प्रकाशितवाक्य 3:8 - काँगड़ी

⁸ मैं तेरे कम्मां जो जाणदा ऐ; इसतांई मैं तेरे सामणै इक्क दरवाजा खोली रखेया ऐ, जिसियो कोई बंद नीं करी सकदा; मैं जाणदा ऐ कि तिज्जो अल्ल थोड़ी काबिलियत ऐ, भिरी भी तैं मेरे वचनां दा पालण कित्ता ऐ कने मेरे नांऐ दा इन्कार नीं कित्ता।

प्रकाशितवाक्य 3:8 Iomraidhean Croise

लूका 12:9

अपर जेह्ड़ा कोई माणुआं दे सामणै मिन्जो नकारी दिंगा, तिसियो मैं परमात्मे दे सुअर्गदूतां सामणै भी नकारी दिंगा।

यूहन्ना 15:20

जेह्ड़ी गल्ल मैं तुहां नैं ग्लाईयो थी, दास अपणे मालके ते बड्डा नीं हुंदा, इसा गल्ला जो याद रखा। जे तिन्हां मिन्जो सताया, तां तुहां जो भी सतांगे; जे तिन्हां मेरे वचन मन्ने, तां तुहां दे भी मनगे।

यूहन्ना 17:6

“मैं तेरा नां तिन्हां माणुआं दे सामणै प्रगट कित्ता ऐ जिन्हां जो तैं संसारे च मिन्जो तांई दित्ता। सैह़ तेरे थे कने तैं तिन्हां जो मिन्जो तांई दित्ता, कने तिन्हां तेरे वचने जो मन्नी लेआ ऐ।

प्रेरितां दे कम्म 14:27

कने अन्ताकिया सैहरे पुज्जी करी तिन्हां कलीसिया किठ्ठी कित्ती कने दस्सेया, कि परमात्मैं तिन्हां सौगी रेई करी कदेय बड़े-बड़े कम्म कित्ते, कने होरनी जाति दे लोकां जो किंआं परमात्मैं यीशु मसीह पर बसुआस करणे जोग्गा बणाया।

1 कुरिन्थियों 16:9

क्जोकि मिन्जो तांई ऐत्थु बड़े असरदार कम्म करणे तांई इक्क बड़ा बधिया मौका मिल्लेया ऐ, हलांकि ऐत्थु बड़े लोक मेरे बरोधी हन।

2 कुरिन्थियों 2:12

जाह़लू मैं मसीह दा सुसमाचार सणाणे जो त्रोआस सैहरे च आया, तां तित्थु प्रभुयैं मिन्जो सुसमाचार सणाणे दा मौका दित्ता।

फिलिप्पियों 4:13

मसीह दे जरिये जेह्ड़ा मिन्जो सामर्थ दिंदा ऐ तिस च मैं सारा कुच्छ करी सकदा ऐ।

कुलुस्सियों 4:3

कने इसदे सौगी-सौगी अहां तांई भी प्रार्थना करदे रेह्आ कि परमात्मे अहां तांई वचन सणाणे दा देहया मौका दैं, तांजे अहां मसीह दे तिस भेते जो समझाई सकन, जिसदिया बज़ाह ते मैं जेला च ऐ,

1 तीमुथियुस 5:8

अपर जे कोई अपणे रिस्तेदारां दा कने खास करी नैं अपणे परवारे दा ख्याल ना रखे, तां सैह़ बसुआसे ते मुकरी गेआ ऐ कने बेबसुआसिये ते भी बुरा बणी गेआ ऐ।

2 तीमुथियुस 4:7

मैं मसीह दी सेवा तांई बड़ी मेहनत कित्ती ऐ, कने अपणिया दौड़ा जो पूरी करी लेआ ऐ, कने मैं आखरी तिकर बसुआसे च पक्का रेह्आ ऐ।

