प्रकाशितवाक्य 5:8 - काँगड़ी

⁸ जाह़लू तिन्हीं कताबा जो लेई लेआ, तां सैह़ चारो प्राणी कने सैह़ चौबी स्याणे तिस मेम्ने सामणै गोड्डे भार पेई गै। कने तिन्हां च हर इक्की दे हत्थे च बीण कने धूपे नैं भरोयो सोन्ने दे कटोरे थे, जेह्ड़े लोकां दिया प्रार्थना दे पास्से इसारा करदे हन।

प्रकाशितवाक्य 5:8 Iomraidhean Croise

यूहन्ना 1:29

दूँये दिने यूहन्ने यीशुये जो अपणे अल्ल ओंदे दिक्खी नैं ग्लाया, “दिक्खा एह़ परमात्मे दा मेम्ना ऐ जेह्ड़ा अपणा बलिदान देई करी संसारे दे पापां जो अप्पु ऊपर लेई लैंदा ऐ,

यूहन्ना 5:23

कि सारे लोक जिंआं पिता परमात्मे दा आदर करदे हन तिंआं ई पुत्तरे दा भी आदर करन। जेह्ड़ा पुत्तरे दा आदर नीं करदा, सैह़ पिता परमात्मे दा जिन्हीं तिसियो घल्लेया ऐ, आदर नीं करदा।

इब्रानियों 1:6

भिरी परमात्मा अपणे म्हान पुत्तरे जो संसारे च घल्ली नैं ग्लांदा ऐ: “परमात्मे दे सारे सुअर्गदूत तिसदी अराधना करन।”

प्रकाशितवाक्य 13:8

संसारे दे लोक तिस जंगली जानवरे दी पूजा करगे। सैह़ सारे लोक जिन्हां दे नां सृष्टिया दे सुरू होणे ते ई तिस मेम्ने दिया ज़िन्दगिया दिया कताबा च लिखे नीं गै, जिसदा बलिदान कित्या था।

प्रकाशितवाक्य 15:2

ताह़लू मैं अग्गी नैं मिल्लेयो सीशे साइआं इक्क समुंदर दिख्या, कने जिन्हां लोकां तिस पैहल्ले जंगली जानवरे जो कने मूर्तिया जो कने तिसदे नांऐ दियां संख्या जो जीत्त लेआ था, तिन्हां जो तिस सीशे दे समुंदरे बक्खे परमात्मे दियां बीणां जो लेई नैं खड़ोत्यो दिख्या।

प्रकाशितवाक्य 15:7

ताह़लू तिन्हां चौंन्नी प्राणियां च इक्की तिन्हां सत सुअर्गदूतां जो परमात्मे दे, जेह्ड़ा जुगा-जुग जिन्दा ऐ तिसदे गुस्से नैं भरेयो सोन्ने दे सत कटोरे दित्ते;

प्रकाशितवाक्य 19:4

ताह़लू चौबी स्याणेयां कने चौंन्नी प्राणियां गोड्डेयां दे भार आई नैं परमात्मे दी अराधना कित्ती, जेह्ड़ा सिंहासणे पर बैठेया था, कने ग्लाया, “आमीन। हाल्लेलूय्याह।”

प्रकाशितवाक्य 4:10

ताह़लू सैह़ चौबी स्याणे सिंहासणे पर बैठणे आल़े सामणै गोड्डेयां दे भार बेई नैं तिसियो प्रणांम करगे, जेह्ड़ा जुगा-जुग तिकर जिन्दा ऐ; कने सैह़ अपणे-अपणे मुकटां जो सिंहासणे सामणै रखी करी एह़ ग्लांगे, कि

प्रकाशितवाक्य 4:4

तिस सिंहासणे दे चौंन्नी पास्से चौबी सिंहासण थे; कने इन्हां सिंहासणा पर चौबी स्याणे चिट्टे कपड़े पैहनी नैं बैठेयो थे, कने तिन्हां दे सिरां पर सोन्ने दे मुकट थे।

प्रकाशितवाक्य 4:6

कने तिस सिंहासणे सामणै सीशे दे समुंदरे साइआं इक्क फर्स था। कने एह़ बड्डा सिंहासण तिन्हां सारियां चीज्जां दे गब्बैं था, कने तिसदे चौंन्नी पास्से चार जिन्दे प्राणी थे, जिन्हां दे गांह भी कने पचांह़ भी अखीं ई अखीं थियां।

प्रकाशितवाक्य 4:8

चौंन्नी प्राणियां दे छे-छे पंख थे, कने तिन्हां दे चौंन्नी पास्से कने तिन्हां दे पंखा दे थल्लैं भी अखीं ई अखीं थियां; कने सैह़ रात दिन बगैर अराम कित्यो एह़ ग्लांदे रैंह्दे थे, “पवित्र, पवित्र, पवित्र प्रभु सर्वशक्तिमान परमात्मा! जेह्ड़ा हमेसा था कने जेह्ड़ा ऐ कने जेह्ड़ा ओणे आल़ा ऐ।”

प्रकाशितवाक्य 5:11

जाह़लू मैं दुवारी भिरी दिख्या, तां मैं तिस सिंहासणे कने तिन्हां प्राणियां कने तिन्हां स्याणेयां दे चौंन्नी पास्से मते सारे सुअर्गदूतां दी उआज़ सुणी, जिन्हां दी गिणती लखां कने करोड़ां दी थी,

प्रकाशितवाक्य 5:12

कने सैह़ जोरे-जोरे नैं एह़ ग्लांदे थे, “धन ऐ सैह़ मेम्ना जिसदा बलिदान कित्ता गेआ। क्जोकि तिसदिया सामर्थी, ताकत आदर, कने महिमा दिया बज़ाह ते अहां जो तिसदी स्तुति कने धन्यावाद करणा चाइदा।”

प्रकाशितवाक्य 5:14

कने चौंन्नी प्राणियां “आमीन” ग्लाया, कने स्याणेयां गोड्डेयां भार पेई करी तिसियो प्रणांम कित्ता।

प्रकाशितवाक्य 5:6

ताह़लू मैं तिस सिंहासणे कने चौंन्नी प्राणियां कने तिन्हां स्याणेयां दे गब्बैं, मन्ना इक्क बलिदान होएया मेम्ना खड़ोत्या दिख्या। तिसदे सत सींग कने सत अखीं थियां; एह़ परमात्मे दियां सत आत्मां हन जेह्ड़ियां सारिया धरतिया पर घल्ली दित्तियां हन।

प्रकाशितवाक्य 6:1

भिरी मैं दिख्या कि मेम्नैं तिन्हां सतां सील्लां ते इक्की सील्ला जो खोलेया; कने तिन्हां चौंन्नी प्राणियां ते इक्की प्राणिये दी बदल़े दे गड़ाकेयां साइआं उआज़ सुणी, “जा हुण गांह बध।”