प्रकाशितवाक्य 21:4 - काँगड़ी

⁴ सैह़ तिन्हां दे सारे दुखां जो दूर करी दिंगा; कने इसते बाद मौत्त नीं हुंगी, कने ना सोग मनाणा, ना रोणा, ना पीड़ा हुंगी; पैहल्लियां गल्लां बीती गियां।”

प्रकाशितवाक्य 21:4 Iomraidhean Croise

मत्ती 24:35

अम्बर कने धरती टल़ी सकदे हन, अपर मेरियां गल्लां कदी नीं टली सकदियां।

1 कुरिन्थियों 15:26

जिस बैरिये जो सबना ते आखरी च खत्म कित्ता जांगा, सैह़ मौत्त ऐ।

1 कुरिन्थियों 7:31

कने इस संसारे च अहां अल्ल जेह्ड़ा कुच्छ ऐ, अहां जो एह़ सोचणा कि सैह़ सब कुच्छ अहां तांई जादा जरूरी नीं ऐ, क्जोकि इस संसारे च सब कुच्छ नास होई जांगा।

2 कुरिन्थियों 5:17

इसतांई जे कोई मसीह पर बसुआस करदा ऐ, तां सैह़ मसीह च नौआं माणु ऐ। पराणियां गल्लां बीती गियां हन। दिक्खा, सारियां गल्लां नौईआं होई गियां हन।

2 कुरिन्थियों 6:17

इसतांई प्रभु पवित्रशास्त्रे च ग्लांदा ऐ, “तिन्हां लोकां ते लग्ग होई जा, जेह्ड़े परमात्मे जो नीं मनदे; कने बुरिआं चीज्जां ते दूर रेह्आ, तां मैं तुहां जो अपनांगा।

इब्रानियों 12:27

कने एह़ बोल, “इक्क बरी भिरी” इन्हां गल्ला दे बारे च दस्सदा ऐ कि बणाईयां सारियां चीज्जां हिली जांगियां कने हटाई जांदियां हन। जेह्ड़ी चीज्जां हिलाई नीं जांदियां, सैह़ सदा बणी रैह़न।

2 पतरस 3:10

अपर मसीह जरूर बापस ओंगा, कने तिसदा औणां चोरे साइआं हुंगा, तिस बग्त अम्बरे च जोरे दी गड़ाकेयां दी उआज़ हुंगी, कने अम्बर गायब होई जांगा। अम्बरे दियां सारियां चीज्जां नास होई जांगियां। तिस दिन परमात्मा न्याय करणे तांई तिन्हां सारे कम्मां जो प्रगट करगा, जेह्ड़े लोकां इसा धरतिया पर कित्यो हन।

1 यूहन्ना 2:17

संसार कने तिसदियां इच्छां दोयो नास हुंदियां जांदियां हन, अपर जेह्ड़ा परमात्मे दी इच्छा पर चलदा ऐ, सैह़ हमेसा तिस च बणी रैंह्गा।

प्रकाशितवाक्य 20:13

समुंदरे तिन्हां मरेयां जो देई दित्ता, कने मौत्त कने अधोलोकैं तिन्हां मरेयां जो जेह्ड़े तिन्हां च थे देई दित्ता; कने तिन्हां च हर इक्की दे कम्मां मताबक तिन्हां दा न्याय कित्ता।

प्रकाशितवाक्य 20:14

मौत्त कने अधोलोक भी अग्गी दिया झीला च पाई दित्ते गै। एह़ अग्गी दी झील तां दूई मौत्त ऐ;

प्रकाशितवाक्य 21:1

भिरी मैं नौये सुअर्गे जो कने नौईआ धरतिया जो दिख्या, क्जोकि पैहल्ला अम्बर, पैहल्ली धरती कने समुंदर भी गायब होई गियो थे।

प्रकाशितवाक्य 22:3

भिरी श्राप नीं हुंगा, कने परमात्मे कने मेम्ने दा सिंहासण तिस सैहरे च हुंगा कने तिसदे दास तिसदी अराधना करगे।

प्रकाशितवाक्य 7:17

क्जोकि मेम्ना जेह्ड़ा सिंहासणे दे बिच्च खड़ोत्या ऐ तिन्हां दी रखवाल़ी करगा, ठीक तिंआं ई जिंआं इक्क गुआल़ा अपणियां भेड्डां दी रखवाल़ी करदा ऐ; ‘कने सैह़ तिन्हां जो तिस पांणिये दे छरुड़ूये अल्ल लेई जांगा, जेह्ड़ा सदा दी ज़िन्दगी दिंदा ऐ’, ‘कने परमात्मा तिन्हां दे सारे दुखां जो दूर करी दिंगा।’”