प्रकाशितवाक्य 3:1 - काँगड़ी

¹ भिरी तिन्हीं मिन्जो नैं एह़ भी ग्लाया, कि “सरदीस सैहरे दी कलीसिया दे सुअर्गदूते जो एह़ लिख: मैं सैई ऐ जिस अल्ल परमात्मे दियां सत आत्मां कने सत तारे हन, सैह़ एह़ ग्लांदा ऐ कि मैं तेरे कम्मां जो जाणदा ऐ, कि तू अप्पु जो मिन्जो पचांह़ चलणे आल़ा सच्चा बसुआसी तां दस्सदा ऐ, अपर असल च तू ऐ नीं।

प्रकाशितवाक्य 3:1 Iomraidhean Croise

लूका 15:24

क्जोकि मैं एह़ सोचेया था कि मेरा जागत मरी गेआ, मरेया नीं अपर गुआची गेआ था, जेह्ड़ा हुण मिल्ली गेआ ऐ।’ कने सैह़ सारे तिसदे मिलणे दी खुसी मनाणा लग्गे।

लूका 15:32

अपर अहां जो हुण खुसी मनाणा कने खुस होणा चाइदा क्जोकि मैं एह़ सोचेया था कि मेरा जागत मरी गेआ; मरेया नीं अपर गुआची गेआ था, जेह्ड़ा हुण मिल्ली गेआ ऐ।’ ”

यूहन्ना 1:16

क्जोकि तिसदे अनुग्रह दी भरपूरिया ते अहां सबना जो आसीष पर आसीष मिल्ली।

यूहन्ना 1:33

मैं तां तिसियो नीं जाणदा था, अपर जिन्हीं मिन्जो पांणिये नैं बपतिस्मा दैणे तांई घल्लेया, तिन्हीं मिन्जो नैं ग्लाया, ‘जिस पर तू पवित्र आत्मा जो ओंदे कने रुकदे दिक्खगा, सैई पवित्र आत्मा नैं बपतिस्मा दैणे आल़ा ऐ।’

यूहन्ना 20:22

एह़ ग्लाई नैं तिन्हीं तिन्हां पर फूंक मारी कने तिन्हां नैं ग्लाया, “पवित्र आत्मा लेआ।

यूहन्ना 3:34

क्जोकि जिसियो परमात्मैं घल्लेया ऐ, सैह़ परमात्मे दियां गल्लां ग्लांदा ऐ, क्जोकि परमात्मा तिसियो पवित्र आत्मा नापी-नापी करी नीं दिंदा, अपर भरपूरी नैं दिंदा ऐ।

प्रेरितां दे कम्म 2:33

इस तरीके नैं परमात्मे दे सज्जे हत्थे नैं सबना ते ऊची जगाह पाई नैं, कने पिता ते सैह़ पवित्र आत्मा पाई करी नैं जिसदा वादा कित्या था, तिन्हीं एह़ देई दित्ता ऐ, जेह्ड़ा तुहां अज्ज दिख्या कने सुणेया ऐ।

इफिसियों 2:1

अतीत च तुहां मरेयो थे, क्जोकि तुहां परमात्मे दे खलाफ बगाबत कने पाप कित्ता।

इफिसियों 2:5

जाह़लू अहां अपराधां दिया बज़ाह ते मरेयो थे तां तिन्हीं अहां जो अहां दे मसीह सौगी रिस्ते दिया बज़ाह ते सदा दी ज़िन्दगी हासल करणे जोग्गा बणाया। (परमात्मे दे अनुग्रह ते ई तुहां दा उद्धार होएया ऐ),

कुलुस्सियों 2:13

तुहां जाह़लू अपणे अपराधां कने बगैर खतणे ते मतलब बपतिस्मे ते पैहल्ले तुहां दा खरा सभाव मरेया था, परमात्मे तुहां दे सारे अपराधां जो माफ करदे होये तुहां जो मसीह सौगी जिन्दा करी दित्या ऐ।

1 तीमुथियुस 5:6

अपर जेह्ड़ी बिधवा भोग बलासे तांई ज़िन्दगी जींदी ऐ, सैह़ मरेयो माणुये साइआं ऐ, हलांकि सैह़ बिधवा जिन्दा ऐ।

याकूब 2:26

तां इसी तरीके नैं सरीर आत्मा बगैर मरेया ऐ, तिंआं ई बसुआस भी खरे कम्मां बगैर मरेया ऐ।

1 पतरस 1:11

मसीह दी आत्मा तिन्हां च थी, कने एह़ दस्सा दी थी कि किंआं मसीह दुख झेलगा कने किंआं तिसियो महिमा मिलगी। इसतांई तिन्हां एह़ छाण-बीण कित्ती कि मसीह सच्च बिच्च कुण हुंगा कने एह़ कुस बग्त हुंगा?

यहूदा 1:12

जाह़लू एह़ लोक तुहां दियां खास सभां च तुहां सौगी खांदे पींदे हन, तां इआं लगदा ऐ कि सैह़ समुंदरे थल्लैं नीं दुस्सणे आल़े खतरनाक सप्पड़ां साइआं हन, जेह्ड़े तुहां दे डुबणे दी बज़ाह बणी सकदे हन। सैह़ तिन्हां बेसर्म गुआले साइआं हन, जेह्ड़े सिर्फ अपणी देखभाल करदे हन। सैह़ तिन्हां बदल़ा साइआं हन, जेह्ड़े दुस्सदे तां हन, अपर बरदे नीं। कने एह़ तिन्हां रूखां साइआं हन, जेह्ड़े पतझड़े दे मौसमे च दो बरी मरी गियो हन, क्जोकि ना सैह़ फल़दे हन, कने जड़ां ते पटौई गियो हन।

