प्रकाशितवाक्य 5:9 - काँगड़ी

⁹ सैह़ एह़ नौआं गीत गा थे, “इसा कताब जो लैणे दा, कने इसा दियां सील्लां खोलणे दा हक्क तिज्जो अल्ल ऐ, क्जोकि तू इक्क मेम्ने साइआं बलिदान होई करी अपणे खूने नैं हर इक्क गोत्र, भासा, देस कने जातिया ते परमात्मे तांई लोकां जो खरीदी लेआ ऐ;

प्रकाशितवाक्य 5:9 Iomraidhean Croise

मत्ती 20:28

जिंआं कि मैं माणुये दा पुत्तर इसतांई नीं आया कि अपणी सेवा करवां, अपर इसतांई आया कि अप्पु सेवा करैं, कने मतेआं जो छड्डाणे तांई अपणे प्राण दैं।”

मत्ती 26:28

क्जोकि एह़ वादे दा मेरा सैह़ खून ऐ, जेह्ड़ा मतेआं दे पापां दी माफी तांई बहाया जांदा ऐ।

प्रेरितां दे कम्म 20:28

इसतांई अपणी कने अपणे पूरे झुंडे दी चौकसी रखा जिस च पवित्र आत्मा तुहां जो अधिकारी बणाया ऐ, कि तुहां परमात्मे दिया कलीसिया दी रखवाल़ी करन, जिसियो तिन्हीं अपणे खूने नैं खरीदी लेआ ऐ।

1 कुरिन्थियों 6:20

क्जोकि परमात्मे यीशु मसीह दे बलिदाने दे जरिये इक्क बड्डा मुल्ल देई नैं खरीदी लेआ ऐ, इसतांई अपणे सरीरे दे जरिये परमात्मे दी महिमा करा।

1 कुरिन्थियों 7:23

परमात्मे तुहां तांई इक्क बड्डा मुल्ल चुकाया ऐ। इसतांई माणुआं दे नीं अपर परमात्मे दे दास बणा।

इफिसियों 1:7

मसीयैं अहां दे छुटकारे तांई अपणा खून बहाई नैं अपणी ज़िन्दगी बलिदान करी दित्ती, जिसदा मतलब एह़ ऐ, कि हुण अहां दे पाप ते माफ होई गियो हन। कने परमात्मे दा अनुग्रह कितणा म्हान ऐ, जेह्ड़ा तिन्हीं अहां जो बड़ा भरी दित्या ऐ।

इफिसियों 5:19

कने अप्पु च भजन कने स्तुति गीत कने आत्मिक गीत गा करा, कने अपणे-अपणे मने च प्रभु दे सामणै गांदे कने स्तुति करदे रेह्आ।

कुलुस्सियों 1:14

अपणे पुत्तरे दे बलिदाने दे जरिये अहां जो छड्डांदा ऐ, मतलब पापां ते माफी दिंदा ऐ।

कुलुस्सियों 1:23

जे तुहां मसीह च बसुआस करदे हन, तां तुहां दा बसुआस तिस पर मजबूत रैहणा चाइदा, ठीक तिस घरे साइआं जेह्ड़ा मजबूत नीआं पर बणाया ऐ। कने अहां तिस सुसमाचारे जो सुणी करी जेह्ड़ी आसा अहां जो मिलदी ऐ तिसा जो मत छड्डा। जिसदा प्रचार इस संसारे दे लोकां च कित्ता गेआ, कने सुसमाचारे दा प्रचार करणे तांई मैं पौलुस सेवक बणेया ऐ।

तीतुस 2:14

जेह्ड़ा अप्पु अहां तांई सूल़िया पर चढ़ी गिया, कि अहां जो हर किस्मा दिया बुराईया ते छड्डाई लैं, कने पापां ते सुद्ध करी नैं अप्पु तांई इक्क ऐदई प्रजा बणां जेह्ड़ी खरे कम्मां तांई पूरे जोशे नैं हमेसा त्यार रैंह्।

इब्रानियों 11:14

जेह्ड़े एह़ ग्लांदे हन, कि सैह़ धरतिया पर परदेसी कने बाहरे ते आएयो लोक हन, सैह़ कब्जा करी नैं एह़ दस्सदे हन, कि “एह़ देस अहां दा ऐ।”

