प्रकाशितवाक्य 21:2 - काँगड़ी

² भिरी मैं पवित्र नौये सैहर यरूशलेमे जो सुअर्गे ते परमात्मे दे बक्खे ते लौंदे दिख्या। सैह़ तिसा दुल्हना साइआं था, जेह्ड़ी अपणे दुल्हे तांई सज्जदी था।

प्रकाशितवाक्य 21:2 Iomraidhean Croise

यूहन्ना 3:29

जिसदी लाड़ी ऐ, सैई लाड़ा ऐ, अपर लाड़े दा साथी जेह्ड़ा सौगी खड़ोई करी तिसदी सुणदा ऐ, लाड़े दिया उआज़ा सुणी करी बड़ा खुस हुंदा ऐ, कने हुण मेरी एह़ खुसी पूरी होई ऐ।

2 कुरिन्थियों 11:2

क्जोकि मैं तुहां दा ध्यान कने प्यार परमात्मे साइआं करदा ऐ। इसतांई कि तुहां तिसा पवित्र कुआरिया साइआं हन, जिसादी मंगणी मैं सिर्फ यीशु मसीयैं कित्तियो ऐ, तांजे तिसियो तिसदे हुआले करी दैं।

इब्रानियों 11:10

क्जोकि अब्राहम तित्थु सुअर्गे दे सैहरे च रैहणे दा इन्तजार करा दा था, जिसदा नक्सा कने तिसियो बणाणे आल़ा परमात्मा ऐ, जेह्ड़ा सदा तांई बणी रैंह्दा ऐ।

इब्रानियों 11:16

अपर सैह़ इक्क खरे मतलब सुअर्गे दे देसे दी आसा करदे थे। इसतांई परमात्मा तिन्हां दा परमात्मा ग्लाणे च खुस हुंदा था, क्जोकि तिन्हीं तिन्हां तांई इक्क सैहर त्यार कित्या ऐ।

इब्रानियों 12:22

तुहां लोक सिय्योने दे प्हाड़े दे बक्खे पुज्जे हन, जेह्ड़ा जिन्दे परमात्मे दा सैहर ऐ। एह़ सैह़ सुअर्गीय यरूशलेम ऐ, जित्थु लखां सुअर्गदूत खुसिया दा त्योहार मनांदे हन।

इब्रानियों 13:14

क्जोकि इस संसारे च अहां दा हमेसा रैहणे आल़ा कोई घर नीं ऐ, अपर अहां तिस सुअर्गीय घरे दिया तोपा च हन, जेह्ड़ा सदा तांई ऐ।

प्रकाशितवाक्य 1:1

एह़ कताब तिन्हां गल्लां दे बारे च दस्सदी ऐ, जेह्ड़ियां परमात्मैं यीशु मसीह जो दस्सियां, तांजे सैह़ इन्हां गल्लां जो अपणेयां दासां जो दस्सी सकैं, जिन्हां दा बड़ी तौल़ी होणा जरूरी ऐ: कने यीशुयैं एह़ संदेस अपणे सुअर्गदूते जो घल्ली करी तिसदे जरिये अपणे दास यूहन्ने जो दस्सेया,

प्रकाशितवाक्य 1:4

एह़ चिठ्ठी यूहन्ने दे पास्से ते तिन्हां सत्तां कलीसियां दे नांऐ पर ऐ जेह्ड़ियां आसिया प्रदेसे च हन। मैं प्रार्थना करदा ऐ, कि तुहां जो परमात्मे दे पास्से ते अनुग्रह कने सांति मिल्लैं, कने सैह़ परमात्मा जेह्ड़ा ऐ कने जेह्ड़ा हमेसा था कने जेह्ड़ा ओणे आल़ा ऐ; कने तिन्हां सत आत्मां दे पास्से ते, जेह्ड़ियां परमात्मे दे सिंहासणे दे सामणै हन,

प्रकाशितवाक्य 1:9

मैं यूहन्ना, जेह्ड़ा तुहां दा बसुआसी भाऊ कने यीशुये दे दुख, राज्ज, कने सबरे च तुहां दा साझी ऐ, परमात्मे दे वचन, कने यीशुये दिया गवाही दिया बज़ाह ते मैं पतमुस नांऐ दे टापू च था।

प्रकाशितवाक्य 11:2

अपर मंदरे दे बाहरे आल़े अँगणे जो छड्डी दे; तिसियो मत नाप क्जोकि सैह़ तिन्हां जो दित्या ऐ, जेह्ड़े मिन्जो पर बसुआस नीं करदे; कने सैह़ पवित्र सैहर यरूशलेमे जो बत्ताल़ी मीहने तिकर नास करगे।

प्रकाशितवाक्य 21:10

ताह़लू सैह़ मिन्जो पवित्र आत्मा च इक्क बड्डे कने ऊचे प्हाड़े पर लेईआ, कने पवित्र सैहर यरूशलेमे जो सुअर्गे ते परमात्मे दे बक्खे ते लौंदे दिख्या।

प्रकाशितवाक्य 21:9

भिरी जिन्हां सत्तां सुअर्गदूतां अल्ल सत आखरी खतरेयां नैं भरोयो सत कटोरे थे, तिन्हां ते इक्क मिन्जो अल्ल आया, कने मिन्जो सौगी गल्लां करी नैं ग्लाणा लग्गा, “ऐत्थु आ, मैं तिज्जो दुलहन मतलब मेम्ने दी लाड़ी दस्सगा।”

प्रकाशितवाक्य 22:17

परमात्मे दी आत्मा कने मेम्ने दी दुलहन दोयो ग्लादियां हन, “आ।” कने सुणने आल़ा भी ग्लां, “आ।” जेह्ड़ा प्यासा होयैं सैह़ औयें, कने जेह्ड़ा कोई चां सैह़ ज़िन्दगिया दा पाणी मुफ्ते च लैं।

प्रकाशितवाक्य 22:19

जे कोई इसा भविष्यवाणी दिया कताबा दियां गल्लां ते कुच्छ कड्डगा, तां परमात्मा तिसा ज़िन्दगिया दे रूखे कने पवित्र सैहरे ते, जिसदा बखान इसा कताबा च ऐ, तिसदा हिस्सा कड्डी दिंगा।

प्रकाशितवाक्य 3:12

जेह्ड़ा बुरिआं ताकतां जो हराई दिंदा ऐ, तिसियो मैं अपणे परमात्मे दे मंदरे च इक्क खम्भे साइआं बणांगा, कने सैह़ कदी भी इसियो नीं छड्डगे; कने मैं अपणे परमात्मे दा नां कने अपणे परमात्मे दे सैहरे दा मतलब नौये यरूशलेम दा नां, जेह्ड़ा मेरे परमात्मे ते पास्से सुअर्गे ते लौणे आल़ा ऐ, कने अपणा नौआं नां तिस पर लिखगा।