प्रकाशितवाक्य 7:1 - काँगड़ी

¹ इसते बाद मैं धरतिया दे चौंन्नी कुणेयां पर चार सुअर्गदूत दिक्खे। जेह्ड़े धरतिया दे चौंन्नी पास्से ते ओणे आल़ी हौआ जो रोकी करी खड़ोत्यो थे। तांजे धरतिया या समुंदरे या कुसी रूखे च हौआ नीं चल्लैं।

प्रकाशितवाक्य 7:1 Iomraidhean Croise

मत्ती 24:31

सैह़ तुरही दी बड्डी उआज़ा सौगी अपणे सुअर्गदूतां जो घल्लगा, कने सैह़ धरतिया दे सारे तिसदे चुणेयां लोकां जो किठ्ठा करगे।

मरकुस 13:27

तिस बग्त मैं अपणे सुअर्गदूतां जो घल्ली नैं, धरतिया दे इस बन्नें ते लेई नैं अम्बरे दे दूये बन्नें तिकर, चौंन्नी बक्खेयां ते अपणेयां चुणेयां लोकां जो कठ्ठेरगा।

प्रकाशितवाक्य 20:8

सैह़ तिन्हां जातिआं जो जेह्ड़ियां सारिया धरतिया पर हुंगियां, मतलब गोग कने मागोग जो जिन्हां दी गिणती समुंदरे दिया रेता बराबर हुंगी, भटकाई करी लड़ाईया तांई किठ्ठा करणे तांई निकल़गा।

प्रकाशितवाक्य 6:6

कने मैं तिन्हां चौंन्नी प्राणियां बिच्च इक्क सब्द एह़ ग्लांदे सुणेया, कि “ओणे आल़े दिनां च बड़ा बड्डा अकाल पोंगा इसतांई इक्क किलो कणक कने त्रै किलो जौं खरीदणे तांई इक्की दिने दी दिहाड़ी बड़ी भरी ऐ, अपर तेल कने अंगूरा दे रसे दा नकसान मत होणा दिंदा।”

प्रकाशितवाक्य 7:3

“जाह़लू तिकर अहां अपणे परमात्मे दे दासां दे मत्थे पर मोहर नीं लगाई दैन, ताह़लू तिकर धरतिया दा, समुंदरे दा कने रूखां दा नास मत करदा।”

प्रकाशितवाक्य 8:7

पैहल्ले सुअर्गदूतैं तुरही बजाई, कने तिसी बग्त आणी दी बरखा कने खूने नैं मिल्लेयो अंगारे धरतिया पर पै; इसा बज़ाह ते धरतिया दा त्रीआ हिस्सा फकौई गेआ, कने रूखां दा भी त्रीआ हिस्सा फकौई गेआ, कने सारा सैला घाह भी जल़ी गेआ।

प्रकाशितवाक्य 9:14

मन्ना कि कोई छेमे सुअर्गदूते नैं जिस अल्ल तुरही थी, ग्ला दा ऐ, “तिन्हां चौंन्नी दूतां जो जेह्ड़े बड्डी नदी फराता दे कंडे बन्नेयो हन, खोली दे।”

प्रकाशितवाक्य 9:4

तिन्हीं ग्लाया कि ना तां धरतिया दे घाऐ जो, ना कुसी हरियालिया जो, ना कुसी रूखे जो नकसान पजा, सिर्फ तिन्हां माणुआं जो नकसान पजा जिन्हां दे मत्थे पर परमात्मे दी मोहर नीं ऐ।