प्रकाशितवाक्य 4:1 - काँगड़ी

¹ इन्हां सारियां गल्लां ते बाद मैं एह़ दिख्या कि सुअर्गे च इक्क दरवाजा खुलेया ऐ, कने जिसियो मैं पैहल्लैं तुरही दिया उआज़ा नैं अप्पु सौगी गल्लां करदा सुणेया था, तिन्हीं मिन्जो नैं ग्लाया, “मिन्जो अल्ल ऐत्थु ऊपरेयो आई जा; कने मैं सैह़ गल्लां तिज्जो दस्सगा, जिन्हां दा इन्हां गल्लां ते बाद पूरा होणा जरूरी ऐ।”

प्रकाशितवाक्य 4:1 Iomraidhean Croise

मत्ती 3:16

कने यीशु बपतिस्मा लेई नैं झट पांणिये ते बाहर आया, कने दिक्खा तिस तांई सुअर्ग खुली गेआ, कने तिन्हीं परमात्मे दिया आत्मा जो कबूतरे साइआं लौदें कने अपणे ऊपर ओंदे दिख्या।

मरकुस 1:10

कने जाह़लू यीशु पांणिये ते निकल़ी नैं बाहर आया, ताह़लू तिन्हीं सुअर्गे जो खुलदे कने पवित्र आत्मा जो कबूतरे साइआं अप्पु ऊपर लौंदे दिख्या।

लूका 3:21

जाह़लू सारे लोकां दे बपतिस्मा लैणे ते बाद यीशु भी जाह़लू बपतिस्मा लेई करी प्रार्थना करणा लग्गा, तां अम्बर खुली गेआ।

यूहन्ना 16:13

अपर जाह़लू सैह़, मतलब सच्च दा आत्मा ओंगी, जेह्ड़ा पवित्र आत्मा ऐ, कने परमात्मे दी सच्चाईया जो प्रगट करदा ऐ, तां तुहां जो भी सच्चाईया दा रस्ता दस्सगा, क्जोकि सैह़ अपणिया तरफा ते नीं अपर जेह्ड़ा कुच्छ परमात्मे ते सुणगा सैई दस्सगी, कने ओणे आल़िआं गल्लां तुहां नैं दस्सगा।

प्रेरितां दे कम्म 10:11

कने ताह़लू पतरसैं इक्क दर्शन दिख्या, कि अम्बर खुली गेआ; कने इक्क बड़ी चादर थाल़े साइआं चौंन्नी कुणेयां ते लटकदी होई, अम्बरे ते लौई करी मिन्जो अल्ल धरती पर आई।

प्रेरितां दे कम्म 7:56

“दिक्खा, मैं सुअर्गे जो खुलेया, कने माणुये दे पुत्तरे जो परमात्मे दे सज्जे हत्थे पास्से खड़ोत्या दिक्खा करदा ऐ।”

प्रकाशितवाक्य 1:10

मैं प्रभु दी अराधना दे दिन पवित्र आत्मा च भरोई गेआ, कने मैं अपणे पचांह़ तुरही दी बड़ी जोरे दी उआज़ एह़ ग्लांदे सुणी,

प्रकाशितवाक्य 1:12

ताह़लू मैं तिसियो, जेह्ड़ा मिन्जो नैं ग्ला दा था, दिक्खणे तांई पचांह़ मुड़ेया; कने मैं पचांह़ मुड़ी नैं सोन्ने दे सत दीपदान दिक्खे,

प्रकाशितवाक्य 1:19

इसतांई जेह्ड़ियां गल्लां तैं दिक्खियां हन कने जेह्ड़ियां गल्लां होआ दियां हन कने जेह्ड़ियां गल्लां इसते बाद होणे आल़िआं हन, तिन्हां सारियां जो लिखी लै।

प्रकाशितवाक्य 11:12

इसते बाद तिन्हां जो सुअर्गे ते इक्क जोरे दी उआज़ सुम्मी, “ऐत्थु ऊपरेयो ओआ।” कने सैह़ अपणे बैरियां दे दिक्खदे-दिक्खदे बदल़ां ते सुअर्गे जो चढ़िये।

प्रकाशितवाक्य 11:19

कने परमात्मे दा जेह्ड़ा मंदर सुअर्गे च ऐ सैह़ खोलेया गेआ, कने तिसदे मंदरे च तिसदे वादे दा सन्दूक दुस्सेया; कने तिसी बग्त बिजलियां, उआज़, गड़ाके कने हिल्लण होये कने अम्बरे ते बड्डा सणाट पेआ।

प्रकाशितवाक्य 16:17

सतमें सुअर्गदूतैं अपणा कटोरा हौआ पर डोली दित्ता, कने मंदरे दे सिंहासणे ते एह़ उआज़ आई, “पूरा होई गेआ।”

प्रकाशितवाक्य 19:11

भिरी मैं सुअर्गे जो खुलेया दिख्या, कने तित्थु इक्क चिट्टा घोड़ा दिख्या; कने तिस पर इक्क सवार ऐ, जिस पर तुहां बसुआस करी सकदे हन, जेह्ड़ा सच्च ग्लांदा ऐ; कने सैह़ धार्मिकता नैं न्याय कने लड़ाई करदा ऐ।

प्रकाशितवाक्य 22:6

भिरी तिन्हीं मिन्जो नैं ग्लाया, “एह़ गल्लां बसुआसे जोग्गियां कने सच्च हन। प्रभुयैं, जेह्ड़ा भविष्यवक्तां दियां आत्मां दा परमात्मा ऐ, अपणे सुअर्गदूते जो इसतांई घल्लेया कि अपणे दासां जो सैह़ गल्लां, जिन्हां दा तौल़ी पूरा होणा जरूरी ऐ दस्सें।”