प्रकाशितवाक्य 7:9 - काँगड़ी

⁹ इसते बाद मैं दिख्या, कि लोकां दी इतणी बड्डी भीड़ थी, कने कोई भी तिसा जो गिणी नीं सकदा था, तिसा भीड़ा च हर इक्क देस, गोत्र, जाति कने भासा दे लोक थे, कने सैह़ चिट्टे कपड़े पैहनी करी कने अपणे हत्थां च खजूरे दियां डाल़िआं लेई करी सिंहासणे सामणै कने मेम्ने सामणै खड़ोत्यो थे।

प्रकाशितवाक्य 7:9 Iomraidhean Croise

लूका 12:1

इतणे च जाह़लू हज़ारां लोकां दी भीड़ लग्गी गेई, ऐत्थु तिकर कि सैह़ इक्की-दूये जो धक्का-मुक्की करणा लग्गी पैयो थे, ताह़लू यीशु सबना ते पैहल्ले अपणे चेलेयां नैं ग्लाणा लग्गा, “फरीसी माणुआं दे खमीरे ते मतलब झूठी सिक्षा ते चौकन्ने रैहणा।

लूका 21:36

इसतांई जागदे रेह्आ कने हर बग्त प्रार्थना करदे रेह्आ कि तुहां इन्हां सब ओणे आल़िआं मुसीबता ते बची करी रैह़न कने माणुये सामणै खड़ोणे जोग्गा तां बणा।”

यूहन्ना 12:13

इसतांई तिन्हां खजूरे दियां डाल़िआं लियां कने तिस नैं मिलणा चली पै, कने जोरे नैं ग्लाणा लग्गे, “परमात्मे दी स्तुति करा जेह्ड़ा सुअर्गे च ऐ। धन ऐ इस्राएले दा राजा, जेह्ड़ा प्रभु दे नांऐ ते ओआ दा ऐ।”

रोमियो 11:25

हे प्यारे साथी बसुआसियो, कुत्थी इआं ना होयैं कि तुहां अप्पु जो अक्लमंद समझी लैन; इसतांई मैं तुहां लोकां पर एह़ भेत प्रगट करणा चांह़दा ऐ, कि इस्राएल देसे दा इक्क हिस्सा ताह़लू तिकर अणजाण बणी रैंह्गा, जाह़लू तिकर होरनी जातिआं दे सारे लोक पूरे तरीके नैं मसीह च नीं आई जान।

इब्रानियों 11:12

जाह़लू अब्राहम बड़ा जबरा था, कने मरने दिया हालता च था, ताह़लू तिसदा अम्बरे ते तारेयां कने समुंदरे दिया रेता दे कणां साइआं अणगिणत वंश पैदा होएया।

इब्रानियों 12:22

तुहां लोक सिय्योने दे प्हाड़े दे बक्खे पुज्जे हन, जेह्ड़ा जिन्दे परमात्मे दा सैहर ऐ। एह़ सैह़ सुअर्गीय यरूशलेम ऐ, जित्थु लखां सुअर्गदूत खुसिया दा त्योहार मनांदे हन।

प्रकाशितवाक्य 11:15

जाह़लू सतमे सुअर्गदूतैं तुरही बजाई, तां सुअर्गे ते इस बारे च जोरे-जोरे दियां उआज़ां होणा लग्गियां: “संसारे दा राज्ज अहां दे प्रभु कने तिसदे मसीह दा होईया, कने सैई जुगा-जुग राज्ज करगा।”

प्रकाशितवाक्य 22:3

भिरी श्राप नीं हुंगा, कने परमात्मे कने मेम्ने दा सिंहासण तिस सैहरे च हुंगा कने तिसदे दास तिसदी अराधना करगे।

प्रकाशितवाक्य 3:18

इसतांई मैं तिज्जो इक्क सलाह दिंदा ऐ कि अग्गी च तपाया सोन्ना मिन्जो ते खरीदी लै कि तू दौलतमंद होई जां, कने चिट्टे कपड़े लेई लै कि पैहनी करी तिज्जो अपणे नंगेपन दी सर्म नीं होयैं, कने अपणियां अखीं च मल़णे तांई सुर्मा लै कि तू दिक्खणा लग्गी पोयैं।

प्रकाशितवाक्य 4:4

तिस सिंहासणे दे चौंन्नी पास्से चौबी सिंहासण थे; कने इन्हां सिंहासणा पर चौबी स्याणे चिट्टे कपड़े पैहनी नैं बैठेयो थे, कने तिन्हां दे सिरां पर सोन्ने दे मुकट थे।

प्रकाशितवाक्य 5:11

जाह़लू मैं दुवारी भिरी दिख्या, तां मैं तिस सिंहासणे कने तिन्हां प्राणियां कने तिन्हां स्याणेयां दे चौंन्नी पास्से मते सारे सुअर्गदूतां दी उआज़ सुणी, जिन्हां दी गिणती लखां कने करोड़ां दी थी,

प्रकाशितवाक्य 5:9

सैह़ एह़ नौआं गीत गा थे, “इसा कताब जो लैणे दा, कने इसा दियां सील्लां खोलणे दा हक्क तिज्जो अल्ल ऐ, क्जोकि तू इक्क मेम्ने साइआं बलिदान होई करी अपणे खूने नैं हर इक्क गोत्र, भासा, देस कने जातिया ते परमात्मे तांई लोकां जो खरीदी लेआ ऐ;

प्रकाशितवाक्य 6:11

तिन्हां च हर इक्की जो चिट्टा कपड़ा दित्ता गेआ, कने तिन्हां नैं ग्लाया गेआ कि होर थोड़ी देर तिकर इन्तजार करा, क्जोकि तुहां दे कुच्छ होर भी संगी साथी कने बसुआसी भाऊ हन, जिन्हां दा खून भी तुहां साइआं कित्ता जांगा। जाह़लू तिन्हां दी जिन्हां दा खून कित्या गिणती पूरी होई जांगी, सिर्फ ताह़लू ई मैं बदला लैंगा।