प्रकाशितवाक्य 9:1 - काँगड़ी

¹ ताह़लू पंजमे सुअर्गदूतैं तुरही बजाई, तां मैं सुअर्गे ते धरतिया पर इक्क तारा टिरदा दिख्या, कने तिसियो इक्क चाबी अथाह कुंडे दी चाबी दित्ती।

प्रकाशितवाक्य 9:1 Iomraidhean Croise

लूका 10:18

यीशुयैं तिन्हां नैं ग्लाया, जाह़लू दुष्टआत्मां तुहां दे बसे च होईयां, “तां मैं सैताने जो बिजल़ी साइआं सुअर्गे ते पोंदा दिक्खा दा था।

लूका 8:31

तिन्हां दुष्टआत्मां तिस नैं विणती कित्ती कि अहां जो अथाह कुंडे च जाणा मत देआ।

रोमियो 10:7

कने एह़ भी नीं ग्लाणा, “अधोलोक च कुण जांगा?” (मतलब मसीह जो मरेयां ते जिन्दा करी नैं लेयोणे तांई!)

प्रकाशितवाक्य 1:18

कने मैं सैह़ ऐ जेह्ड़ा हमेसा जिन्दा ऐ, इक्क बग्त था जाह़लू मैं मरी गेआ था, अपर हुण मैं जिन्दा ऐ कने हमेसा जिन्दा रैंह्गा; कने मौत्त कने अधोलोक दी चाबियां मिन्जो अल्ल ई हन।

प्रकाशितवाक्य 1:20

जेह्ड़े सत तारे तैं मेरे सज्जे हत्थे च दिक्खे, सैह़ तारे सत्तां कलीसियां दे सुअर्गदूत हन, कने सैह़ सत सोन्ने दे दीपदान सत कलीसियां हन।”

प्रकाशितवाक्य 11:7

जाह़लू सैह़ अपणी गवाही देई बैंगे, तां सैह़ जंगली जानवर जेह्ड़ा अथाह कुंडे ते बाहर निकल़गा, तिन्हां नैं लड़ाई करी नैं तिन्हां जो जीत्ती लैंगा कने तिन्हां जो मारी दिंगा।

प्रकाशितवाक्य 17:8

जेह्ड़ा जंगली जानवर तैं दिख्या ऐ, सैह़ पैहल्लैं तां था पर हुण नीं ऐ, कने अथाह कुंडे ते निकल़ी करी विनाशे च पोंगा; कने संसारे दे लोक जिन्हां दे नां सृष्टिया दे सुरू होणे दे बग्ते ते तिसा ज़िन्दगिया दिया कताबा च लिखे नीं गै, इस जंगली जानवरे दी एह़ हालत दिक्खी करी कि पैहल्ले था कने हुण नीं ऐ कने भिरी आई जांगा, हरान हुंगे।

प्रकाशितवाक्य 20:1

भिरी मैं इक्की सुअर्गदूते जो सुअर्गे ते लौंदे दिख्या, जिसदे हत्थे च अथाह कुंडे दी चाबी कने इक्क बड्डा संगल़ था।

प्रकाशितवाक्य 20:10

तिन्हां दा भटकाणे आल़ा सैतान अग्ग कने गंधका दिया तिसा झीला च, जिसा च सैह़ जंगली जानवर कने झूठा भविष्यवक्ता भी पाई दित्ता जांगा; कने सैह़ रात दिन जुगा-जुग पीड़ा च तड़फदे रैंह्गे।

प्रकाशितवाक्य 6:13

अम्बरे दे तारे धरतिया पर इआं पै जिंआं बड्डे तफाने नैं हिल्ली करी धूड़े दे रूखे ते कच्चे फल़ झड़दे हन।

प्रकाशितवाक्य 8:10

त्रीयें सुअर्गदूतैं तुरही बजाई, कने इक्क बड्डा तारा जेह्ड़ा मशाला साइआं जल़दा था सुअर्गे ते टूटेया, जिसदिया बज़ाह ते सैह़ नदियां दे त्रीये हिस्से पर कने पांणिये दे झरने पर आई पेआ।

प्रकाशितवाक्य 8:12

चौथे सुअर्गदूतैं तुरही बजाई, कने सूरजे दा त्रीआ हिस्सा, कने चन्द्रमे दा त्रीआ हिस्सा कने तारेयां दे त्रीये हिस्से पर मुसीबत आई, जिसदिया बज़ाह ते तिन्हां त्रीआ हिस्सा नेहरा होई गेआ कने दिने दा त्रीआ हिस्सा परगड़ा नीं रेह्आ, कने तिंआं ई राती भी।

प्रकाशितवाक्य 8:2

ताह़लू मैं तिन्हां सत्तां सुअर्गदूतां जो दिख्या जेह्ड़े परमात्मे सामणै खड़ोत्यो रैंह्दे हन, कने तिन्हां जो सत तुरहियां दित्तियां गियां।

प्रकाशितवाक्य 9:2

तिन्हीं अथाह कुंड खोलेया, कने कुंडे च बड्डिया भट्ठिया साइआं धुआं उठेया, कने तिस कुंडे दे धूयें दिया बज़ाह ते सूरज, कने अम्बर काल़ा होई गेआ।