प्रकाशितवाक्य 8:5 - काँगड़ी

⁵ ताह़लू सुअर्गदूतैं धूपदान लेई करी तिस च वेदिया ते भखदे क्योले भरे कने धरतिया पर सट्टी दित्ते; कने बदल़ां दे गड़ाके, बिजल़ी चमकणा कने हिल्लण होणा लग्गे।

प्रकाशितवाक्य 8:5 Iomraidhean Croise

मत्ती 24:7

क्जोकि जाति पर जाति राज्जे पर राज्ज चढ़ाई करगा, कने जगाह-जगाह पर अकाल पोणे हन, कने हिल्लण हुंगे।

लूका 12:49

“मैं धरतिया पर अग्ग लगाणा आया ऐ; कने कदेया खरा हुंदा, जे एह़ इसी बग्त होई जांदा।

प्रेरितां दे कम्म 16:26

इतणे च इकदम हिल्लण होणा लग्गा, ऐत्थु तिकर कि जेला दी नीई तिकर हिल्ली गेई, कने इकदम जेला दे दरवाजे खुली गै, कने सारे बंधन खुली गै।

प्रेरितां दे कम्म 4:31

जाह़लू सैह़ प्रार्थना करी बैठे, तां सैह़ जगाह जित्थु सैह़ कठ्ठरोयो थे हिल्ली गेई कने सैह़ सारे पवित्र आत्मा नैं भरोई गै, कने परमात्मे दा वचन हिम्मता सौगी सणांदे रैह्।

प्रकाशितवाक्य 11:13

भिरी तिस बग्त इक्क बड्डा हिल्लण होएया, कने सैहरे दियां कोठियां दा दसमां हिस्सा पेई गेआ; कने तिस हिल्लणे नैं सत हज़ार माणु मरिये, कने बाक्कि डरी गै कने सुअर्गे दे परमात्मे दी महिमा कित्ती।

प्रकाशितवाक्य 11:19

कने परमात्मे दा जेह्ड़ा मंदर सुअर्गे च ऐ सैह़ खोलेया गेआ, कने तिसदे मंदरे च तिसदे वादे दा सन्दूक दुस्सेया; कने तिसी बग्त बिजलियां, उआज़, गड़ाके कने हिल्लण होये कने अम्बरे ते बड्डा सणाट पेआ।

प्रकाशितवाक्य 4:5

तिस सिंहासणे ते बिजलियां कने गड़ाके निकल़ा दे थे, कने सिंहासणे सामणै अग्गी दे सत दीय्ये बल़ा दे थे, जेह्ड़े परमात्मे दियां सत आत्मां हन,

प्रकाशितवाक्य 6:12

जाह़लू मेम्नैं छेमी सील्ल खोली, तां मैं दिख्या कि इक्क बड्डा हिल्लण होएया, कने सूरज कम्बले साइआं काल़ा कने पूरा चन्द्रमा खूने साइआं लाल होई गेआ।

प्रकाशितवाक्य 8:3

भिरी इक्क होर सुअर्गदूत सोन्ने दा धूपदान लेई करी आया, कने वेदिया बक्खे खड़ोई गेआ; कने मता धूप दित्ता गेआ कि सब पवित्र लोकां दिया प्रार्थना सौगी सोन्ने दिया तिसा वेदिया पर चढ़ान, जेह्ड़ी सिंहासणे सामणै ऐ।