प्रकाशितवाक्य 22:2 - काँगड़ी

² तिस सैहरे दियां सड़कां दे बिच्चो-बिच्च बगदी थी। नदिया दे इस पार कने तिस पार ज़िन्दगिया दा रूख था; तिस च बाराह किस्मा दे फल़ लगदे थे, कने सैह़ हर मीहने फल़दा था; कने तिस रूखे दे पत्तरां ते जाति-जाति दे लोक खरे हुंदे थे।

प्रकाशितवाक्य 22:2 Iomraidhean Croise

लूका 4:18

“प्रभु दा पवित्र आत्मा मिन्जो पर ऐ, तिन्हीं मिन्जो पर अभिषेक कित्ता कि मैं गरीबां जो सुसमाचार सणाणा, कने तिन्हीं मिन्जो इसतांई घल्लेया कि कैदियां जो छुटकारे दा कने अन्नेयां जो तिन्हां दी अखीं खोलणे दा सुसमाचार प्रचार करैं कने लोकां दे सतायां जो छड्डां।

1 पतरस 2:24

मसीयैं सूल़िया पर अप्पु ई अपणे सरीरे च अहां दे पाप लेई लै, तांजे अहां पापां तांई मरी नैं धार्मिकता तांई ज़िन्दगी जीन, कने तिसदे ई जख्मां दे जरिये अहां खरे होये।

प्रकाशितवाक्य 2:7

जेह्ड़े मेरे संदेसे जो समझणा चांह़दे हन, तिसियो ध्याने नैं सुणन कि पवित्र आत्मा कलीसियां नैं क्या ग्लांदा ऐ। जेह्ड़ा बुरिआं ताकतां जो हराई दिंदा ऐ, मैं तिसियो तिस रूखे ते जेह्ड़ा ज़िन्दगी दिंदा ऐ, कने जेह्ड़ा परमात्मे दे सुअर्गलोके च ऐ, फल़ खाणे जो दिंगा।”

प्रकाशितवाक्य 21:21

कने बाराह फाटक बाराह मोतिआं दे थे; इक्क-इक्क फाटक इक्क-इक्क मोतिये दा बणेया था। सैहरे दी सड़क साफ सीशे साइआं सुद्ध सोन्ने दी थी।

प्रकाशितवाक्य 21:24

जाति-जाति दे लोक तिसदिया लौई च चलगे-फिरगे, कने धरतिया दे राजे अपणे-अपणे तेजे दी धन-दौलत तिस च लेयोंगे।

प्रकाशितवाक्य 22:1

भिरी तिन्हीं मिन्जो साफ सीशे साइआं झलकदी होई, ज़िन्दगिया दे पांणिये दी नदी, जेह्ड़ी परमात्मे कने मेम्ने दे सिंहासणे ते निकल़ी करी

प्रकाशितवाक्य 22:14

धन सैह़ हन, जेह्ड़े अपणे आप्पे जो पवित्र बणाई लैंदे हन, क्जोकि तिन्हां जो ज़िन्दगिया दे रूखे अल्ल ओणे दा हक्क मिलगा, कने सैह़ फाटकां च होई करी अंदर जांगे।

प्रकाशितवाक्य 22:19

जे कोई इसा भविष्यवाणी दिया कताबा दियां गल्लां ते कुच्छ कड्डगा, तां परमात्मा तिसा ज़िन्दगिया दे रूखे कने पवित्र सैहरे ते, जिसदा बखान इसा कताबा च ऐ, तिसदा हिस्सा कड्डी दिंगा।