प्रकाशितवाक्य 3:10 - काँगड़ी

¹⁰ तैं दुखां च भी सबर रखी नैं मेरे वचनां दा पालण कित्ता ऐ, इसतांई मैं तिज्जो परीक्षा दे तिस बग्त बचाई रखगा, मैं भी तिस बग्त इस संसारे दे सारे लोकां जो परखणे तांई ओंगा।

प्रकाशितवाक्य 3:10 Iomraidhean Croise

मत्ती 24:14

कने परमात्मे दे राज्जे दा एह़ सुसमाचार सारे संसारे च प्रचार कित्ता जांगा, तांजे सारे देसां दे लोक सुसमाचारे जो ग्रहण करन, भिरी ताह़लू संसारे दा अन्त आई जांगा।”

मत्ती 26:41

जागदे रेह्आ, कने प्रार्थना करदे रेह्आ, कि तुहां परीक्षा च नीं पोन, आत्मा तां त्यार ऐ, अपर सरीर कमजोर ऐ।”

मत्ती 6:13

कने अहां जो परीक्षा च मत पा, अपर दुष्ट सैताने ते बचा। (क्जोकि राज्ज, शक्ति कने महिमा सदा तेरे ई हन।’ आमीन।)

मरकुस 14:9

मैं तुहां नैं सच्च ग्लांदा ऐ, कि सारे संसारे च जित्थु कुत्थी सुसमाचार प्रचार कित्ता जांगा, तित्थु इसादे इस कम्मे दी चर्चा भी तिसा दिया यादा च कित्ती जांगी।”

लूका 2:1

एह़ तिस बग्त दी घटनां ऐ, जाह़लू राजैं औगुस्तुस कैसरें एह़ हुक्म दित्ता कि सारे रोमी सम्राज्य दे लोकां दी गिणती करी नैं तिन्हां दे नां लिखे जान।

यूहन्ना 17:6

“मैं तेरा नां तिन्हां माणुआं दे सामणै प्रगट कित्ता ऐ जिन्हां जो तैं संसारे च मिन्जो तांई दित्ता। सैह़ तेरे थे कने तैं तिन्हां जो मिन्जो तांई दित्ता, कने तिन्हां तेरे वचने जो मन्नी लेआ ऐ।

रोमियो 1:8

पैहल्ले मैं तुहां सारेयां तांई यीशु मसीह दे जरिये अपणे परमात्मे दा धन्यावाद करदा ऐ, क्जोकि तुहां दे बसुआसे दी चर्चा सारे संसारे दे लोकां च होआ दी ऐ।

1 कुरिन्थियों 10:13

तुहां कुसी ऐदई परीक्षा च नीं पै, जेह्ड़ी माणुये दे झेलणे ते बाहर ऐ। परमात्मा सच्चा ऐ कने सैह़ तुहां जो सामर्थ ते बाहर परीक्षा च नीं पोणा दिंगा, अपर परीक्षा ते बाहर निकल़णे दा रस्ता कड्डगा कि तुहां झेली सकन।

2 तीमुथियुस 2:12

जे अहां सबर रखी नैं तिस तांई दुख झेलदे रैह़न, तां तिस सौगी अहां राजेयां साइआं राज्ज भी करगे, जे अहां ग्लांदे हन कि अहां प्रभु जो नीं जाणदे, तां प्रभु भी ग्लांगा कि मैं तुहां जो नीं जाणदा,

याकूब 3:12

हे प्यारे साथी बसुआसियो, क्या धूड़े दे रूखे च जैतून या अंगूरा दिया बेला च धूड़े लग्गी सकदे हन? तिंआं ई खारे छरुड़ूये ते मिठ्ठा पाणी नीं निकल़ी सकदा।

1 पतरस 4:12

हे प्यारे साथी बसुआसियो, जेह्ड़े दर्दनाक दुख तुहां झेलदे हन, तिन्हां दे बारे च हरान मत होआ, क्जोकि तुहां मसीह दे हन। एह़ गल्लां तां होआ दियां हन जिसते एह़ पता लग्गैं कि तुहां सच्च बिच्च परमात्मे पर बसुआस करदे हन। इसतांई मत सोचा कि तुहां सौगी कुच्छ अजीब होआ दा ऐ।

2 पतरस 2:9

परमात्मे एह़ सारे कम्म कित्ते, जेह्ड़े एह़ दस्सदे हन कि सैह़ अपणे लोकां जो तिन्हां दियां मुसीबतां ते बचाणा जाणदा ऐ, कने बुरे लोकां जो न्याय दे दिने तिकर लगातार सज़ा दैणा भी जाणदा ऐ,

प्रकाशितवाक्य 1:9

मैं यूहन्ना, जेह्ड़ा तुहां दा बसुआसी भाऊ कने यीशुये दे दुख, राज्ज, कने सबरे च तुहां दा साझी ऐ, परमात्मे दे वचन, कने यीशुये दिया गवाही दिया बज़ाह ते मैं पतमुस नांऐ दे टापू च था।

प्रकाशितवाक्य 11:10

संसारे दे लोक तिन्हां दे मरने ते खुसिया करी नैं मग्न हुंगे, कने इक्की दूये जो भेंट घल्लगे, क्जोकि इन्हां दून्नी भविष्यवक्तां संसारे दे लोकां जो सताया था।

