Biblia Todo Logo
Bìoball air-loidhne

- Sanasan -




प्रकाशितवाक्य 3:5 - काँगड़ी

5 जेह्ड़ा बुरिआं ताकतां जो हराई दिंदा ऐ, तिसियो इस तरीके नैं पवित्र ज़िन्दगी दित्ती जांगी, कने मैं तिसदा नां तिसा ज़िन्दगिया दिया कताबा च कुस भी तरीके नैं नीं कटगा; अपर तिसियो मैं अपणे पिता कने तिसदे सुअर्गदूतां दे सामणै अपनाई लैंगा।

Faic an caibideil Dèan lethbhreac




प्रकाशितवाक्य 3:5
23 Iomraidhean Croise  

“जेह्ड़ा कोई माणुआं सामणै मिन्जो अपनाई लैंगा, तिसियो मैं भी अपणे सुअर्गीय पिता दे सामणै अपनाई लैंगा।


अपर तमी इसते खुस मत होआ कि दुष्टआत्मा तुहां दे बसे च ऐ, अपर इसते खुस होआ कि तुहां दे नां सुअर्गे च लिख्यो हन।”


“मैं तुहां नैं ग्लांदा ऐ जेह्ड़ा कोई माणुआं सामणै मिन्जो अपनाई लैंगा तिसियो मैं माणुये दा पुत्तर भी परमात्मे दे सुअर्गदूतां सामणै अपनाई लैंगा।


हे सच्चे साथी, मैं तिज्जो नैं भी विणती करदा ऐ, कि तू तिन्हां जणासां दी इक्क मन रैहणे च मदत कर, क्जोकि तिन्हां मिन्जो सौगी सुसमाचार फैलाणे च, क्लेमेंस कने मेरे होर साथियां सौगी मेहनत कित्ती, तिन्हां सबना दे नां ज़िन्दगिया दिया कताबां च लिख्यो हन।


कने हुण परमात्मा तिस धोखे ते बचाई सकदा ऐ, जेह्ड़ा तुहां जो पापी ज़िन्दगिया ते मिलदा ऐ। सैह़ तुहां जो जेह्ड़ा महिमा नैं भरोया ऐ खुसिया नैं कने बेकसूर करी नैं अप्पु सामणै खरेड़ी सकदा ऐ,


संसारे दे लोक तिस जंगली जानवरे दी पूजा करगे। सैह़ सारे लोक जिन्हां दे नां सृष्टिया दे सुरू होणे ते ई तिस मेम्ने दिया ज़िन्दगिया दिया कताबा च लिखे नीं गै, जिसदा बलिदान कित्या था।


जेह्ड़ा जंगली जानवर तैं दिख्या ऐ, सैह़ पैहल्लैं तां था पर हुण नीं ऐ, कने अथाह कुंडे ते निकल़ी करी विनाशे च पोंगा; कने संसारे दे लोक जिन्हां दे नां सृष्टिया दे सुरू होणे दे बग्ते ते तिसा ज़िन्दगिया दिया कताबा च लिखे नीं गै, इस जंगली जानवरे दी एह़ हालत दिक्खी करी कि पैहल्ले था कने हुण नीं ऐ कने भिरी आई जांगा, हरान हुंगे।


तिसा जो साफ-चिट्टे कने चमकदार मलमल पैहनणे दा हुक्म दित्ता गेआ, क्जोकि तिस मलमले दा मतलब परमात्मे दे लोकां दे धार्मिक कम्म हन।”


जेह्ड़े मेरे संदेसे जो समझणा चांह़दे हन, तिसियो ध्याने नैं सुणन कि पवित्र आत्मा कलीसियां नैं ग्लांदा ऐ। जेह्ड़ा बुरिआं ताकतां जो हराई दिंदा ऐ, तिसियो दूईआ मौत्ती ते कोई नकसान नीं पुज्जगा।”


जेह्ड़े मेरे संदेसे जो समझणा चांह़दे हन, तिसियो ध्याने नैं सुणन कि पवित्र आत्मा कलीसियां नैं क्या ग्लांदा ऐ। जेह्ड़ा बुरिआं ताकतां जो हराई दिंदा ऐ, मैं तिसियो तिस रूखे ते जेह्ड़ा ज़िन्दगी दिंदा ऐ, कने जेह्ड़ा परमात्मे दे सुअर्गलोके च ऐ, फल़ खाणे जो दिंगा।”


भिरी मैं छोटे बड्डे सारे मरेयां जो सिंहासणे सामणै खड़ोत्यो दिख्या, कने कताबां खोलियां गियां; कने भिरी इक्क होर कताब खोली, मतलब ज़िन्दगिया दी कताब कने जिंआं तिन्हां कताबां च लिख्या था, तिंआं ई तिन्हां दे कम्मां मताबक मरेयां दा न्याय कित्ता गेआ।


कने जिस कुसी दा नां ज़िन्दगिया दिया कताबा च लिख्या नीं मिल्ला, सैह़ अग्गी दिया झीला च पाई दित्ता गेआ।


कने तिस कोई अपवित्र चीज्ज, कने घृणित कम्म करणे आल़ा, कने झूठियां गल्लां बणाणे आल़ा, कुसी भी तरीके नैं दाखल नीं हुंगा; अपर सिर्फ सैई लोक जिन्हां दे नां मेम्ने दिया ज़िन्दगिया दिया कताबा च लिख्यो हन।


जे कोई इसा भविष्यवाणी दिया कताबा दियां गल्लां ते कुच्छ कड्डगा, तां परमात्मा तिसा ज़िन्दगिया दे रूखे कने पवित्र सैहरे ते, जिसदा बखान इसा कताबा च ऐ, तिसदा हिस्सा कड्डी दिंगा।


जेह्ड़ा बुरिआं ताकतां जो हराई दिंदा ऐ, तिसियो मैं अपणे परमात्मे दे मंदरे च इक्क खम्भे साइआं बणांगा, कने सैह़ कदी भी इसियो नीं छड्डगे; कने मैं अपणे परमात्मे दा नां कने अपणे परमात्मे दे सैहरे दा मतलब नौये यरूशलेम दा नां, जेह्ड़ा मेरे परमात्मे ते पास्से सुअर्गे ते लौणे आल़ा ऐ, कने अपणा नौआं नां तिस पर लिखगा।


अपर हाँ, सरदीस सैहरे च तेरे ऐत्थु कुच्छ लोक ऐदेय हन, जिन्हां पापां दे जरिये अपणी ज़िन्दगी भरष्ठ नीं कित्ती, सैह़ अपणिया पवित्र ज़िन्दगिया च मिन्जो सौगी रैंह्गे, क्जोकि सैह़ इस जोग्गे हन।


तिन्हां च हर इक्की जो चिट्टा कपड़ा दित्ता गेआ, कने तिन्हां नैं ग्लाया गेआ कि होर थोड़ी देर तिकर इन्तजार करा, क्जोकि तुहां दे कुच्छ होर भी संगी साथी कने बसुआसी भाऊ हन, जिन्हां दा खून भी तुहां साइआं कित्ता जांगा। जाह़लू तिन्हां दी जिन्हां दा खून कित्या गिणती पूरी होई जांगी, सिर्फ ताह़लू ई मैं बदला लैंगा।


Lean sinn:

Sanasan


Sanasan