प्रकाशितवाक्य 3:4 - काँगड़ी

⁴ अपर हाँ, सरदीस सैहरे च तेरे ऐत्थु कुच्छ लोक ऐदेय हन, जिन्हां पापां दे जरिये अपणी ज़िन्दगी भरष्ठ नीं कित्ती, सैह़ अपणिया पवित्र ज़िन्दगिया च मिन्जो सौगी रैंह्गे, क्जोकि सैह़ इस जोग्गे हन।

प्रकाशितवाक्य 3:4 Iomraidhean Croise

मत्ती 10:11

“जिस कुसी सैहरे या ग्रांऐ च जा, तां पता करा कि तित्थु कुण नेक माणु ऐ। कने जाह़लू तिकर औत्थू ते तुहां नीं निकल़न, तिस अल्ल ई परोणा बणी नैं रेह्आ।

मरकुस 16:5

कने कब्रा अंदर जाई नैं तिन्हां जणासां इक्क नौजुआन दूते जो जिन्हीं चिट्टे कपड़े पैहनेयो थे, तिन्हां दे सज्जे पास्से बैठेयो दिख्या, कने बड़ियां हरान होईयां।

लूका 20:35

अपर जेह्ड़े लोक इस जोग्गे ठैहरगे कि इस जुगे जो कने मरेयां ते जिन्दे होणे जो हासल करन, सैह़ ना तां ब्याह करगे कने ना ई ब्याये च दित्ते जांगे।

लूका 21:36

इसतांई जागदे रेह्आ कने हर बग्त प्रार्थना करदे रेह्आ कि तुहां इन्हां सब ओणे आल़िआं मुसीबता ते बची करी रैह़न कने माणुये सामणै खड़ोणे जोग्गा तां बणा।”

प्रेरितां दे कम्म 1:15

कने तिन्हां दिनां च पतरस लगभग इक्क सौ बीआं लोकां बिच्च खड़ोई करी ग्लाणा लग्गा,

2 थिस्सलुनीकियों 1:5

कने जिन्हां दुखां जो जेह्ड़े तुहां झेला दे हन, परमात्मा अपणा न्याय दस्सणे तांई इन्हां दा इस्तेमाल करगा, कने तुहां जो अपणे राज्जे च पुज्जणे जोग्गा बणांगा।

यहूदा 1:23

कने कुच्छ होर लोकां जो जिन्हां दे बारे च तुहां जो लगदा कि नरके दिया अग्गी च जा दे हन, जेह्ड़ी कदी नीं बुझदी, तिन्हां जो तौल़ी बाहर खींजी करी बचाई लेआ, कने दूयेयां पर भी दया करा। तुहां जो चाइदा कि सैदेय पापां दे बची करी रेह्आ, ऐत्थु तिकर कि तिन्हां कपड़ेयां ते भी जिन्हां पर बुरेयां कम्मां दे दाग हन।

प्रकाशितवाक्य 1:11

“जेह्ड़ा कुच्छ तू दिक्खदा ऐ तिसियो कताबा च लिखी करी सत्तां कलीसियां जो घल्ली दे, मतलब इफिसुस, स्मुरना, पिरगमुन, थुआतीरा, सरदीस, फिलदिलफिया कने लौदीकिया सैहरे जो।”

प्रकाशितवाक्य 11:13

भिरी तिस बग्त इक्क बड्डा हिल्लण होएया, कने सैहरे दियां कोठियां दा दसमां हिस्सा पेई गेआ; कने तिस हिल्लणे नैं सत हज़ार माणु मरिये, कने बाक्कि डरी गै कने सुअर्गे दे परमात्मे दी महिमा कित्ती।

प्रकाशितवाक्य 14:4

एह़ सैह़ लोक हन जिन्हां जणासां सौगी गंदे कम्म नीं कित्ते, अपर कुआरे हन; एह़ सैई लोक हन कि जित्थु कुत्थी मेम्ना जांदा ऐ, सैह़ तिसदे पचांह़ चली पोंदे हन; एह़ तां परमात्मे कने मेम्ने सामणै पैहल्ले फल़ होणे तांई माणुआं ते खरीदेयो हन।

प्रकाशितवाक्य 19:14

सुअर्गे दी सेना चिट्टे घोड़ेयां पर सवार कने चिट्टे कने साफ मलमल पैहनी करी तिसदे पचांह़-पचांह़ हन।

प्रकाशितवाक्य 19:8

तिसा जो साफ-चिट्टे कने चमकदार मलमल पैहनणे दा हुक्म दित्ता गेआ, क्जोकि तिस मलमले दा मतलब परमात्मे दे लोकां दे धार्मिक कम्म हन।”

प्रकाशितवाक्य 3:18

इसतांई मैं तिज्जो इक्क सलाह दिंदा ऐ कि अग्गी च तपाया सोन्ना मिन्जो ते खरीदी लै कि तू दौलतमंद होई जां, कने चिट्टे कपड़े लेई लै कि पैहनी करी तिज्जो अपणे नंगेपन दी सर्म नीं होयैं, कने अपणियां अखीं च मल़णे तांई सुर्मा लै कि तू दिक्खणा लग्गी पोयैं।

प्रकाशितवाक्य 3:5

जेह्ड़ा बुरिआं ताकतां जो हराई दिंदा ऐ, तिसियो इस तरीके नैं पवित्र ज़िन्दगी दित्ती जांगी, कने मैं तिसदा नां तिसा ज़िन्दगिया दिया कताबा च कुस भी तरीके नैं नीं कटगा; अपर तिसियो मैं अपणे पिता कने तिसदे सुअर्गदूतां दे सामणै अपनाई लैंगा।

प्रकाशितवाक्य 4:4

तिस सिंहासणे दे चौंन्नी पास्से चौबी सिंहासण थे; कने इन्हां सिंहासणा पर चौबी स्याणे चिट्टे कपड़े पैहनी नैं बैठेयो थे, कने तिन्हां दे सिरां पर सोन्ने दे मुकट थे।

प्रकाशितवाक्य 6:11

तिन्हां च हर इक्की जो चिट्टा कपड़ा दित्ता गेआ, कने तिन्हां नैं ग्लाया गेआ कि होर थोड़ी देर तिकर इन्तजार करा, क्जोकि तुहां दे कुच्छ होर भी संगी साथी कने बसुआसी भाऊ हन, जिन्हां दा खून भी तुहां साइआं कित्ता जांगा। जाह़लू तिन्हां दी जिन्हां दा खून कित्या गिणती पूरी होई जांगी, सिर्फ ताह़लू ई मैं बदला लैंगा।

प्रकाशितवाक्य 7:9

इसते बाद मैं दिख्या, कि लोकां दी इतणी बड्डी भीड़ थी, कने कोई भी तिसा जो गिणी नीं सकदा था, तिसा भीड़ा च हर इक्क देस, गोत्र, जाति कने भासा दे लोक थे, कने सैह़ चिट्टे कपड़े पैहनी करी कने अपणे हत्थां च खजूरे दियां डाल़िआं लेई करी सिंहासणे सामणै कने मेम्ने सामणै खड़ोत्यो थे।