्गदूते जो इसतांई घल्लेया कि अपणे दासां जो सैह़ गल्लां, जिन्हां दा तौल़ी पूरा होणा जरूरी ऐ दस्सें।”

प्रकाशितवाक्य 22:9

अपर तिन्हीं मिन्जो नैं ग्लाया, “दिक्ख इआं मत कर; क्जोकि मैं तेरा, कने तेरे भाऊ भविष्यवक्ता कने इसा कताबा दियां गल्लां जो मन्नणे आल़ेआं दा संगी दास ऐ। परमात्मे दी ई अराधना कर।”