प्रकाशितवाक्य 21:3 - काँगड़ी

³ भिरी मैं सिंहासणे च कुसी जो जोरे नैं एह़ ग्लांदे सुणेया, “दिक्ख, परमात्मे दा डेरा माणुआं दे बिच्च ऐ। सैह़ तिन्हां सौगी डेरा करगा, कने सैह़ तिसदे लोक हुंगे, कने परमात्मा अप्पु तिन्हां सौगी रैंह्गा कने तिन्हां दा परमात्मा हुंगा।

प्रकाशितवाक्य 21:3 Iomraidhean Croise

यूहन्ना 1:14

कने वचन माणु बणी करी आया; कने अनुग्रह कने सच्चाईया नैं पूरा भरोई नैं अहां दे बिच्च डेरा कित्ता। कने अहां तिसदी देहई महिमा दिक्खी, जिंआं पिता दे इकलौते पुत्तरे दी महिमा।

यूहन्ना 14:23

यीशुयैं तिसियो जवाब दित्ता, “जे कोई मिन्जो नैं प्यार रखगा, तां सैह़ मेरे वचनां जो मनगा, कने मेरा पिता तिस नैं प्यार रखगा, कने अहां तिस अल्ल ओंगे कने तिस सौगी रैंह्गे।

2 कुरिन्थियों 6:16

कने मूर्तियां तांई परमात्मे दे मंदरे च कोई जगाह नीं, क्जोकि अहां तां जिन्दे परमात्मे दे मंदर हन। जिंआं पवित्रशास्त्रे च परमात्मैं ग्लाया ऐ, “मैं तिन्हां लोकां सौगी रैंह्गा कने तिन्हां सौगी चलगा फिरगा; कने मैं तिन्हां दा परमात्मा हुंगा, कने सैह़ मेरे लोक हुंगे।”

2 कुरिन्थियों 6:18

कने मैं तुहां दा पिता हुंगा, कने तुहां मेरे बच्चे हुंगे। एह़ सर्वशक्तिमान प्रभु परमात्मे दा वचन ऐ।”

1 थिस्सलुनीकियों 3:11

अहां प्रार्थना करदे हन, कि अहां दा पिता परमात्मा कने अहां दा प्रभु यीशु, तुहां अल्ल ओणे च अहां दी मदत कने अगुआई करैं।

इब्रानियों 11:16

अपर सैह़ इक्क खरे मतलब सुअर्गे दे देसे दी आसा करदे थे। इसतांई परमात्मा तिन्हां दा परमात्मा ग्लाणे च खुस हुंदा था, क्जोकि तिन्हीं तिन्हां तांई इक्क सैहर त्यार कित्या ऐ।

इब्रानियों 8:10

भिरी प्रभु ग्लांदा ऐ, कि जेह्ड़ा नौआं वादा तिन्हां दिनां च जाह़लू मैं ओंगा ताह़लू इस्राएल देसे दे लोकां सौगी करगा, सैह़ एह़ ऐ, कि मैं अपणिया व्यबस्था जो तिन्हां दे मनां च पांगा, कने सैह़ तिन्हां दे दिलां च लिखगा, कने मैं तिन्हां दा परमात्मा हुंगा, कने सैह़ मेरे लोक हुंगे।

इब्रानियों 8:2

अहां दा महायाजक बड़ी पवित्र जगाह कने तिस सच्चे तम्बुये दा सेवक ऐ, जिसियो कुणी माणुये नीं, अपर परमात्मे बणाई रखेया ऐ।

प्रकाशितवाक्य 10:4

जाह़लू गड़ाकेयां दियां सत उआज़ां सुम्मियां, तां जेह्ड़ा मैं सुणेया, तिसियो लिखणे तांई त्यार था, अपर मैं सुअर्गे ते एह़ उआज़ सुणी, “जेह्ड़ियां गल्लां तैं गड़ाकेयां दियां तिन्हां सत्तां उआज़ां ते सुणियां हन, तिन्हां जो गुप्त रख, कने मत लिख।”

प्रकाशितवाक्य 10:8

जिस ग्लाणे आल़े दिया उआज़ा जो मैं सुअर्गे ते ग्लांदे सुणेया था, सैह़ भिरी मिन्जो सौगी गल्लां करणा लग्गा, “जा, जेह्ड़ा सुअर्गदूत समुंदरे कने धरतिया पर खड़ोत्या ऐ, तिसदे हत्थे ते खुलियो कताबा जो लेई लै।”

प्रकाशितवाक्य 12:10

भिरी मैं सुअर्गे च एह़ जोरे दी उआज़ सुणी, “हुण अहां दे परमात्मे दा उद्धार, सामर्थ, राज्ज कने तिसदे मसीह दा हक्क प्रगट होएया ऐ, क्जोकि अहां दे भाऊआं पर दोस लगाणे आल़ा, जेह्ड़ा रात दिन अहां दे परमात्मे सामणै तिन्हां पर दोस लगा करदा था, सट्टी दित्ता।

प्रकाशितवाक्य 21:7

जेह्ड़ा जीत्तगा, सैई इन्हां चीज्जां दा वारस हुंगा, कने मैं तिसदा परमात्मा हुंगा कने सैह़ मेरा पुत्तर हुंगा।

प्रकाशितवाक्य 22:3

भिरी श्राप नीं हुंगा, कने परमात्मे कने मेम्ने दा सिंहासण तिस सैहरे च हुंगा कने तिसदे दास तिसदी अराधना करगे।

प्रकाशितवाक्य 7:15

इसतांई “सैह़ परमात्मे दे सिंहासणे सामणै हाजर हन, कने सैह़ दिन-रात अपणे घरे च परमात्मे दी सेवा करदे हन, कने जेह्ड़ा सिंहासणे पर बैठेया ऐ, सैह़ तिन्हां बिच्च रैंह्गा कने तिन्हां दी देखभाल करगा।