प्रकाशितवाक्य 13:10

जिसदे हिस्से च कैद लिखियो ऐ, सैह़ जेला च जांगा; जेह्ड़ा तलवारा नैं मारगा, जरूरी ऐ कि सैह़ तलवारा नैं मारेया जांगा। परमात्मे दे लोकां दा सबर कने बसुआस इसी च ऐ।

प्रकाशितवाक्य 13:14

तिन्हां अनोखे कम्मां दिया बज़ाह ते, जिन्हां जो तिस पैहल्ले जंगली जानवरे सामणै दस्सणे दा हक्क तिसियो दित्या था, सैह़ संसारे दे लोकां जो इआं भरमांदा था कने तिन्हां जो ग्लांदा था कि जिस जंगली जानवरे पर तलवारा नैं हमला कित्या था, सैह़ जिन्दा होईया, तिसदी मूर्ति बणा।

प्रकाशितवाक्य 13:8

संसारे दे लोक तिस जंगली जानवरे दी पूजा करगे। सैह़ सारे लोक जिन्हां दे नां सृष्टिया दे सुरू होणे ते ई तिस मेम्ने दिया ज़िन्दगिया दिया कताबा च लिखे नीं गै, जिसदा बलिदान कित्या था।

प्रकाशितवाक्य 14:12

परमात्मे दे लोकां दा सबर इसी च ऐ, जेह्ड़े परमात्मे दे हुक्मां जो मनदे कने यीशु पर बसुआस रखदे हन।

प्रकाशितवाक्य 14:6

भिरी मैं इक्क होर सुअर्गदूते जो अम्बरे च उड़दे दिख्या, जिस अल्ल संसारे दे लोकां दी हर इक्क जाति, गोत्र, भासा, कने लोकां जो सणाणे तांई सदा काल दा सुसमाचार था।

प्रकाशितवाक्य 16:14

एह़ चमत्कार दस्सणे आल़िआं दुष्टआत्मां हन, जेह्ड़ियां सारे संसारे ते निकल़ी करी राजेयां अल्ल इसतांई जांदियां हन कि तिन्हां जो सर्वशक्तिमान परमात्मे दे तिस न्याय दे दिने दी लड़ाईया तांई किठ्ठा करन।

प्रकाशितवाक्य 17:2

जिसा सौगी धरतिया दे राजेयां ब्यभिचार कित्या; कने संसारे दे लोक तिसादे ब्यभिचारे दिया मदिरा नैं मतवाल़े होई गियो थे।”

प्रकाशितवाक्य 17:8

जेह्ड़ा जंगली जानवर तैं दिख्या ऐ, सैह़ पैहल्लैं तां था पर हुण नीं ऐ, कने अथाह कुंडे ते निकल़ी करी विनाशे च पोंगा; कने संसारे दे लोक जिन्हां दे नां सृष्टिया दे सुरू होणे दे बग्ते ते तिसा ज़िन्दगिया दिया कताबा च लिखे नीं गै, इस जंगली जानवरे दी एह़ हालत दिक्खी करी कि पैहल्ले था कने हुण नीं ऐ कने भिरी आई जांगा, हरान हुंगे।

प्रकाशितवाक्य 2:10

जेह्ड़े दुख तिज्जो झेलणा पोंगे, तिन्हां ते मत डर। अपर चौकनै रेह्आ; क्जोकि सैतान तुहां च कुच्छ लोकां जो जेलखाने च पाणे आल़ा ऐ तांजे तुहां परखे जान; कने तुहां जो दसा दिनां तिकर दुख झेलणा पोंगा। प्राण दैणे तिकर बसुआसे जोग्गा बणी रैह्, तां मैं तिज्जो ज़िन्दगिया दा मुकट दिंगा।

प्रकाशितवाक्य 3:8

मैं तेरे कम्मां जो जाणदा ऐ; इसतांई मैं तेरे सामणै इक्क दरवाजा खोली रखेया ऐ, जिसियो कोई बंद नीं करी सकदा; मैं जाणदा ऐ कि तिज्जो अल्ल थोड़ी काबिलियत ऐ, भिरी भी तैं मेरे वचनां दा पालण कित्ता ऐ कने मेरे नांऐ दा इन्कार नीं कित्ता।

प्रकाशितवाक्य 6:10

तिन्हां जोरे-जोरे नैं ग्लाया, “हे पवित्र कने सच्चे प्रभु; तू धरतिया दे तिन्हां बुरे लोकां जो सज़ा दैणे तांई इतणी देर क्जो करा दा ऐ? अहां तिज्जो नैं विणती करदे हन, कि तू तिन्हां लोकां नैं अहां दा बदला लै जिन्हां अहां दा खून कित्या ऐ।”

प्रकाशितवाक्य 8:13

जाह़लू मैं भिरी दिख्या, तां अम्बरे च इक्क बाज्जे जो उड़दे कने जोरे-जोरे नैं एह़ ग्लांदे सुणेया, “तिन्हां सुअर्गदूतां दी तुरहिया दिया बज़ाह ते जिसा दा बजाणा अह्ल्ली बाक्कि ऐ धरतिया दे रैहणे आल़ेआं पर हाय, हाय, हाय।”