2 पतरस 2:1

जिंआं बड़ी पैहल्ले इस्राएली लोकां च झूठे भविष्यवक्ता थे, तिंआं ई तुहां च भी झूठी सिक्षा दैणे आल़े हुंगे, सैह़ ऐदिआं झूठियां सिक्षां च फंसी जांगे, जिसदिया बज़ाह ते सैह़ यीशु मसीह पर बसुआस करणा छड्डी दिंगे। ऐत्थु तिकर कि एह़ झूठे सिक्षक यीशु मसीह जो अपणा मालक मन्नणे ते इन्कार करगे, जिन्हीं तिन्हां जो अपनाया कने पापे दिया ताकता दे अजाद कित्ता, इस तरीके नैं सैह़ तिन्हां जो चाणचक नास करी दिंगे।

1 यूहन्ना 1:7

अपर जिंआं परमात्मा जोतिया च ऐ, तिंआं ई अहां भी जोतिया च चलण, तां इक्की दूये नैं संगति रखदे हन, कने तिसदे पुत्तर यीशु मसीह दा खून अहां जो सारे पापां ते सुद्ध करदा ऐ।

1 यूहन्ना 2:2

कने तिन्हीं ई अहां दे पापां दी माफी तांई बलिदान दित्या ऐ, कने सिर्फ अहां तांई नीं अपर सारे संसारे दे लोकां दे पापां तांई भी।

प्रकाशितवाक्य 10:11

ताह़लू मिन्जो नैं एह़ ग्लाया गेआ, एह़ जरूरी ऐ कि “तू दुवारी हर देसे दे लोकां, जातिआं, भासां कने राजेयां दे बारे च भविष्यवाणी कर।”

प्रकाशितवाक्य 11:9

कने हर देस, गोत्र, भासा कने जाति दे लोक तिन्हां दियां लाह्सां जो साढे तीन दिन तिकर दिक्खदे रैंह्गे, कने तिन्हां दियां लाह्सां जो कब्रा च रखणा नीं दिंगे।

प्रकाशितवाक्य 13:7

तिसियो एह़ भी हक्क दित्ता कि परमात्मे दे लोकां सौगी लड़ें कने तिन्हां जो जीत्ती सकैं, कने तिसियो हर इक्क गोत्र, हर लोकां, भासा कने जाति पर हक्क दित्ता।

प्रकाशितवाक्य 13:8

संसारे दे लोक तिस जंगली जानवरे दी पूजा करगे। सैह़ सारे लोक जिन्हां दे नां सृष्टिया दे सुरू होणे ते ई तिस मेम्ने दिया ज़िन्दगिया दिया कताबा च लिखे नीं गै, जिसदा बलिदान कित्या था।

प्रकाशितवाक्य 14:6

भिरी मैं इक्क होर सुअर्गदूते जो अम्बरे च उड़दे दिख्या, जिस अल्ल संसारे दे लोकां दी हर इक्क जाति, गोत्र, भासा, कने लोकां जो सणाणे तांई सदा काल दा सुसमाचार था।

प्रकाशितवाक्य 15:3

सैह़ परमात्मे दे दास मूसा दा गीत, कने मेम्ने दा गीत गाई-गाई करी ग्लांदे थे, “हे सर्वशक्तिमान प्रभु परमात्मा तेरे कम्म म्हान कने अनोखे हन; हे जुगा-जुग दे राजा, तेरी चाल खरी कने सच्ची ऐ।

प्रकाशितवाक्य 17:15

भिरी तिन्हीं मिन्जो नैं ग्लाया, “जेह्ड़ा पाणी तू दिख्या, जिस पर वैश्या बैठियो ऐ, सैह़ तां लोक, देस, जातिआं कने भासां हन।

प्रकाशितवाक्य 4:11

“अहां दे प्रभु कने परमात्मा, तू ई महिमा कने आदर कने सामर्थी जोग्गा ऐ, क्जोकि तैंईं सारियां चीज्जां बणाईयां कने एह़ सारियां तेरिया इच्छा ते बणाईयां कने इन्हां दा बज्जूद था।”

प्रकाशितवाक्य 5:12

कने सैह़ जोरे-जोरे नैं एह़ ग्लांदे थे, “धन ऐ सैह़ मेम्ना जिसदा बलिदान कित्ता गेआ। क्जोकि तिसदिया सामर्थी, ताकत आदर, कने महिमा दिया बज़ाह ते अहां जो तिसदी स्तुति कने धन्यावाद करणा चाइदा।”

प्रकाशितवाक्य 5:6

ताह़लू मैं तिस सिंहासणे कने चौंन्नी प्राणियां कने तिन्हां स्याणेयां दे गब्बैं, मन्ना इक्क बलिदान होएया मेम्ना खड़ोत्या दिख्या। तिसदे सत सींग कने सत अखीं थियां; एह़ परमात्मे दियां सत आत्मां हन जेह्ड़ियां सारिया धरतिया पर घल्ली दित्तियां हन।