प्रकाशितवाक्य 8:3 - काँगड़ी

³ भिरी इक्क होर सुअर्गदूत सोन्ने दा धूपदान लेई करी आया, कने वेदिया बक्खे खड़ोई गेआ; कने मता धूप दित्ता गेआ कि सब पवित्र लोकां दिया प्रार्थना सौगी सोन्ने दिया तिसा वेदिया पर चढ़ान, जेह्ड़ी सिंहासणे सामणै ऐ।

प्रकाशितवाक्य 8:3 Iomraidhean Croise

लूका 1:10

कने धूपे बाल़णे दे बग्त अराधना करणे आल़े लोकां दी सारी मंडल़ी मंदरे दे अँगणे च प्रार्थना करा दी थी।

रोमियो 8:34

भिरी कुण ऐ जेह्ड़ा अहां पर दोस लगाई सकदा ऐ? कोई भी नीं। क्जोकि यीशु मसीह ई ऐ जिन्हीं अपणे प्राण अहां तांई देई दित्ते, कने जेह्ड़ा मरेयां ते जिन्दा भी होई गेआ, कने परमात्मे दे सज्जे पास्से ऐ, कने अहां तांई विणती भी करदा ऐ।

इब्रानियों 7:25

इसतांई जेह्ड़े यीशुये दे जरिये परमात्मे अल्ल ओंदे हन, सैह़ तिन्हां दा पूरा-पूरा उद्धार करी सकदा ऐ, क्जोकि सैह़ तिन्हां तांई विणती करणे जो सदा जिन्दा ऐ।

इब्रानियों 9:4

तिस अंदरे आल़े हिस्से च सोन्ने दी धूपदानी कने चौंन्नी पास्सेयां ते सोन्ने दा मढ़ेया वादे दा सन्दूक था। तिस सन्दूके अंदर मन्ने नैं भरोया सोन्ने दा मर्तबान कने हारूने दी सोठी जिस च कुल़े पत्तर आई गियो थे, कने वादे दी पत्थरे दिया पट्टियां रखियां थियां।

प्रकाशितवाक्य 10:1

भिरी मैं इक्क होर ताकतवर सुअर्गदूते जो सुअर्गे ते लौंदे दिख्या, जिसियो बदल़ां चौंन्नी पास्सेयां ते घेरेया था। तिसदे सिरे दे चौंन्नी पास्से सतरंगी धनुष था। तिसदा मुँ सूरजे साइआं चमकीला कने तिसदे पैर अग्गी दे खम्भे साइआं थे।

प्रकाशितवाक्य 14:18

भिरी इक्क होर सुअर्गदूत, जिसियो अग्गी पर हक्क था, वेदी ते निकल़ेया, कने जिस अल्ल तेज दराटी थी तिन्हीं जोरे नैं ग्लाया, “अपणी तेज दराटी चलाई करी धरतिया दे अंगूरा दे गुच्छेयां जो बड्डी लै, क्जोकि तिसदे अंगूर पकी गियो हन।”

प्रकाशितवाक्य 5:8

जाह़लू तिन्हीं कताबा जो लेई लेआ, तां सैह़ चारो प्राणी कने सैह़ चौबी स्याणे तिस मेम्ने सामणै गोड्डे भार पेई गै। कने तिन्हां च हर इक्की दे हत्थे च बीण कने धूपे नैं भरोयो सोन्ने दे कटोरे थे, जेह्ड़े लोकां दिया प्रार्थना दे पास्से इसारा करदे हन।

प्रकाशितवाक्य 6:9

जाह़लू मेम्नैं पंजमी सील्ल खोली, तां मैं वेदी दे थल्लै तिन्हां दे प्राणा जो दिख्या जेह्ड़ा परमात्मे दे वचने दिया बज़ाह ते कने तिसा गवाहिया दिया बज़ाह ते जेह्ड़ी तिन्हां दित्तियो थी तिन्हां दा वध करी दित्या था।

प्रकाशितवाक्य 7:2

भिरी मैं इक्क होर सुअर्गदूते जो जिन्दे परमात्मे दी मोहर लेई करी पूरब दिसा ते ऊपरेयो ओंदे दिख्या; तिन्हीं तिन्हां चौंन्नी सुअर्गदूतां नैं जिन्हां जो धरती कने समुंदरे दा नकसान करणे दा हक्क दित्या था, जोरे नैं ग्लाया,

प्रकाशितवाक्य 8:4

तिस धूपे दा धूँ पवित्र लोकां दिया प्रार्थना समेत सुअर्गदूते दे हत्थे नैं परमात्मे सामणै पुज्जी गेआ।

प्रकाशितवाक्य 8:5

ताह़लू सुअर्गदूतैं धूपदान लेई करी तिस च वेदिया ते भखदे क्योले भरे कने धरतिया पर सट्टी दित्ते; कने बदल़ां दे गड़ाके, बिजल़ी चमकणा कने हिल्लण होणा लग्गे।

प्रकाशितवाक्य 9:13

जाह़लू छेमे सुअर्गदूतैं तुरही बजाई तां सोन्ने दा धूपदान जेह्ड़ा परमात्मे सामणै ऐ तिसदे सींगा ते मैं इक्क ऐदई उआज़ सुणी