प्रकाशितवाक्य 7:2 - काँगड़ी

² भिरी मैं इक्क होर सुअर्गदूते जो जिन्दे परमात्मे दी मोहर लेई करी पूरब दिसा ते ऊपरेयो ओंदे दिख्या; तिन्हीं तिन्हां चौंन्नी सुअर्गदूतां नैं जिन्हां जो धरती कने समुंदरे दा नकसान करणे दा हक्क दित्या था, जोरे नैं ग्लाया,

प्रकाशितवाक्य 7:2 Iomraidhean Croise

मत्ती 16:16

शमौन पतरसैं ग्लाया, “तुहां जिन्दे परमात्मे दे पुत्तर मसीह हन।”

मत्ती 26:63

अपर यीशु चुप रेह्आ। ताह़लू महायाजकैं तिस नैं ग्लाया, “मैं तिज्जो जिन्दे परमात्मे दी कसम दिंदा कि जे तू परमात्मे दा पुत्तर मसीह ऐ, तां अहां नैं ग्लाई दे।”

यूहन्ना 6:27

तिस खाणे तांई मेहनत मत करा जेह्ड़ा नास होई जांदा ऐ, अपर तिस खाणे तांई मेहनत करा जेह्ड़ा सदा दी ज़िन्दगिया तिकर बणी रैंह्गा, जिसियो मैं माणुये दा पुत्तर तुहां जो दिंगा, क्जोकि पिता परमात्मैं मिन्जो इसियो दैणे दा हक्क दित्या ऐ।”

इफिसियों 1:13

कने तिस च तुहां पर भी, जाह़लू तुहां सच्च दा वचन सुणेया जेह्ड़ा तुहां दे उद्धारे दा सुसमाचार ऐ कने जिस पर तुहां बसुआस कित्ता, परमात्मे तुहां जो वादे दी पवित्र आत्मा एह़ दस्सणे तांई दित्ता, कि तुहां तिसदे हन।

इफिसियों 4:30

अपणे कम्मां दे जरिये परमात्मे दिया पवित्र आत्मा जो दुखी मत करा, जिसा सौगी छुटकारे दे दिन तांई तुहां पर मोहर लगियो ऐ।

1 थिस्सलुनीकियों 1:9

क्जोकि सैई अप्पु ई अहां दे बारे च ग्लांदे हन, कि जाह़लू अहां तुहां अल्ल आये, तां तुहां अहां दा सुआगत कितणे आदरे नैं कित्ता; कने एह़ भी कि कुस तरीके नैं तुहां मूर्तियां ते दूर होई नैं परमात्मे पास्से फिरे तांजे जिन्दे कने सच्चे परमात्मे दी सेवा करन।

2 तीमुथियुस 2:19

तमी परमात्मे दे लोकां दा बसुआस पक्किया नीआ साइआं मजबूत बणी रैंह्दा ऐ, कने तिसा नीआ पर एह़ सब्द लखुयो हन, “प्रभु जाणदा ऐ कि तिसदे अपणे लोक कुण हन,” कने एह़ भी “जेह्ड़ा प्रभु दी अराधना करदा ऐ, तिसियो बुरे कम्म करणा छड्डी दैणे चाइदे।”

इब्रानियों 12:22

तुहां लोक सिय्योने दे प्हाड़े दे बक्खे पुज्जे हन, जेह्ड़ा जिन्दे परमात्मे दा सैहर ऐ। एह़ सैह़ सुअर्गीय यरूशलेम ऐ, जित्थु लखां सुअर्गदूत खुसिया दा त्योहार मनांदे हन।

प्रकाशितवाक्य 1:3

धन ऐ सैह़ जेह्ड़ा इसा भविष्यवाणिया दे वचने जो पढ़दा ऐ, कने सैह़ जेह्ड़े सुणदे हन कने इस च लिखियां गल्लां जो मनदे हन। क्जोकि एह़ गल्लां तौल़ी होणे आल़िआं हन।

प्रकाशितवाक्य 10:1

भिरी मैं इक्क होर ताकतवर सुअर्गदूते जो सुअर्गे ते लौंदे दिख्या, जिसियो बदल़ां चौंन्नी पास्सेयां ते घेरेया था। तिसदे सिरे दे चौंन्नी पास्से सतरंगी धनुष था। तिसदा मुँ सूरजे साइआं चमकीला कने तिसदे पैर अग्गी दे खम्भे साइआं थे।

प्रकाशितवाक्य 10:4

जाह़लू गड़ाकेयां दियां सत उआज़ां सुम्मियां, तां जेह्ड़ा मैं सुणेया, तिसियो लिखणे तांई त्यार था, अपर मैं सुअर्गे ते एह़ उआज़ सुणी, “जेह्ड़ियां गल्लां तैं गड़ाकेयां दियां तिन्हां सत्तां उआज़ां ते सुणियां हन, तिन्हां जो गुप्त रख, कने मत लिख।”

प्रकाशितवाक्य 16:12

छेमें सुअर्गदूतैं अपणा कटोरा बड्डी नदी फराता पर डोली दित्ता, कने तिसादा पाणी सुकी गेआ कि पूरब दिसा दे राजेयां तांई रस्ता त्यार होई जां।

प्रकाशितवाक्य 5:2

भिरी मैं इक्क ताकतवर सुअर्गदूते जो दिख्या जेह्ड़ा जोरे नैं एह़ ग्लादा था, “इसा कताबा जो खोलणे कने तिसा दियां सील्लां तोड़णे दा हक्क कुसिया अल्ल ऐ?”

प्रकाशितवाक्य 8:3

भिरी इक्क होर सुअर्गदूत सोन्ने दा धूपदान लेई करी आया, कने वेदिया बक्खे खड़ोई गेआ; कने मता धूप दित्ता गेआ कि सब पवित्र लोकां दिया प्रार्थना सौगी सोन्ने दिया तिसा वेदिया पर चढ़ान, जेह्ड़ी सिंहासणे सामणै ऐ।

प्रकाशितवाक्य 9:14

मन्ना कि कोई छेमे सुअर्गदूते नैं जिस अल्ल तुरही थी, ग्ला दा ऐ, “तिन्हां चौंन्नी दूतां जो जेह्ड़े बड्डी नदी फराता दे कंडे बन्नेयो हन, खोली दे।”

प्रकाशितवाक्य 9:4

तिन्हीं ग्लाया कि ना तां धरतिया दे घाऐ जो, ना कुसी हरियालिया जो, ना कुसी रूखे जो नकसान पजा, सिर्फ तिन्हां माणुआं जो नकसान पजा जिन्हां दे मत्थे पर परमात्मे दी मोहर नीं ऐ।