प्रकाशितवाक्य 7:11 - काँगड़ी

¹¹ कने सारे सुअर्गदूत, तिस सिंहासणे, कने स्याणेयां कने चारों प्राणियां दे चौंन्नी पास्से खड़ोत्यो थे; भिरी सैह़ सिंहासणे सामणै गोड्डेयां भार पेई गै कने परमात्मे जो प्रणांम करी नैं ग्लाणा लग्गे,

प्रकाशितवाक्य 7:11 Iomraidhean Croise

प्रकाशितवाक्य 4:10

ताह़लू सैह़ चौबी स्याणे सिंहासणे पर बैठणे आल़े सामणै गोड्डेयां दे भार बेई नैं तिसियो प्रणांम करगे, जेह्ड़ा जुगा-जुग तिकर जिन्दा ऐ; कने सैह़ अपणे-अपणे मुकटां जो सिंहासणे सामणै रखी करी एह़ ग्लांगे, कि

प्रकाशितवाक्य 4:6

कने तिस सिंहासणे सामणै सीशे दे समुंदरे साइआं इक्क फर्स था। कने एह़ बड्डा सिंहासण तिन्हां सारियां चीज्जां दे गब्बैं था, कने तिसदे चौंन्नी पास्से चार जिन्दे प्राणी थे, जिन्हां दे गांह भी कने पचांह़ भी अखीं ई अखीं थियां।

प्रकाशितवाक्य 11:16

ताह़लू चौबी स्याणे जेह्ड़े परमात्मे सामणै अपणे-अपणे सिंहासणे पर बैठेयो थे, गोड्डेयां दे भार पेई करी परमात्मे जो प्रणांम करी नैं

प्रकाशितवाक्य 4:4

तिस सिंहासणे दे चौंन्नी पास्से चौबी सिंहासण थे; कने इन्हां सिंहासणा पर चौबी स्याणे चिट्टे कपड़े पैहनी नैं बैठेयो थे, कने तिन्हां दे सिरां पर सोन्ने दे मुकट थे।

इब्रानियों 1:6

भिरी परमात्मा अपणे म्हान पुत्तरे जो संसारे च घल्ली नैं ग्लांदा ऐ: “परमात्मे दे सारे सुअर्गदूत तिसदी अराधना करन।”

यूहन्ना 5:23

कि सारे लोक जिंआं पिता परमात्मे दा आदर करदे हन तिंआं ई पुत्तरे दा भी आदर करन। जेह्ड़ा पुत्तरे दा आदर नीं करदा, सैह़ पिता परमात्मे दा जिन्हीं तिसियो घल्लेया ऐ, आदर नीं करदा।

मत्ती 4:10

ताह़लू यीशुयैं तिस नैं ग्लाया, “हे सैतान दूर होई जा, क्जोकि पवित्रशास्त्रे च लिख्या ऐ, ‘तू प्रभु अपणे परमात्मे जो झुकी नैं प्रणांम कर, कने सिर्फ तिसदी भक्ति कर।’ ”

प्रकाशितवाक्य 22:9

अपर तिन्हीं मिन्जो नैं ग्लाया, “दिक्ख इआं मत कर; क्जोकि मैं तेरा, कने तेरे भाऊ भविष्यवक्ता कने इसा कताबा दियां गल्लां जो मन्नणे आल़ेआं दा संगी दास ऐ। परमात्मे दी ई अराधना कर।”

प्रकाशितवाक्य 15:4

हे प्रभु, कुण तिज्जो ते नीं डरगा कने तेरे नांऐ दी महिमा नीं करगा, क्जोकि सिर्फ तू ई पवित्र ऐ। सारियां जातिआं दे लोक आई नैं तेरी अराधना करगे, क्जोकि तेरे न्याय दे कम्म प्रगट होई गै हन।”

प्रकाशितवाक्य 4:8

चौंन्नी प्राणियां दे छे-छे पंख थे, कने तिन्हां दे चौंन्नी पास्से कने तिन्हां दे पंखा दे थल्लैं भी अखीं ई अखीं थियां; कने सैह़ रात दिन बगैर अराम कित्यो एह़ ग्लांदे रैंह्दे थे, “पवित्र, पवित्र, पवित्र प्रभु सर्वशक्तिमान परमात्मा! जेह्ड़ा हमेसा था कने जेह्ड़ा ऐ कने जेह्ड़ा ओणे आल़ा ऐ।”