प्रकाशितवाक्य 5:1 - काँगड़ी

¹ जेह्ड़ा सिंहासणे पर बैठेया था, मैं तिसदे सज्जे हत्थे च इक्क कताब दिक्खी जेह्ड़ी अंदरे ते कने बाहरे ते लिखियो थी, कने जेह्ड़ी सत सील्लां लगाई करी बंद कित्तियो थी।

प्रकाशितवाक्य 5:1 Iomraidhean Croise

प्रकाशितवाक्य 10:2

तिसदे हत्थे च इक्क छोटी देहई कताब थी, जेह्ड़ी खुलियो थी। तिन्हीं अपणा सज्जा पैर समुंदरे पर कने खब्बा धरतिया पर रखेया,

प्रकाशितवाक्य 4:3

जेह्ड़ा तिस पर बैठेया था, सैह़ कीमती यशब कने माणिक्य पत्थरां साइआं दुस्सा दा था, कने तिस सिंहासणे दे चौंन्नी पास्से कीमती मरकत पत्थरे साइआं इक्क सतरंगी धनुष दुस्सा दा था।

प्रकाशितवाक्य 4:9

ताह़लू सैह़ प्राणी तिसदी महिमा कने आदर कने धन्यावाद करगे। जेह्ड़ा सिंहासणे पर बैठेया ऐ, कने जेह्ड़ा जुगा-जुग जिन्दा ऐ।

प्रकाशितवाक्य 5:13

भिरी मैं सुअर्गे च कने धरतिया पर कने धरतिया थल्लै कने समुंदरे दी सारी बणाईयां चीज्जां जो, कने सब कुच्छ जेह्ड़ा तिन्हां च ऐ, एह़ ग्लांदे सुणेयां, कि “मेम्ने दी कने तिसदी, जेह्ड़ा सिंहासणे पर बैठेया ऐ, स्तुति आदर, महिमा कने राज्ज जुगा-जुग बणी रैंह्।”

प्रकाशितवाक्य 5:7

मेम्ने गांह आई करी तिसदे सज्जे हत्थे ते जेह्ड़ा सिंहासणे पर बैठेया था, तिसा कताबा जो लेई लेआ।

प्रकाशितवाक्य 6:1

भिरी मैं दिख्या कि मेम्नैं तिन्हां सतां सील्लां ते इक्की सील्ला जो खोलेया; कने तिन्हां चौंन्नी प्राणियां ते इक्की प्राणिये दी बदल़े दे गड़ाकेयां साइआं उआज़ सुणी, “जा हुण गांह बध।”

प्रकाशितवाक्य 6:16

कने प्हाड़ां कने चट्टाना नैं ग्लाणा लग्गे, “अहां जो ढक्की लेआ; तांजे सैह़ जेह्ड़ा सिंहासणे पर बैठेया ऐ, अहां जो नीं दिक्खी सकैं, कने मेम्ने दिया सज़ा ते बची सकन।

प्रकाशितवाक्य 8:1

जाह़लू मेम्नैं सतमी सील्ल खोली, तां जेह्ड़े सुअर्गे थे, सैह़ अधे घंटे तिकर सांत होई गै।