प्रकाशितवाक्य 1:11

“जेह्ड़ा कुच्छ तू दिक्खदा ऐ तिसियो कताबा च लिखी करी सत्तां कलीसियां जो घल्ली दे, मतलब इफिसुस, स्मुरना, पिरगमुन, थुआतीरा, सरदीस, फिलदिलफिया कने लौदीकिया सैहरे जो।”

प्रकाशितवाक्य 1:16

तिन्हीं अपणे सज्जे हत्थे च सत तारे लियो थे, कने तिसदे मुँऐ ते पेनी दूँ धारां आल़ी तलवार निकल़ादी थी। तिसदा मुँ इतणा चमकदार था, ठीक तिंआं जिंआं सूरज खड़िया दोपैरा चमकदा ऐ।

प्रकाशितवाक्य 1:20

जेह्ड़े सत तारे तैं मेरे सज्जे हत्थे च दिक्खे, सैह़ तारे सत्तां कलीसियां दे सुअर्गदूत हन, कने सैह़ सत सोन्ने दे दीपदान सत कलीसियां हन।”

प्रकाशितवाक्य 1:4

एह़ चिठ्ठी यूहन्ने दे पास्से ते तिन्हां सत्तां कलीसियां दे नांऐ पर ऐ जेह्ड़ियां आसिया प्रदेसे च हन। मैं प्रार्थना करदा ऐ, कि तुहां जो परमात्मे दे पास्से ते अनुग्रह कने सांति मिल्लैं, कने सैह़ परमात्मा जेह्ड़ा ऐ कने जेह्ड़ा हमेसा था कने जेह्ड़ा ओणे आल़ा ऐ; कने तिन्हां सत आत्मां दे पास्से ते, जेह्ड़ियां परमात्मे दे सिंहासणे दे सामणै हन,

प्रकाशितवाक्य 2:13

मैं एह़ तां जाणदा ऐ कि तू तित्थु रैंह्दा ऐ जित्थु सैताने दा सिंहासण ऐ; तू लगातार मेरे बसुआसे च मजबूत रैंह्दा ऐ, कने मिन्जो पर बसुआस करणे ते तिन्हां दिनां च भी पचांह़ नीं हटेया जिन्हां दिनां च मेरा बसुआसे जोग्गा गवाह अन्तिपास, तुहां दे सामणै तिसा जगाह पर मारे गेआ जित्थु सैतान रैंह्दा ऐ।

प्रकाशितवाक्य 2:19

मैं तेरे कम्मां, प्यार, बसुआस, सेवा कने सबरे जो जाणदा ऐ, कने एह़ भी कि तेरे पिछले कम्म पैहल्लेयां कम्मां ते बधी करी हन।

प्रकाशितवाक्य 2:2

मैं तेरे कम्म कने तेरी मेहनत, कने तेरे सबरे जो जाणदा ऐ; कने एह़ भी कि तू बुरे लोकां जो दिक्खी नीं सकदा, कने जेह्ड़े अपणे आप्पे जो प्रेरित ग्लांदे हन, कने हन नीं, तिन्हां जो तैं परखेया कि सैह़ झूठ ग्लांदे हन।

प्रकाशितवाक्य 2:9

मैं तेरे दुखे कने गरीबिया जो जाणदा ऐ अपर सच्चाई एह़ कि तू अमीर ऐ; कने जेह्ड़े लोक अपणे आप्पे जो यहूदी ग्लांदे हन, अपर सच्चाई ऐ कि सैह़ हन नीं, एह़ लोक दावा करदे हन कि सैह़ परमात्मे पचांह़ चलणे आल़े हन, अपर सच्चाई एह़ ऐ कि सैह़ सैताने पचांह़ चलदे हन, मैं तिन्हां दी इस निंदा जो भी जाणदा ऐ।

प्रकाशितवाक्य 3:15

मैं तेरे कम्मां जो जाणदा ऐ कि तू मेरे बसुआसे च तिस पांणिये साइआं ऐ जेह्ड़ा ना तां ठंडा ऐ कने ना तां तत्ता; अपर खरा हुंदा कि तू ठंडा या तत्ता हुंदा।

प्रकाशितवाक्य 3:2

इसतांई चौकन्ना होई जा, कि जेह्ड़ा तेरे अंदर अह्ल्ली थोड़ा बसुआस बचेया ऐ, तिसियो मजबूत कर; तांजे एह़ भी खत्म नीं होई जां, क्जोकि जेह्ड़ा तू करा दा तिसते परमात्मा खुस नीं ऐ।

प्रकाशितवाक्य 3:8

मैं तेरे कम्मां जो जाणदा ऐ; इसतांई मैं तेरे सामणै इक्क दरवाजा खोली रखेया ऐ, जिसियो कोई बंद नीं करी सकदा; मैं जाणदा ऐ कि तिज्जो अल्ल थोड़ी काबिलियत ऐ, भिरी भी तैं मेरे वचनां दा पालण कित्ता ऐ कने मेरे नांऐ दा इन्कार नीं कित्ता।

प्रकाशितवाक्य 4:5

तिस सिंहासणे ते बिजलियां कने गड़ाके निकल़ा दे थे, कने सिंहासणे सामणै अग्गी दे सत दीय्ये बल़ा दे थे, जेह्ड़े परमात्मे दियां सत आत्मां हन,

प्रकाशितवाक्य 5:6

ताह़लू मैं तिस सिंहासणे कने चौंन्नी प्राणियां कने तिन्हां स्याणेयां दे गब्बैं, मन्ना इक्क बलिदान होएया मेम्ना खड़ोत्या दिख्या। तिसदे सत सींग कने सत अखीं थियां; एह़ परमात्मे दियां सत आत्मां हन जेह्ड़ियां सारिया धरतिया पर घल्ली दित्तियां हन।