प्रकाशितवाक्य 4:11 - काँगड़ी

¹¹ “अहां दे प्रभु कने परमात्मा, तू ई महिमा कने आदर कने सामर्थी जोग्गा ऐ, क्जोकि तैंईं सारियां चीज्जां बणाईयां कने एह़ सारियां तेरिया इच्छा ते बणाईयां कने इन्हां दा बज्जूद था।”

प्रकाशितवाक्य 4:11 Iomraidhean Croise

प्रेरितां दे कम्म 14:15

“हे लोको, तुहां क्या करदे हन, अहां भी तां तुहां साइआं सुख-दुख भोगणे आल़े माणु हन, कने तुहां जो सुसमाचार सणांदे हन, कि तुहां इन्हां बेकार चीज्जां ते लग्ग होई करी जिन्दे परमात्मे अल्ल ओआ, जिन्हीं सुअर्ग कने धरती कने समुंदर कने जेह्ड़ा कुच्छ तिन्हां च ऐ बणाया।

प्रेरितां दे कम्म 17:24

“जिन्हीं परमात्मैं धरतिया कने तिसदियां सारियां चीज्जां जो बणाया, सैह़ सुअर्ग कने धरती दा मालक होई करी, हत्थे दे बणाया मंदरा च नीं रैंह्दा;

रोमियो 11:36

क्जोकि सारी चीज्जां परमात्मे दे पास्से ते हन। तिन्हीं सब कुच्छ बणाया ऐ, कने तिस तांई सब कुच्छ ऐ। तिसदी महिमा जुगा-जुग हुंदी रैंह्। आमीन।

इफिसियों 3:9

क्जोकि परमात्मे एह़ सारियां चीज्जां सृष्टिया ते सुरू ते ई गुप्त रखियां थियां, तांजे तिन्हां जो हुण मैं तुहां सारेयां जो दस्सी सकैं।

इब्रानियों 1:10

कने पवित्रशास्त्र भी ग्लांदा ऐ: “हे प्रभु सुरू च तैं धरतिया जो बणाया, कने सुअर्ग तेरे हत्थां दी कारीगरी ऐ।

इब्रानियों 1:2

अपर इन्हां आखरी दिनां च अहां नैं पुत्तरे दे जरिये गल्लां कित्तियां। परमात्मे अपणे पुत्तरे दे जरिये सारी सृष्टि बणाई, कने तिसियो तिन्हीं सारियां चीज्जां दा हक्कदार बणाई दित्ता।

प्रकाशितवाक्य 1:6

कने अहां जो इक्क राज्ज कने अपणे पिता परमात्मे तांई याजक भी बणाई दित्या; तिसदी महिमा कने राज्ज जुगा-जुग रैंह्। आमीन।

प्रकाशितवाक्य 10:6

कने जेह्ड़ा जुगा-जुग तिकर जिन्दा ऐ, कने जिन्हीं सुअर्ग, धरती कने समुंदरे जो कने सब कुच्छ जेह्ड़ा इन्हां च ऐ बणाया, तिसदी कसम खाई करी ग्लाया, कि “हुण जादा देर नीं हुंगी।”

प्रकाशितवाक्य 14:7

तिन्हीं बड़ी जोरे नैं ग्लाया, “परमात्मे ते डरा, कने तिसदी महिमा करा, क्जोकि तिसदे न्याय करणे दा बग्त आई गेआ ऐ; कने तिसदी अराधना करा, जिन्हीं सुअर्ग, धरतिया, समुंदर कने पाणी दे झरने बणाये।”

प्रकाशितवाक्य 19:1

इसते बाद मैं सुअर्गे च मन्ना जिंआं इक्क बड्डिया भीड़ा जो जोरे नैं एह़ ग्लांदे सुणेया, “हाल्लेलूय्याह। उद्धार कने महिमा कने सामर्थ अहां दे परमात्मे दी ऐ।

प्रकाशितवाक्य 5:12

कने सैह़ जोरे-जोरे नैं एह़ ग्लांदे थे, “धन ऐ सैह़ मेम्ना जिसदा बलिदान कित्ता गेआ। क्जोकि तिसदिया सामर्थी, ताकत आदर, कने महिमा दिया बज़ाह ते अहां जो तिसदी स्तुति कने धन्यावाद करणा चाइदा।”

प्रकाशितवाक्य 5:2

भिरी मैं इक्क ताकतवर सुअर्गदूते जो दिख्या जेह्ड़ा जोरे नैं एह़ ग्लादा था, “इसा कताबा जो खोलणे कने तिसा दियां सील्लां तोड़णे दा हक्क कुसिया अल्ल ऐ?”

प्रकाशितवाक्य 5:9

सैह़ एह़ नौआं गीत गा थे, “इसा कताब जो लैणे दा, कने इसा दियां सील्लां खोलणे दा हक्क तिज्जो अल्ल ऐ, क्जोकि तू इक्क मेम्ने साइआं बलिदान होई करी अपणे खूने नैं हर इक्क गोत्र, भासा, देस कने जातिया ते परमात्मे तांई लोकां जो खरीदी लेआ ऐ;