प्रकाशितवाक्य 5:5 - काँगड़ी

⁵ इसा गल्ला पर तिन्हां स्याणेयां ते इक्क मिन्जो नैं ग्लाणा लग्गा, “मत रो; दिक्ख, यहूदा दे गोत्रे दा सैह़ शेर जेह्ड़ा राजा दाऊदे दे वंशे ते ऐ, तिन्हीं तिसा कताबा जो खोलणे कने तिसा दियां सतां सील्लां जो तोड़णे तांई सैताने जो हराई दित्या ऐ।”

प्रकाशितवाक्य 5:5 Iomraidhean Croise

लूका 23:28

यीशुयैं तिन्हां दे पास्से दिक्खी नैं ग्लाया, “हे यरूशलेम सैहरे दी कुड़ियो, मिन्जो तांई मत रौआ; अपर अपणे कने अपणे जागतां तांई रौआ।

लूका 7:13

प्रभु जो तिसा बिधवा जो दिक्खी करी तरस आया, कने तिन्हीं ग्लाया, “मत रोयें।”

लूका 8:52

सारे माणु तिसा तांई रोआ दे थे, अपर तिन्हीं ग्लाया, “रोआ मत; सैह़ मरियो नीं अपर सैह़ सुतियो ऐ।”

यूहन्ना 20:13

तिन्हां तिसा नैं ग्लाया, “हे नारी, तू क्जो रोआ दी ऐ?” तिन्नै तिन्हां नैं ग्लाया, सैह़ मेरे प्रभु दिया लाह्सा जो चुक्की लेई गियो हन, कने मैं नीं जाणदी कि तिसियो कुत्थू रखेया ऐ।

रोमियो 1:3

अपणे पुत्तर अहां दे प्रभु यीशु मसीह दे बारे च वादा कित्या था। सैह़ सरीरे मताबक तां दाऊद राजे दे वंशे ते पैदा होएया।

रोमियो 15:12

कने भिरी यशायाह भविष्यवक्तैं पवित्रशास्त्रे च लिख्या ऐ, “यिशै दा इक्क वंश प्रगट हुंगा, कने जेह्ड़ा होरनी जातिआं दे लोकां पर राज्ज करगा, तिस पर होरनी जातिआं दे लोकां उम्मीद रखणी ऐ।”

इब्रानियों 7:14

सारे जाणदे हन, कि अहां दा प्रभु यीशु यहूदा दे गोत्रे ते पैदा होएया ऐ, कने मूसैं याजकां दे बारे च लिखदे बग्त इस गोत्रे दे याजक बणने दे बारे कदी जिकर नीं कित्ता।

प्रकाशितवाक्य 1:1

एह़ कताब तिन्हां गल्लां दे बारे च दस्सदी ऐ, जेह्ड़ियां परमात्मैं यीशु मसीह जो दस्सियां, तांजे सैह़ इन्हां गल्लां जो अपणेयां दासां जो दस्सी सकैं, जिन्हां दा बड़ी तौल़ी होणा जरूरी ऐ: कने यीशुयैं एह़ संदेस अपणे सुअर्गदूते जो घल्ली करी तिसदे जरिये अपणे दास यूहन्ने जो दस्सेया,

प्रकाशितवाक्य 22:16

“मैं यीशुये अपणे सुअर्गदूते जो इसतांई घल्लेया, कि तुहां दे गांह कलीसियां दे बारे च इन्हां गल्लां दी गवाही दैं। मैं दाऊदे दा मूल कने वंश, कने भ्यागा दा चमकदा तारा ऐ।”

प्रकाशितवाक्य 3:21

जेह्ड़ा बुरिआं ताकतां जो हराई दिंदा ऐ, मैं तिसियो अपणे सौगी अपणे सिंहासणे पर बठाल़गा, जिंआं मैं भी बुरिआं ताकतां जो हराई करी अपणे पिता सौगी तिसदे सिंहासणे पर बेई गेआ।

प्रकाशितवाक्य 4:10

ताह़लू सैह़ चौबी स्याणे सिंहासणे पर बैठणे आल़े सामणै गोड्डेयां दे भार बेई नैं तिसियो प्रणांम करगे, जेह्ड़ा जुगा-जुग तिकर जिन्दा ऐ; कने सैह़ अपणे-अपणे मुकटां जो सिंहासणे सामणै रखी करी एह़ ग्लांगे, कि

प्रकाशितवाक्य 4:4

तिस सिंहासणे दे चौंन्नी पास्से चौबी सिंहासण थे; कने इन्हां सिंहासणा पर चौबी स्याणे चिट्टे कपड़े पैहनी नैं बैठेयो थे, कने तिन्हां दे सिरां पर सोन्ने दे मुकट थे।

प्रकाशितवाक्य 5:4

ताह़लू मैं जोरे-जोरे नैं रोणा लग्गा, क्जोकि तिसा कताबा जो खोलणे आल़ा या तिसा जो पढ़णे जोग्गा कोई नीं मिल्ला।

प्रकाशितवाक्य 6:1

भिरी मैं दिख्या कि मेम्नैं तिन्हां सतां सील्लां ते इक्की सील्ला जो खोलेया; कने तिन्हां चौंन्नी प्राणियां ते इक्की प्राणिये दी बदल़े दे गड़ाकेयां साइआं उआज़ सुणी, “जा हुण गांह बध।”

प्रकाशितवाक्य 7:13

इसा गल्ला पर स्याणेयां च इक्की मिन्जो नैं ग्लाया, “एह़ चिट्टे कपड़े आल़े कुण हन? कने कतांह ते आएयो हन?”