प्रकाशितवाक्य 3:11 - काँगड़ी

¹¹ मैं बड़ी तौल़ी ओणे आल़ा ऐ; इसतांई जेह्ड़ा बसुआस तेरा मिन्जो पर ऐ तिसियो सम्भाल़ी करी रख, तांजे कोई भी तेरे इनामे जो खोई नीं लैं।

प्रकाशितवाक्य 3:11 Iomraidhean Croise

1 कुरिन्थियों 9:25

हर इक्क पैहलवाण जेह्ड़ा कुश्तिया च हिस्सा लैंदा ऐ; सैह़ सबर रखदा ऐ। सैह़ तां नास होणे आल़े मुकटे जो हासल करणे तांई एह़ सब कुच्छ करदा ऐ, अपर अहां तां तिस मुकटे जो हासल करणे तांई करदे हन जेह्ड़ा नास नीं हुंदा ऐ।

फिलिप्पियों 4:5

सारे माणु तुहां दे नरम सभावे जो जाणी लैन। प्रभु दा बापस औणां नेड़े ऐ।

2 तीमुथियुस 2:5

जाह़लू पिड़े च लड़णे आल़ा पैहलवाण भी जे नियमां मताबक नीं लड़दा ऐ तां तिस जो माली नीं मिलदी।

2 तीमुथियुस 4:8

प्रभु मिन्जो इक्क मुकट दिंगा, जेह्ड़ा धार्मिकता दा मुकट ऐ। सैह़ सच्चा न्याय करणे आल़ा अपणे बापस ओणे आल़े दिन च मिन्जो तिस इनामे जो दिंगा। सैह़ मिन्जो नीं अपर तिन्हां सबना जो भी जेह्ड़े तिसदे बापस ओणे दे इन्तजारे च हन।

याकूब 1:12

धन ऐ सैह़ माणु, जेह्ड़ा परीक्षा च पक्का रैंह्दा ऐ, क्जोकि सैह़ परीक्षा च सफल होई नैं सदा दी ज़िन्दगिया दा सैह़ मुकट पांगा जेह्ड़ा वादा परमात्मे अपणे प्यार करणे आल़ेआं नैं कित्या ऐ।

याकूब 5:9

हे प्यारे साथी बसुआसियो, इक्की दूये पर दोस मत लग्गा, तांजे तुहां दोसी नीं बणन; दिक्खा, न्याय करणे आल़ा ओणे तांई त्यार ऐ।

प्रकाशितवाक्य 1:3

धन ऐ सैह़ जेह्ड़ा इसा भविष्यवाणिया दे वचने जो पढ़दा ऐ, कने सैह़ जेह्ड़े सुणदे हन कने इस च लिखियां गल्लां जो मनदे हन। क्जोकि एह़ गल्लां तौल़ी होणे आल़िआं हन।

प्रकाशितवाक्य 16:15

तां प्रभु यीशुयैं ग्लाया, “दिक्ख, मैं चोरे साइआं ओंदा ऐ; धन सैह़ ऐ जेह्ड़ा जागदा रैंह्दा ऐ, कने अपणे कपड़ेयां दी रखवाल़ी करदा ऐ कि नंगा नीं घूमे, कने लोक तिसदा नंगापन नीं दिक्खन।”

प्रकाशितवाक्य 2:10

जेह्ड़े दुख तिज्जो झेलणा पोंगे, तिन्हां ते मत डर। अपर चौकनै रेह्आ; क्जोकि सैतान तुहां च कुच्छ लोकां जो जेलखाने च पाणे आल़ा ऐ तांजे तुहां परखे जान; कने तुहां जो दसा दिनां तिकर दुख झेलणा पोंगा। प्राण दैणे तिकर बसुआसे जोग्गा बणी रैह्, तां मैं तिज्जो ज़िन्दगिया दा मुकट दिंगा।

प्रकाशितवाक्य 2:13

मैं एह़ तां जाणदा ऐ कि तू तित्थु रैंह्दा ऐ जित्थु सैताने दा सिंहासण ऐ; तू लगातार मेरे बसुआसे च मजबूत रैंह्दा ऐ, कने मिन्जो पर बसुआस करणे ते तिन्हां दिनां च भी पचांह़ नीं हटेया जिन्हां दिनां च मेरा बसुआसे जोग्गा गवाह अन्तिपास, तुहां दे सामणै तिसा जगाह पर मारे गेआ जित्थु सैतान रैंह्दा ऐ।

प्रकाशितवाक्य 2:25

अपर हाँ, जेह्ड़ियां सिक्षां तुहां अल्ल हन तिन्हां जो मेरे ओणे तिकर सम्भाल़ी रखा।

प्रकाशितवाक्य 22:12

प्रभु यीशुयैं ग्लाया, “दिक्ख, मैं तौल़ी ओणे आल़ा। कने हर इक्की दे कम्मे मताबक बदला दैणे तांई प्रतिफल़ मिन्जो अल्ल ऐ

प्रकाशितवाक्य 22:20

जेह्ड़ा इन्हां गल्लां दी गवाही दिंदा ऐ सैह़ एह़ ग्लांदा ऐ, “हाँ, मैं तौल़ी ओणे आल़ा।” मैं यहून्ना जवाब दिंदा ऐ आमीन। हे प्रभु यीशु आ।

प्रकाशितवाक्य 22:7

“दिक्ख, मैं तौल़ी ओणे आल़ा। धन ऐ सैह़ जेह्ड़ा इसा कताबा दी भविष्यवाणी दियां गल्लां मनदा ऐ।”

प्रकाशितवाक्य 3:3

इसतांई याद कर कि तैं कुस तरीके नैं सिक्षा हासल कित्ती कने सुणी, कने तिस च बणी रैंह् कने अपणे मने बदल। जे तू चौकन्ना नीं हुंगा तां मैं चोरे साइआं आई जांगा कने तू तिस बग्ते जो कदी नीं जाणी सकगा, जाह़लू मैं तिज्जो सज़ा दैणे तांई ओंगा।

प्रकाशितवाक्य 4:10

ताह़लू सैह़ चौबी स्याणे सिंहासणे पर बैठणे आल़े सामणै गोड्डेयां दे भार बेई नैं तिसियो प्रणांम करगे, जेह्ड़ा जुगा-जुग तिकर जिन्दा ऐ; कने सैह़ अपणे-अपणे मुकटां जो सिंहासणे सामणै रखी करी एह़ ग्लांगे, कि

प्रकाशितवाक्य 4:4

तिस सिंहासणे दे चौंन्नी पास्से चौबी सिंहासण थे; कने इन्हां सिंहासणा पर चौबी स्याणे चिट्टे कपड़े पैहनी नैं बैठेयो थे, कने तिन्हां दे सिरां पर सोन्ने दे मुकट थे।