प्रकाशितवाक्य 3:7 - काँगड़ी

⁷ भिरी तिन्हीं मिन्जो नैं एह़ भी ग्लाया, कि “फिलदिलफिया सैहरे दी कलीसिया दे सुअर्गदूते जो एह़ लिख: कि मैं सैई ऐ जेह्ड़ा पवित्र कने सच्च ऐ, कने जिस अल्ल दाऊदे दी चाबी ऐ, जिसियो सैह़ खोली दिंदा तिसियो कोई बंद नीं करी सकदा कने जिसियो सैह़ बंद करी दिंदा तिसियो कोई खोली नीं सकदा, तिसदा ग्लाणा ऐई ऐ:

प्रकाशितवाक्य 3:7 Iomraidhean Croise

मत्ती 16:19

मैं तिज्जो सुअर्गे दे राज्जे दी चाबियां दिंगा, कने जे कुच्छ तू धरतिया पर बन्नणा, सैह़ सुअर्गे च बन्नेया जाणा; कने जेह्ड़ा कुच्छ तू धरतिया पर खोलणा, सैह़ सुअर्गे च खुलणा।”

मत्ती 24:35

अम्बर कने धरती टल़ी सकदे हन, अपर मेरियां गल्लां कदी नीं टली सकदियां।

मरकुस 1:24

तिन्हीं जोरे नैं डड्डी नैं ग्लाया, “हे यीशु नासरी, तू अहां ते क्या चांह़दा? क्या तू अहां दा नास करणा आया ऐ? मैं तिज्जो जाणदा ऐ, तू कुण ऐ? तू परमात्मे दा घल्लेया पवित्र पुत्तर ऐ।”

लूका 1:32

सैह़ म्हान हुंगा, कने परम प्रधान परमात्मे दा पुत्तर हुंगा। कने प्रभु परमात्मे तिसियो तिसदे पूर्वज दाऊद राजे साइआं राजा बणांगा।

लूका 4:34

“हे यीशु नासरी, तू अहां ते क्या चांह़दा, क्या तू अहां दा नास करणा आया ऐ? मैं तिज्जो जाणदा ऐ, तू कुण ऐ, तू परमात्मे दा घल्लेया पवित्र पुत्तर ऐ।”

यूहन्ना 14:6

यीशुयैं तिस नैं ग्लाया, “रस्ता कने सच्च कने सदा दी ज़िन्दगी दैणे आल़ा मैं ऐ; मिन्जो बगैर कोई भी पिता अल्ल नीं पुज्जी सकदा

प्रेरितां दे कम्म 3:14

अपर तुहां तिस पवित्र कने धर्मी दा अपमान करी नैं पिलातुसे नैं विणती कित्ती, कि इक्की हत्यारे जो तुहां तांई छड्डी दैं।

1 यूहन्ना 5:20

अहां एह़ भी जाणदे हन, कि परमात्मे दा पुत्तर यीशु मसीह इस संसारे च आई गेआ ऐ कने तिन्हीं अहां जो समझ दित्तियो ऐ, कि अहां तिस सच्चे परमात्मे जो पणछैणन; कने अहां तिस च जेह्ड़ा सच्च ऐ, मतलब तिसदे पुत्तर यीशु मसीह च रैंह्दे हन। सच्चा परमात्मा कने सदा दी ज़िन्दगी ऐई ऐ।

प्रकाशितवाक्य 1:11

“जेह्ड़ा कुच्छ तू दिक्खदा ऐ तिसियो कताबा च लिखी करी सत्तां कलीसियां जो घल्ली दे, मतलब इफिसुस, स्मुरना, पिरगमुन, थुआतीरा, सरदीस, फिलदिलफिया कने लौदीकिया सैहरे जो।”

प्रकाशितवाक्य 1:18

कने मैं सैह़ ऐ जेह्ड़ा हमेसा जिन्दा ऐ, इक्क बग्त था जाह़लू मैं मरी गेआ था, अपर हुण मैं जिन्दा ऐ कने हमेसा जिन्दा रैंह्गा; कने मौत्त कने अधोलोक दी चाबियां मिन्जो अल्ल ई हन।

प्रकाशितवाक्य 1:5

कने यीशु मसीह दे पास्से ते जेह्ड़ा बसुआसे जोग्गा गवाह कने मरेयां ते जिन्दा होणे आल़ेआं च जेठा कने धरतिया दे राजेयां दा हाकम ऐ, तुहां जो अनुग्रह कने सांति मिलदी रैंह्। जेह्ड़ा अहां नैं प्यार रखदा ऐ, कने तिन्हीं अपणे खूने दे जरिये अहां जो पापां ते छड्डाया ऐ।

