प्रकाशितवाक्य 7:3 - काँगड़ी

³ “जाह़लू तिकर अहां अपणे परमात्मे दे दासां दे मत्थे पर मोहर नीं लगाई दैन, ताह़लू तिकर धरतिया दा, समुंदरे दा कने रूखां दा नास मत करदा।”

प्रकाशितवाक्य 7:3 Iomraidhean Croise

मत्ती 24:22

कने जे सैह़ दिन घटाये नीं जांदे तां कोई भी प्राणी नीं बचदा, अपर चुणेयां दिया बज़ाह ते सैह़ दिन घटाये जांगे।

मत्ती 24:31

सैह़ तुरही दी बड्डी उआज़ा सौगी अपणे सुअर्गदूतां जो घल्लगा, कने सैह़ धरतिया दे सारे तिसदे चुणेयां लोकां जो किठ्ठा करगे।

यूहन्ना 12:26

जे कोई मेरी सेवा करणा चां, तां सैह़ मेरा चेला बणैं; कने जित्थु मैं ऐ, तित्थु मेरा चेला भी हुंगा। जे कोई मेरी सेवा करैं, तां पिता तिसदा आदर करगा।

यूहन्ना 3:33

अपर जिन्हीं तिसदिया गवाहिया पर बसुआस करी लेआ तिन्हीं इसा गल्ला पर छाप लगाई दित्ती कि परमात्मा सच्चा ऐ।

रोमियो 6:22

अपर हुण पापे ते अजाद होई नैं परमात्मे दे दास बणी नैं तुहां जो फायदा होएया जिसते पवित्रता हासल हुंदी ऐ, कने तिसदा नतीजा सदा दी ज़िन्दगी ऐ।

प्रकाशितवाक्य 13:16

तिन्हीं छोटे-बड्डे, अमीर-गरीब, अजाद -दास सबना दे सज्जे हत्थे या तिन्हां दे मत्थे पर इक्क-इक्क मोहर लगवाई दित्ती,

प्रकाशितवाक्य 13:17

कि तिसियो छड्डी जिस पर मोहर मतलब तिस पैहल्ले जंगली जानवरे दा नां या तिसदे नांऐ दी संख्या होयैं, कने होर कोई लैण-दैण नीं करी सकैं।

प्रकाशितवाक्य 14:1

तिसते बाद मैं भिरी दिख्या, सैह़ मेम्ना सिय्योन प्हाड़े पर खड़ोत्या ऐ, कने तिस सौगी इक्क लख चौत्ताल़ी हज़ार लोक हन, जिन्हां दे मत्थे पर तिसदा कने तिसदे पिते दा नां लिख्या ऐ।

प्रकाशितवाक्य 14:9

भिरी इन्हां दे बाद इक्क होर त्रीआ सुअर्गदूत बड़ी जोरे-जोरे नैं एह़ ग्लांदा आया, “जेह्ड़ा कोई तिस पैहल्ले जंगली जानवरे दी कने तिसदिया मूर्तिया दी पूजा करगा, कने अपणे मत्थे या अपणे हत्थे पर तिसदी मोहर लगवांगा।

प्रकाशितवाक्य 19:2

क्जोकि तिसदे फैसले सच्चे कने ठीक हन। इसतांई कि तिन्हीं तिसा बड्डिया वैश्या दा, जेह्ड़ी अपणे ब्यभिचारे नैं धरतिया जो बदनाम करदी थी, न्याय कित्ता कने तिसाते अपणे दासां दे खूने दा बदला लेआ ऐ।”

प्रकाशितवाक्य 20:4

भिरी मैं सिंहासण दिक्खे, कने तिन्हां पर लोक बैठी गै, कने तिन्हां जो न्याय करणे दा हक्क दित्ता गेआ। मैं तिन्हां दियां आत्मां जो भी दिख्या जिन्हां दे सिर यीशु दी गवाही दैणे कने परमात्मे दे वचने दिया बज़ाह ते बड्डे गियो थे, कने जिन्हां ना तिस जंगली जानवरे दी, ना तिसा मूर्तिया दी अराधना कित्तियो थी, कने ना तिसदी मोहर अपणे मत्थे कने हत्थां पर लगाईयो थी। सैह़ जिन्दे होई करी मसीह सौगी हज़ार साल तिकर राज्ज करदे रैह़न।

प्रकाशितवाक्य 22:4

सैह़ तिसियो आमणै-सामणै दिक्खगे, कने तिसदा नां तिन्हां दे मत्थे पर लिख्या हुंगा।

प्रकाशितवाक्य 6:6

कने मैं तिन्हां चौंन्नी प्राणियां बिच्च इक्क सब्द एह़ ग्लांदे सुणेया, कि “ओणे आल़े दिनां च बड़ा बड्डा अकाल पोंगा इसतांई इक्क किलो कणक कने त्रै किलो जौं खरीदणे तांई इक्की दिने दी दिहाड़ी बड़ी भरी ऐ, अपर तेल कने अंगूरा दे रसे दा नकसान मत होणा दिंदा।”

प्रकाशितवाक्य 7:1

इसते बाद मैं धरतिया दे चौंन्नी कुणेयां पर चार सुअर्गदूत दिक्खे। जेह्ड़े धरतिया दे चौंन्नी पास्से ते ओणे आल़ी हौआ जो रोकी करी खड़ोत्यो थे। तांजे धरतिया या समुंदरे या कुसी रूखे च हौआ नीं चल्लैं।

प्रकाशितवाक्य 7:2

भिरी मैं इक्क होर सुअर्गदूते जो जिन्दे परमात्मे दी मोहर लेई करी पूरब दिसा ते ऊपरेयो ओंदे दिख्या; तिन्हीं तिन्हां चौंन्नी सुअर्गदूतां नैं जिन्हां जो धरती कने समुंदरे दा नकसान करणे दा हक्क दित्या था, जोरे नैं ग्लाया,

प्रकाशितवाक्य 9:4

तिन्हीं ग्लाया कि ना तां धरतिया दे घाऐ जो, ना कुसी हरियालिया जो, ना कुसी रूखे जो नकसान पजा, सिर्फ तिन्हां माणुआं जो नकसान पजा जिन्हां दे मत्थे पर परमात्मे दी मोहर नीं ऐ।