प्रकाशितवाक्य 22:3 - काँगड़ी

³ भिरी श्राप नीं हुंगा, कने परमात्मे कने मेम्ने दा सिंहासण तिस सैहरे च हुंगा कने तिसदे दास तिसदी अराधना करगे।

प्रकाशितवाक्य 22:3 Iomraidhean Croise

मत्ती 25:21

तिसदे मालकैं तिस नैं ग्लाया, ‘धन, हे अच्छे कने बसुआसे जोग्गे दास, तू थोड़ी धन दौलता जो सम्भाल़णे च ईमानदार रेह्आ; मैं तिज्जो मतिआं चीज्जां दा अधिकारी बणांगा। अपणे मालके दिया खुसिया च साझीदार बण।’

मत्ती 25:41

“ताह़लू सैह़ खब्बे पास्से आल़ेआं नैं ग्लांगा, ‘हे श्रापित लोको, मेरे सामणै ते तिसा सदा दी अग्गी च चली जा, जेह्ड़ी परमात्मे सैताने कने तिसदे दूतां तांई त्यार कित्तियो ऐ।

यूहन्ना 12:26

जे कोई मेरी सेवा करणा चां, तां सैह़ मेरा चेला बणैं; कने जित्थु मैं ऐ, तित्थु मेरा चेला भी हुंगा। जे कोई मेरी सेवा करैं, तां पिता तिसदा आदर करगा।

यूहन्ना 13:32

जे तिस च परमात्मे दी महिमा होई ऐ, तां परमात्मा भी अप्पु च तिसदी महिमा करणी कने तौल़ी करणी।

यूहन्ना 14:3

कने जे मैं जाई नैं तुहां तांई जगाह त्यार करदा, तां भिरी आई नैं तुहां जो अप्पु अल्ल लेई जांगा, कि जित्थु मैं रैंह् तित्थु तुहां भी रैह़न।

यूहन्ना 17:24

हे पिता, मैं चांह़दा कि जिन्हां जो तैं मिन्जो दित्या ऐ, जित्थु मैं ऐ तित्थु सैह़ भी मिन्जो सौगी होन, कि सैह़ मेरी तिसा महिमा जो दिक्खन जेह्ड़ी तैं मिन्जो दित्ती ऐ, क्जोकि तैं संसारे दी सृष्टिया ते पैहल्ले मिन्जो नैं प्यार रखेया।

प्रकाशितवाक्य 7:10

कने जोरे-जोरे नैं डड्डी करी ग्लांदे थे, “उद्धारे तांई अहां दे परमात्मे दी, जेह्ड़ा सिंहासणे पर बैठेया ऐ, कने मेम्ने दी जय-जयकार होयैं।”

प्रकाशितवाक्य 7:9

इसते बाद मैं दिख्या, कि लोकां दी इतणी बड्डी भीड़ थी, कने कोई भी तिसा जो गिणी नीं सकदा था, तिसा भीड़ा च हर इक्क देस, गोत्र, जाति कने भासा दे लोक थे, कने सैह़ चिट्टे कपड़े पैहनी करी कने अपणे हत्थां च खजूरे दियां डाल़िआं लेई करी सिंहासणे सामणै कने मेम्ने सामणै खड़ोत्यो थे।