प्रकाशितवाक्य 4:9 - काँगड़ी

⁹ ताह़लू सैह़ प्राणी तिसदी महिमा कने आदर कने धन्यावाद करगे। जेह्ड़ा सिंहासणे पर बैठेया ऐ, कने जेह्ड़ा जुगा-जुग जिन्दा ऐ।

प्रकाशितवाक्य 4:9 Iomraidhean Croise

इब्रानियों 7:25

इसतांई जेह्ड़े यीशुये दे जरिये परमात्मे अल्ल ओंदे हन, सैह़ तिन्हां दा पूरा-पूरा उद्धार करी सकदा ऐ, क्जोकि सैह़ तिन्हां तांई विणती करणे जो सदा जिन्दा ऐ।

इब्रानियों 7:8

कने ऐत्थु तां मरने आल़ा माणु दसमा हिस्सा लैंदा ऐ, अपर मलिकिसिदके जो अब्राहमे दसमा हिस्सा दित्या था, पवित्रशास्त्रे ग्लांदा ऐ, सैह़ अह्ल्ली तिकर जिन्दा ऐ।

प्रकाशितवाक्य 1:18

कने मैं सैह़ ऐ जेह्ड़ा हमेसा जिन्दा ऐ, इक्क बग्त था जाह़लू मैं मरी गेआ था, अपर हुण मैं जिन्दा ऐ कने हमेसा जिन्दा रैंह्गा; कने मौत्त कने अधोलोक दी चाबियां मिन्जो अल्ल ई हन।

प्रकाशितवाक्य 10:6

कने जेह्ड़ा जुगा-जुग तिकर जिन्दा ऐ, कने जिन्हीं सुअर्ग, धरती कने समुंदरे जो कने सब कुच्छ जेह्ड़ा इन्हां च ऐ बणाया, तिसदी कसम खाई करी ग्लाया, कि “हुण जादा देर नीं हुंगी।”

प्रकाशितवाक्य 15:7

ताह़लू तिन्हां चौंन्नी प्राणियां च इक्की तिन्हां सत सुअर्गदूतां जो परमात्मे दे, जेह्ड़ा जुगा-जुग जिन्दा ऐ तिसदे गुस्से नैं भरेयो सोन्ने दे सत कटोरे दित्ते;

प्रकाशितवाक्य 21:5

जेह्ड़ा सिंहासणे पर बैठेया था, तिन्हीं ग्लाया, “दिक्ख, मैं सब कुच्छ नौआं करी दिंदा।” भिरी तिन्हीं ग्लाया, “लिखी लै, क्जोकि एह़ वचन बसुआसे जोग्गे कने सच्चे हन।”

प्रकाशितवाक्य 4:2

तां मैं तिसी बग्त पवित्र आत्मा च भरोई गेआ; कने सुअर्गे च इक्क सिंहासण दिख्या, जिस पर कोई बैठेया ऐ।

प्रकाशितवाक्य 4:8

चौंन्नी प्राणियां दे छे-छे पंख थे, कने तिन्हां दे चौंन्नी पास्से कने तिन्हां दे पंखा दे थल्लैं भी अखीं ई अखीं थियां; कने सैह़ रात दिन बगैर अराम कित्यो एह़ ग्लांदे रैंह्दे थे, “पवित्र, पवित्र, पवित्र प्रभु सर्वशक्तिमान परमात्मा! जेह्ड़ा हमेसा था कने जेह्ड़ा ऐ कने जेह्ड़ा ओणे आल़ा ऐ।”

प्रकाशितवाक्य 5:1

जेह्ड़ा सिंहासणे पर बैठेया था, मैं तिसदे सज्जे हत्थे च इक्क कताब दिक्खी जेह्ड़ी अंदरे ते कने बाहरे ते लिखियो थी, कने जेह्ड़ी सत सील्लां लगाई करी बंद कित्तियो थी।

प्रकाशितवाक्य 6:16

कने प्हाड़ां कने चट्टाना नैं ग्लाणा लग्गे, “अहां जो ढक्की लेआ; तांजे सैह़ जेह्ड़ा सिंहासणे पर बैठेया ऐ, अहां जो नीं दिक्खी सकैं, कने मेम्ने दिया सज़ा ते बची सकन।

प्रकाशितवाक्य 7:15

इसतांई “सैह़ परमात्मे दे सिंहासणे सामणै हाजर हन, कने सैह़ दिन-रात अपणे घरे च परमात्मे दी सेवा करदे हन, कने जेह्ड़ा सिंहासणे पर बैठेया ऐ, सैह़ तिन्हां बिच्च रैंह्गा कने तिन्हां दी देखभाल करगा।