प्रकाशितवाक्य 8:7 - काँगड़ी

⁷ पैहल्ले सुअर्गदूतैं तुरही बजाई, कने तिसी बग्त आणी दी बरखा कने खूने नैं मिल्लेयो अंगारे धरतिया पर पै; इसा बज़ाह ते धरतिया दा त्रीआ हिस्सा फकौई गेआ, कने रूखां दा भी त्रीआ हिस्सा फकौई गेआ, कने सारा सैला घाह भी जल़ी गेआ।

प्रकाशितवाक्य 8:7 Iomraidhean Croise

याकूब 1:11

क्जोकि सूरजे घरूंदे ई तेज धूप पोंदी ऐ कने घाऐ जो सकाई दिंदी ऐ, कने तिन्हां दे फूल कने पत्तर झड़ी जांदे हन, कने तिन्हां दी सुन्दरता खत्म होई जांदी ऐ। इस तरीके नैं अमीर माणु भी अपणे ज़िन्दगी दे कम्मां च नठ्ठ-भज्ज करदे-करदे धूड़ी च मिल्ली जांगा।

1 पतरस 1:24

क्जोकि पवित्रशास्त्रे च लिख्या ऐ: “सारे लोक घाऐ साइआं हन, कने तिन्हां सारेयां दी खूबसूरती जंगली फूलां साइआं ऐ। घाह सुकी जांदा ऐ, कने फूल झड़ी जांदे हन,

प्रकाशितवाक्य 12:4

तिसदी पूंछा अम्बरे दे तारेयां दा त्रीआ हिस्से जो खींजी करी धरतिया पर सट्टी दित्ता। सैह़ अजगर तिसा जणासा सामणै जेह्ड़ी गर्भवती थी, खड़ोई गेआ कि जाह़लू सैह़ बच्चा जम्मगी तां तिसादे बच्चे जो निगल़ी जां।

प्रकाशितवाक्य 16:2

तां पैहल्ले सुअर्गदूतैं जाई करी अपणा कटोरा धरती पर डोली दित्ता। तिसदा नतीजा एह़ होएया कि तिन्हां माणुआं दे जिन्हां पर तिस पैहल्ले जंगली जानवरे दी मोहर थी कने जेह्ड़े तिसदिया मूर्तिया दी अराधना करदे थे, इक्क दुख दैणे आल़ा कने जान्नलेवा फोड़ा निकल़ेया।

प्रकाशितवाक्य 16:21

अम्बरे ते लोकां पर मणे-मणे दा सणाट पेआ कने इसतांई कि खतरे बड़े ई भारी थे, लोक सणाटे दिया बज़ाह ते परमात्मे दी निंदा करणा लग्गे क्जोकि एह़ खतरा झेलणे ते बाहर था।

प्रकाशितवाक्य 6:8

कने मिन्जो तिसी बग्त इक्क पीले रंगे दा घोड़ा दुस्सेया; जेह्ड़ा तिस घोड़े पर बैठेया था, तिसदा नां मौत्त था, कने मौत्ती दा राज्ज तिसदे पचांह़-पचांह़ ओआ दा था; कने तिसियो धरतिया दे इक्क चौथे हिस्से पर एह़ हक्क दित्ता, कि तलवार, अकाल, मरी, कने धरतिया दे जानवरां दे जरिये लोकां जो मारी दैं।

प्रकाशितवाक्य 7:1

इसते बाद मैं धरतिया दे चौंन्नी कुणेयां पर चार सुअर्गदूत दिक्खे। जेह्ड़े धरतिया दे चौंन्नी पास्से ते ओणे आल़ी हौआ जो रोकी करी खड़ोत्यो थे। तांजे धरतिया या समुंदरे या कुसी रूखे च हौआ नीं चल्लैं।

प्रकाशितवाक्य 9:15

तिन्हां चौंन्नी दूतां जो जेह्ड़े तिस बग्त, दिन, मीहने तांई त्यार रखेयो थे, त्रीआ हिस्सा माणुआं दा नास करणे तांई अजाद करी दित्ते गै।

प्रकाशितवाक्य 9:18

इन्हां त्रीनी खतरेयां; मतलब अग्ग, धूयें कने गंधक ते, जेह्ड़े तिसदे मुँऐ ते निकल़दे थे माणुआं दा त्रीआ हिस्सा मारी दित्ता।

प्रकाशितवाक्य 9:4

तिन्हीं ग्लाया कि ना तां धरतिया दे घाऐ जो, ना कुसी हरियालिया जो, ना कुसी रूखे जो नकसान पजा, सिर्फ तिन्हां माणुआं जो नकसान पजा जिन्हां दे मत्थे पर परमात्मे दी मोहर नीं ऐ।