यहूदा 1:4

मैं तिज्जो एह़ लिखा दा ऐ कि कुच्छ झूठे सिक्षक अहां सौगी मिल्ली गियो हन, जिन्हां दे बारे च परमात्मे बड़ी पैहल्ले ते ई पवित्रशास्त्रे च ग्लाई दित्या था, कि सैह़ तिन्हां जो सज़ा दिंगा। तिन्हां परमात्मे दे प्यारे दे सुसमाचारे जो कने अनुग्रह जो बगाड़ी करी नाजायज रिस्तेयां दे कम्मां च बदली दित्या ऐ। सैह़ यीशु मसीह दा भी इन्कार करदे हन, जेह्ड़ा अहां दा इक्को ई मालक कने प्रभु ऐ।

प्रकाशितवाक्य 2:13

मैं एह़ तां जाणदा ऐ कि तू तित्थु रैंह्दा ऐ जित्थु सैताने दा सिंहासण ऐ; तू लगातार मेरे बसुआसे च मजबूत रैंह्दा ऐ, कने मिन्जो पर बसुआस करणे ते तिन्हां दिनां च भी पचांह़ नीं हटेया जिन्हां दिनां च मेरा बसुआसे जोग्गा गवाह अन्तिपास, तुहां दे सामणै तिसा जगाह पर मारे गेआ जित्थु सैतान रैंह्दा ऐ।

प्रकाशितवाक्य 2:2

मैं तेरे कम्म कने तेरी मेहनत, कने तेरे सबरे जो जाणदा ऐ; कने एह़ भी कि तू बुरे लोकां जो दिक्खी नीं सकदा, कने जेह्ड़े अपणे आप्पे जो प्रेरित ग्लांदे हन, कने हन नीं, तिन्हां जो तैं परखेया कि सैह़ झूठ ग्लांदे हन।

प्रकाशितवाक्य 22:7

“दिक्ख, मैं तौल़ी ओणे आल़ा। धन ऐ सैह़ जेह्ड़ा इसा कताबा दी भविष्यवाणी दियां गल्लां मनदा ऐ।”

प्रकाशितवाक्य 3:1

भिरी तिन्हीं मिन्जो नैं एह़ भी ग्लाया, कि “सरदीस सैहरे दी कलीसिया दे सुअर्गदूते जो एह़ लिख: मैं सैई ऐ जिस अल्ल परमात्मे दियां सत आत्मां कने सत तारे हन, सैह़ एह़ ग्लांदा ऐ कि मैं तेरे कम्मां जो जाणदा ऐ, कि तू अप्पु जो मिन्जो पचांह़ चलणे आल़ा सच्चा बसुआसी तां दस्सदा ऐ, अपर असल च तू ऐ नीं।

प्रकाशितवाक्य 3:10

तैं दुखां च भी सबर रखी नैं मेरे वचनां दा पालण कित्ता ऐ, इसतांई मैं तिज्जो परीक्षा दे तिस बग्त बचाई रखगा, मैं भी तिस बग्त इस संसारे दे सारे लोकां जो परखणे तांई ओंगा।

प्रकाशितवाक्य 3:15

मैं तेरे कम्मां जो जाणदा ऐ कि तू मेरे बसुआसे च तिस पांणिये साइआं ऐ जेह्ड़ा ना तां ठंडा ऐ कने ना तां तत्ता; अपर खरा हुंदा कि तू ठंडा या तत्ता हुंदा।

प्रकाशितवाक्य 3:7

भिरी तिन्हीं मिन्जो नैं एह़ भी ग्लाया, कि “फिलदिलफिया सैहरे दी कलीसिया दे सुअर्गदूते जो एह़ लिख: कि मैं सैई ऐ जेह्ड़ा पवित्र कने सच्च ऐ, कने जिस अल्ल दाऊदे दी चाबी ऐ, जिसियो सैह़ खोली दिंदा तिसियो कोई बंद नीं करी सकदा कने जिसियो सैह़ बंद करी दिंदा तिसियो कोई खोली नीं सकदा, तिसदा ग्लाणा ऐई ऐ: