प्रकाशितवाक्य 9:4 - काँगड़ी

⁴ तिन्हीं ग्लाया कि ना तां धरतिया दे घाऐ जो, ना कुसी हरियालिया जो, ना कुसी रूखे जो नकसान पजा, सिर्फ तिन्हां माणुआं जो नकसान पजा जिन्हां दे मत्थे पर परमात्मे दी मोहर नीं ऐ।

प्रकाशितवाक्य 9:4 Iomraidhean Croise

मत्ती 24:24

“क्जोकि झूठे मसीह कने झूठे भविष्यवक्ता उठी खड़ोणा, कने बड्डे चमत्कार, कने अनोखे कम्म दस्सगे, कि जे होई सकैं परमात्मे दे चुणेयां लोकां जो भी भटकाई दैन।

इफिसियों 4:30

अपणे कम्मां दे जरिये परमात्मे दिया पवित्र आत्मा जो दुखी मत करा, जिसा सौगी छुटकारे दे दिन तांई तुहां पर मोहर लगियो ऐ।

प्रकाशितवाक्य 14:1

तिसते बाद मैं भिरी दिख्या, सैह़ मेम्ना सिय्योन प्हाड़े पर खड़ोत्या ऐ, कने तिस सौगी इक्क लख चौत्ताल़ी हज़ार लोक हन, जिन्हां दे मत्थे पर तिसदा कने तिसदे पिते दा नां लिख्या ऐ।

प्रकाशितवाक्य 6:6

कने मैं तिन्हां चौंन्नी प्राणियां बिच्च इक्क सब्द एह़ ग्लांदे सुणेया, कि “ओणे आल़े दिनां च बड़ा बड्डा अकाल पोंगा इसतांई इक्क किलो कणक कने त्रै किलो जौं खरीदणे तांई इक्की दिने दी दिहाड़ी बड़ी भरी ऐ, अपर तेल कने अंगूरा दे रसे दा नकसान मत होणा दिंदा।”

प्रकाशितवाक्य 7:1

इसते बाद मैं धरतिया दे चौंन्नी कुणेयां पर चार सुअर्गदूत दिक्खे। जेह्ड़े धरतिया दे चौंन्नी पास्से ते ओणे आल़ी हौआ जो रोकी करी खड़ोत्यो थे। तांजे धरतिया या समुंदरे या कुसी रूखे च हौआ नीं चल्लैं।

प्रकाशितवाक्य 8:7

पैहल्ले सुअर्गदूतैं तुरही बजाई, कने तिसी बग्त आणी दी बरखा कने खूने नैं मिल्लेयो अंगारे धरतिया पर पै; इसा बज़ाह ते धरतिया दा त्रीआ हिस्सा फकौई गेआ, कने रूखां दा भी त्रीआ हिस्सा फकौई गेआ, कने सारा सैला घाह भी जल़ी गेआ।