प्रकाशितवाक्य 3:12 - काँगड़ी

¹² जेह्ड़ा बुरिआं ताकतां जो हराई दिंदा ऐ, तिसियो मैं अपणे परमात्मे दे मंदरे च इक्क खम्भे साइआं बणांगा, कने सैह़ कदी भी इसियो नीं छड्डगे; कने मैं अपणे परमात्मे दा नां कने अपणे परमात्मे दे सैहरे दा मतलब नौये यरूशलेम दा नां, जेह्ड़ा मेरे परमात्मे ते पास्से सुअर्गे ते लौणे आल़ा ऐ, कने अपणा नौआं नां तिस पर लिखगा।

प्रकाशितवाक्य 3:12 Iomraidhean Croise

मरकुस 12:16

सैह़ लेई आये, कने यीशुयैं तिन्हां जो ग्लाया, “एह़ छाप कने नां कुसदा ऐ?” तिन्हां ग्लाया, “राजा कैसरे दा।”

गलातियों 2:9

कने जाह़लू तिन्हां तिस अनुग्रह जो जेह्ड़ा मिन्जो मिल्लेया था जाणी लेआ, तां याकूब, कने कैफा, कने यूहन्ना जेह्ड़े कलीसिया दे खम्भेयां साइआं समझे जांदे थे, मिन्जो कने बरनबासे जो संगतिया दा सज्जा हत्थ दित्ता कि अहां होरनी जातिआं दे लोकां अल्ल जान कने सैह़ यहूदी लोकां अल्ल जान।

इफिसियों 3:15

सैह़ इक्क ई ऐ, जेह्ड़ा बसुआसियां दे पूरे परवारे दा पिता ऐ, जेह्ड़ा सुअर्गे कने धरतिया पर ऐ,

इब्रानियों 12:22

तुहां लोक सिय्योने दे प्हाड़े दे बक्खे पुज्जे हन, जेह्ड़ा जिन्दे परमात्मे दा सैहर ऐ। एह़ सैह़ सुअर्गीय यरूशलेम ऐ, जित्थु लखां सुअर्गदूत खुसिया दा त्योहार मनांदे हन।

इब्रानियों 13:14

क्जोकि इस संसारे च अहां दा हमेसा रैहणे आल़ा कोई घर नीं ऐ, अपर अहां तिस सुअर्गीय घरे दिया तोपा च हन, जेह्ड़ा सदा तांई ऐ।

1 यूहन्ना 4:4

हे मेरे बच्चो, तुहां परमात्मे दे लोक हन, कने तुहां झूठे भविष्यवक्तां पर जय पाई ऐ; क्जोकि पवित्र आत्मा जेह्ड़ा तुहां च ऐ, सैह़ तिस सैताने ते जेह्ड़ा इस संसारे च राज करदा ऐ, म्हान ऐ।

प्रकाशितवाक्य 14:1

तिसते बाद मैं भिरी दिख्या, सैह़ मेम्ना सिय्योन प्हाड़े पर खड़ोत्या ऐ, कने तिस सौगी इक्क लख चौत्ताल़ी हज़ार लोक हन, जिन्हां दे मत्थे पर तिसदा कने तिसदे पिते दा नां लिख्या ऐ।

प्रकाशितवाक्य 17:14

“सैह़ मेम्ने सौगी लड़गे, कने मेम्ना तिन्हां जो जीत्ती लैंगा, क्जोकि सैह़ प्रभुआं दा प्रभु कने राजेयां दा राजा ऐ, कने जेह्ड़े सद्देयो कने चुणेयो कने बसुआसी हन सैह़ तिस सौगी हन; सैह़ भी जीत्ती लैंगे।”

प्रकाशितवाक्य 2:11

जेह्ड़े मेरे संदेसे जो समझणा चांह़दे हन, तिसियो ध्याने नैं सुणन कि पवित्र आत्मा कलीसियां नैं ग्लांदा ऐ। जेह्ड़ा बुरिआं ताकतां जो हराई दिंदा ऐ, तिसियो दूईआ मौत्ती ते कोई नकसान नीं पुज्जगा।”

प्रकाशितवाक्य 2:17

जेह्ड़े मेरे संदेसे जो समझणा चांह़दे हन, तिसियो ध्याने नैं सुणन कि पवित्र आत्मा कलीसियां नैं क्या ग्लांदा ऐ। जेह्ड़ा बुरिआं ताकतां जो हराई दिंदा ऐ, मैं तिसियो कुच्छ मन्ना दिंगा जेह्ड़ा गुप्त च रखेया ऐ, कने तिसियो इक्क चिट्टा पत्थर भी दिंगा; जिस पर इक्क नां लिख्या हुंगा, जिसियो तिसदे लैणे आल़े जो छड्डी नैं होर कोई नीं जाणगा।”

प्रकाशितवाक्य 2:7

जेह्ड़े मेरे संदेसे जो समझणा चांह़दे हन, तिसियो ध्याने नैं सुणन कि पवित्र आत्मा कलीसियां नैं क्या ग्लांदा ऐ। जेह्ड़ा बुरिआं ताकतां जो हराई दिंदा ऐ, मैं तिसियो तिस रूखे ते जेह्ड़ा ज़िन्दगी दिंदा ऐ, कने जेह्ड़ा परमात्मे दे सुअर्गलोके च ऐ, फल़ खाणे जो दिंगा।”

प्रकाशितवाक्य 21:2

भिरी मैं पवित्र नौये सैहर यरूशलेमे जो सुअर्गे ते परमात्मे दे बक्खे ते लौंदे दिख्या। सैह़ तिसा दुल्हना साइआं था, जेह्ड़ी अपणे दुल्हे तांई सज्जदी था।

प्रकाशितवाक्य 22:4

सैह़ तिसियो आमणै-सामणै दिक्खगे, कने तिसदा नां तिन्हां दे मत्थे पर लिख्या हुंगा।

प्रकाशितवाक्य 3:5

जेह्ड़ा बुरिआं ताकतां जो हराई दिंदा ऐ, तिसियो इस तरीके नैं पवित्र ज़िन्दगी दित्ती जांगी, कने मैं तिसदा नां तिसा ज़िन्दगिया दिया कताबा च कुस भी तरीके नैं नीं कटगा; अपर तिसियो मैं अपणे पिता कने तिसदे सुअर्गदूतां दे सामणै अपनाई लैंगा।