प्रकाशितवाक्य 15:3

सैह़ परमात्मे दे दास मूसा दा गीत, कने मेम्ने दा गीत गाई-गाई करी ग्लांदे थे, “हे सर्वशक्तिमान प्रभु परमात्मा तेरे कम्म म्हान कने अनोखे हन; हे जुगा-जुग दे राजा, तेरी चाल खरी कने सच्ची ऐ।

प्रकाशितवाक्य 16:7

भिरी मैं वेदिया ते एह़ उआज़ सुणी, “हाँ, हे सर्वशक्तिमान प्रभु परमात्मा, तेरे फैसले ठीक कने सच्चे हन।”

प्रकाशितवाक्य 19:11

भिरी मैं सुअर्गे जो खुलेया दिख्या, कने तित्थु इक्क चिट्टा घोड़ा दिख्या; कने तिस पर इक्क सवार ऐ, जिस पर तुहां बसुआस करी सकदे हन, जेह्ड़ा सच्च ग्लांदा ऐ; कने सैह़ धार्मिकता नैं न्याय कने लड़ाई करदा ऐ।

प्रकाशितवाक्य 19:2

क्जोकि तिसदे फैसले सच्चे कने ठीक हन। इसतांई कि तिन्हीं तिसा बड्डिया वैश्या दा, जेह्ड़ी अपणे ब्यभिचारे नैं धरतिया जो बदनाम करदी थी, न्याय कित्ता कने तिसाते अपणे दासां दे खूने दा बदला लेआ ऐ।”

प्रकाशितवाक्य 2:1

तिन्हीं मिन्जो नैं एह़ भी ग्लाया, कि “इफिसुस सैहरे दी कलीसिया दे सुअर्गदूते जो एह़ लिख: मैं जेह्ड़ा सत तारे अपणे सज्जे हत्थे च लेई करी, कने सोन्ने दे सतां दीपदानां दे गब्बैं फिरदा ऐ, तिसदा ग्लाणा ऐई ऐ:

प्रकाशितवाक्य 21:5

जेह्ड़ा सिंहासणे पर बैठेया था, तिन्हीं ग्लाया, “दिक्ख, मैं सब कुच्छ नौआं करी दिंदा।” भिरी तिन्हीं ग्लाया, “लिखी लै, क्जोकि एह़ वचन बसुआसे जोग्गे कने सच्चे हन।”

प्रकाशितवाक्य 3:14

भिरी तिन्हीं मिन्जो नैं एह़ भी ग्लाया, कि “लौदीकिया सैहरे दी कलीसिया दे सुअर्गदूते जो एह़ लिख: कि मैं सैई ऐ जेह्ड़ा आमीन कने बसुआसे जोग्गा कने सच्चा गवाह ऐ, कने सैई ऐ जिसदे जरिये परमात्मे सब कुच्छ बणाया ऐ, तिसदा ग्लाणा ऐई ऐ:

प्रकाशितवाक्य 4:8

चौंन्नी प्राणियां दे छे-छे पंख थे, कने तिन्हां दे चौंन्नी पास्से कने तिन्हां दे पंखा दे थल्लैं भी अखीं ई अखीं थियां; कने सैह़ रात दिन बगैर अराम कित्यो एह़ ग्लांदे रैंह्दे थे, “पवित्र, पवित्र, पवित्र प्रभु सर्वशक्तिमान परमात्मा! जेह्ड़ा हमेसा था कने जेह्ड़ा ऐ कने जेह्ड़ा ओणे आल़ा ऐ।”

प्रकाशितवाक्य 5:9

सैह़ एह़ नौआं गीत गा थे, “इसा कताब जो लैणे दा, कने इसा दियां सील्लां खोलणे दा हक्क तिज्जो अल्ल ऐ, क्जोकि तू इक्क मेम्ने साइआं बलिदान होई करी अपणे खूने नैं हर इक्क गोत्र, भासा, देस कने जातिया ते परमात्मे तांई लोकां जो खरीदी लेआ ऐ;

प्रकाशितवाक्य 6:10

तिन्हां जोरे-जोरे नैं ग्लाया, “हे पवित्र कने सच्चे प्रभु; तू धरतिया दे तिन्हां बुरे लोकां जो सज़ा दैणे तांई इतणी देर क्जो करा दा ऐ? अहां तिज्जो नैं विणती करदे हन, कि तू तिन्हां लोकां नैं अहां दा बदला लै जिन्हां अहां दा खून कित्या ऐ।”