प्रकाशितवाक्य 20:3 - काँगड़ी

³ कने तिसियो अथाह कुंडे च पाई करी बंद करी दित्ता कने तिस पर मोहर लगाई दित्ती कि सैह़ हज़ार साल पूरे होणे तिकर जाति-जाति दे लोकां जो भिरी नीं भटकां। इसते बाद जरूरी ऐ कि सैह़ थोड़ियां देरा तांई भिरी खोलेया जां।

प्रकाशितवाक्य 20:3 Iomraidhean Croise

मत्ती 24:24

“क्जोकि झूठे मसीह कने झूठे भविष्यवक्ता उठी खड़ोणा, कने बड्डे चमत्कार, कने अनोखे कम्म दस्सगे, कि जे होई सकैं परमात्मे दे चुणेयां लोकां जो भी भटकाई दैन।

मत्ती 27:66

सैह़ पैहरेदारां जो अप्पु सौगी लेई नैं गै, कने पत्थरे पर मोहर लगाई नैं कब्रा दी रखवाल़ी कित्ती।

मरकुस 4:15

जेह्ड़े बीई रस्ते पर पैयो हन, एह़ तिन्हां माणुआं साइआं हन कि जाह़लू तिन्हां परमात्मे दा वचन सुणेया, तां सैतान तिन्हां पंछियां साइआं झट आई नैं बाएयो वचने जो चुराई नैं लेई जांदा ऐ।

लूका 8:31

तिन्हां दुष्टआत्मां तिस नैं विणती कित्ती कि अहां जो अथाह कुंडे च जाणा मत देआ।

2 कुरिन्थियों 11:3

अपर मैं डरदा ऐ, कि जिंआं सैताने सर्पे दे रूपे च अपणिया चलाकिया नैं पैहल्ली जणासा हव्वा जो भकाया, तिंआं ई सैह़ तुहां दे मनां दी सच्चाई कने पवित्रता जेह्ड़ी मसीह तांई ऐ, कुत्थी भरष्ठ नीं करी दैं।

2 पतरस 3:8

हे मेरे प्यारे साथी बसुआसियो, इसा गल्ला जो मत भुल्ला कि परमात्मे दा इक्क दिन इक्क हज़ार साल्लां दे बराबर ऐ कने हज़ार साल इक्क दिन दे बराबर हन।

प्रकाशितवाक्य 12:9

ताह़लू सैह़ बड्डा अजगर, कने सैई पराणा सर्प जेह्ड़ा इबलीस कने सैतान ऐ कने सारे संसारे जो भरमाणे आल़ा ऐ, धरतिया पर सट्टी दित्ता, कने तिसदे दूत तिस सौगी सट्टी दित्ते,

प्रकाशितवाक्य 13:14

तिन्हां अनोखे कम्मां दिया बज़ाह ते, जिन्हां जो तिस पैहल्ले जंगली जानवरे सामणै दस्सणे दा हक्क तिसियो दित्या था, सैह़ संसारे दे लोकां जो इआं भरमांदा था कने तिन्हां जो ग्लांदा था कि जिस जंगली जानवरे पर तलवारा नैं हमला कित्या था, सैह़ जिन्दा होईया, तिसदी मूर्ति बणा।

प्रकाशितवाक्य 17:2

जिसा सौगी धरतिया दे राजेयां ब्यभिचार कित्या; कने संसारे दे लोक तिसादे ब्यभिचारे दिया मदिरा नैं मतवाल़े होई गियो थे।”

प्रकाशितवाक्य 17:8

जेह्ड़ा जंगली जानवर तैं दिख्या ऐ, सैह़ पैहल्लैं तां था पर हुण नीं ऐ, कने अथाह कुंडे ते निकल़ी करी विनाशे च पोंगा; कने संसारे दे लोक जिन्हां दे नां सृष्टिया दे सुरू होणे दे बग्ते ते तिसा ज़िन्दगिया दिया कताबा च लिखे नीं गै, इस जंगली जानवरे दी एह़ हालत दिक्खी करी कि पैहल्ले था कने हुण नीं ऐ कने भिरी आई जांगा, हरान हुंगे।

प्रकाशितवाक्य 20:1

भिरी मैं इक्की सुअर्गदूते जो सुअर्गे ते लौंदे दिख्या, जिसदे हत्थे च अथाह कुंडे दी चाबी कने इक्क बड्डा संगल़ था।