प्रकाशितवाक्य 3:3 - काँगड़ी

³ इसतांई याद कर कि तैं कुस तरीके नैं सिक्षा हासल कित्ती कने सुणी, कने तिस च बणी रैंह् कने अपणे मने बदल। जे तू चौकन्ना नीं हुंगा तां मैं चोरे साइआं आई जांगा कने तू तिस बग्ते जो कदी नीं जाणी सकगा, जाह़लू मैं तिज्जो सज़ा दैणे तांई ओंगा।

प्रकाशितवाक्य 3:3 Iomraidhean Croise

मत्ती 25:13

इसतांई जागदे रेह्आ, क्जोकि तुहां मेरे बापस ओणे दे दिने दे तिस बग्ते जो नीं जाणदे।

मरकुस 13:33

दिक्खा, जागदे कने प्रार्थना करदे रेह्आ; क्जोकि तुहां नीं जाणदे कि सैह़ बग्त काह़लू ओंगा।

मरकुस 13:36

इआं नीं होयैं कि सैह़ चाणचक आई नैं तुहां जो सुतेयो दिक्खैं।

1 थिस्सलुनीकियों 5:2

क्जोकि तुहां अप्पु च ठीक जाणदे हन कि जिंआं राती चोर ओंदा ऐ, तिंआं ई प्रभु यीशुये दा औणां भी हुंगा।

1 तीमुथियुस 6:20

हे तीमुथियुस, तू एह़ निस्चा कर जेह्ड़ा परमात्मे तिज्जो दित्या ऐ कि तू सैई करदा ऐ। कने तिन्हां लोकां दी मत सुणदा जेह्ड़े हमेसा मूर्ख गल्लां करदे हन, जिन्हां नैं परमात्मे दी इज्जत नीं हुंदी ऐ कने बेकार च बैंह्स करदे हन, कने सैह़ ग्लांदे हन, कि एह़ ज्ञान ऐ, अपर सच्च बिच्च एह़ नीं ऐ।

2 तीमुथियुस 1:13

भरोसा रख कि जेह्ड़ी सच्ची सिक्षा तैं मिन्जो ते सुणी ऐ, सैह़ तिज्जो तांई उदारणे साइआं ऐ। तिसा जो बसुआसे कने प्यारे सौगी कर, क्जोकि जेह्ड़ा तू यीशु मसीह च इक्क ऐ।

इब्रानियों 2:1

इसतांई अहां जो जेह्ड़ा सुसमाचार मिल्लेया, तिस पर खरे कित्ते ध्यान दैणा चाइदा। कुत्थी इआं ना होयैं कि अहां सच्चाईया ते भटकी जान।

2 पतरस 1:13

कने मैं अप्पु तांई एह़ ठीक समझदा ऐ, कि जाह़लू तिकर मैं इस संसारे च ऐ, ताह़लू तिकर तुहां जो इन्हां गल्लां दी याद करांदा रैंह्।

2 पतरस 3:1

हे मेरे प्यारे साथी बसुआसियो, हुण मैं तुहां जो एह़ दूई चिठ्ठी लिखा दा ऐ, कने दून्नी चिठ्ठियां च मैं तुहां जो तिन्हां गल्लां दी जेह्ड़ियां तुहां पैहल्ले ते सिखियां हन, याद करवाणे दी कोसस करी नैं हौंसला दिंदा ऐ, तांजे तुहां तिन्हां गल्लां दे बारे च खरे कित्ते सोचन,

2 पतरस 3:10

अपर मसीह जरूर बापस ओंगा, कने तिसदा औणां चोरे साइआं हुंगा, तिस बग्त अम्बरे च जोरे दी गड़ाकेयां दी उआज़ हुंगी, कने अम्बर गायब होई जांगा। अम्बरे दियां सारियां चीज्जां नास होई जांगियां। तिस दिन परमात्मा न्याय करणे तांई तिन्हां सारे कम्मां जो प्रगट करगा, जेह्ड़े लोकां इसा धरतिया पर कित्यो हन।

प्रकाशितवाक्य 16:15

तां प्रभु यीशुयैं ग्लाया, “दिक्ख, मैं चोरे साइआं ओंदा ऐ; धन सैह़ ऐ जेह्ड़ा जागदा रैंह्दा ऐ, कने अपणे कपड़ेयां दी रखवाल़ी करदा ऐ कि नंगा नीं घूमे, कने लोक तिसदा नंगापन नीं दिक्खन।”

प्रकाशितवाक्य 2:25

अपर हाँ, जेह्ड़ियां सिक्षां तुहां अल्ल हन तिन्हां जो मेरे ओणे तिकर सम्भाल़ी रखा।

प्रकाशितवाक्य 2:5

इसतांई याद कर कि तू कुत्थू ते थल्लैं पेआ ऐ, कने मने जो बदल कने पैहल्ले साइआं कम्म कर। जे तू मने नीं बदलगा तां मैं तिज्जो अल्ल आई करी तेरे दीपदान जो तिसदिया जगाह ते हटाई दिंगा।

प्रकाशितवाक्य 22:7

“दिक्ख, मैं तौल़ी ओणे आल़ा। धन ऐ सैह़ जेह्ड़ा इसा कताबा दी भविष्यवाणी दियां गल्लां मनदा ऐ।”

प्रकाशितवाक्य 3:11

मैं बड़ी तौल़ी ओणे आल़ा ऐ; इसतांई जेह्ड़ा बसुआस तेरा मिन्जो पर ऐ तिसियो सम्भाल़ी करी रख, तांजे कोई भी तेरे इनामे जो खोई नीं लैं।

प्रकाशितवाक्य 3:19

मैं जिन्हां-जिन्हां नैं प्यार करदा ऐ, तिन्हां जो मैं सिक्षा कने सज़ा भी दिंदा ऐ; तांजे सैह़ खरे बणी जान, इसतांई हमेसा खरा करदे रेह्आ, कने पाप करणे ते अप्पु जो रोका।

प्रकाशितवाक्य 3:2

इसतांई चौकन्ना होई जा, कि जेह्ड़ा तेरे अंदर अह्ल्ली थोड़ा बसुआस बचेया ऐ, तिसियो मजबूत कर; तांजे एह़ भी खत्म नीं होई जां, क्जोकि जेह्ड़ा तू करा दा तिसते परमात्मा खुस नीं ऐ।