प्रकाशितवाक्य 2:9 - काँगड़ी

⁹ मैं तेरे दुखे कने गरीबिया जो जाणदा ऐ अपर सच्चाई एह़ कि तू अमीर ऐ; कने जेह्ड़े लोक अपणे आप्पे जो यहूदी ग्लांदे हन, अपर सच्चाई ऐ कि सैह़ हन नीं, एह़ लोक दावा करदे हन कि सैह़ परमात्मे पचांह़ चलणे आल़े हन, अपर सच्चाई एह़ ऐ कि सैह़ सैताने पचांह़ चलदे हन, मैं तिन्हां दी इस निंदा जो भी जाणदा ऐ।

प्रकाशितवाक्य 2:9 Iomraidhean Croise

मत्ती 4:10

ताह़लू यीशुयैं तिस नैं ग्लाया, “हे सैतान दूर होई जा, क्जोकि पवित्रशास्त्रे च लिख्या ऐ, ‘तू प्रभु अपणे परमात्मे जो झुकी नैं प्रणांम कर, कने सिर्फ तिसदी भक्ति कर।’ ”

लूका 12:21

ऐई हालत तिन्हां माणुआं दी हुंदी ऐ, जेह्ड़े अपणे तांई धन दौलत किठ्ठा करदे हन, अपर सैह़ परमात्मे दिया नजरा च अमीर नीं।”

लूका 22:65

कने तिन्हां मतिआं होर भी निंदा दियां गल्लां तिसदे खलाफ ग्लाईयां।

लूका 4:18

“प्रभु दा पवित्र आत्मा मिन्जो पर ऐ, तिन्हीं मिन्जो पर अभिषेक कित्ता कि मैं गरीबां जो सुसमाचार सणाणा, कने तिन्हीं मिन्जो इसतांई घल्लेया कि कैदियां जो छुटकारे दा कने अन्नेयां जो तिन्हां दी अखीं खोलणे दा सुसमाचार प्रचार करैं कने लोकां दे सतायां जो छड्डां।

लूका 6:20

ताह़लू यीशुयैं अपणे चेलेयां जो दिक्खी करी ग्लाया, “धन हन तुहां, जेह्ड़े दीन मने दे हन, क्जोकि परमात्मे दा राज तुहां दा ऐ।

यूहन्ना 16:33

मैं एह़ गल्लां तुहां नैं इसतांई ग्लाईयां हन, कि तुहां जो मिन्जो च सांति मिल्ले। अपर हौंसला रखा, क्जोकि मैं इस संसारे दे लोकां पर राज्ज करणे आल़े सैताने जो हराई दित्या ऐ।”

प्रेरितां दे कम्म 14:22

कने हर इक्की सैहरे च चेलेयां दे मना जो मजबूत करदे रैह् कने एह़ सिक्षा दिंदे थे कि बसुआसे च बणी रेह्आ; कने एह़ ग्लांदे थे, “अहां जो मते दुख झेली करी परमात्मे दे राज्जे च प्रवेश करणा पोणा।”

प्रेरितां दे कम्म 26:11

हर आराधनालय च मैं तिन्हां जो ताड़णा देई-देई करी यीशुये दी निंदा करवांदा था, ऐत्थु तिकर कि गुस्से दिया बज़ाह ते इतणा पागल होई गेआ कि दूयेयां सैहरां च जाई करी भी तिन्हां जो सतांदा था।

रोमियो 12:12

जेह्ड़ी आसा अहां अल्ल ऐ तिसा आसा दिया बज़ाह ते खुस रेह्आ; मुसीबता च सबर रखा; कने हर बग्त प्रार्थना करदे रेह्आ।

रोमियो 2:17

अपणे बारे च सोच जेह्ड़ा तू हुण अप्पु जो यहूदी ग्लांदा ऐ, कने व्यबस्था पर भरोसा रखदा ऐ, कने एह़ घमंड करदा ऐ कि तू परमात्मे दा खास माणु ऐ।

रोमियो 5:3

सिर्फ ऐई नीं, अपर अहां मुसीबतां च भी खुसी मनांदे हन, एह़ जाणी नैं कि मुसीबता ते सबर,

रोमियो 8:35

कुण अहां जो मसीह दे प्यारे ते लग्ग करगा? क्या मुसीबत, या खतरे, या दंगा, या अकाल, या कंगाली, या जोखिम, या तलवार ते मौत्त?

रोमियो 9:6

अपर एह़ नीं कि परमात्मा अपणे वादे पूरे करणे च नाकामयाब होई गेआ ऐ, इसतांई कि इस्राएले दे सारे वंश परमात्मे दे सच्चे लोक नीं हन;

2 कुरिन्थियों 6:10

अहां दा तां दुखां दा बग्त था, अपर हमेसा खुस रैंह्दे हन। अहां अप्पु तां कंगाल हन, अपर मतेआं जो आत्मिक रूप ते अमीर बणाई दिंदे हन। अहां ऐदेय हन जिंआं अहां अल्ल कुच्छ नीं भिरी सब कुच्छ रखदे हन।

2 कुरिन्थियों 8:2

जाह़लू बड़ियां मुसीबतां दे जरिये तिन्हां दी परीक्षा होई, तां तिन्हां बड़ी खुसी मनाई, कने बेसक सैह़ बड़े भारी गरीब थे, तमी तिन्हां दूयेयां बसुआसियां दी खुले दिले नैं मदत कित्ती।

2 कुरिन्थियों 8:9

तुहां अहां दे प्रभु यीशु मसीह दा अनुग्रह जाणदे हन, कि सैह़ अमीर होई नैं भी तुहां तांई कंगाल बणी गेआ, तांजे तिसदे कंगाल होई जाणे ते तुहां अमीर होई जान।

1 थिस्सलुनीकियों 3:4

क्जोकि पैहल्ले ई, जाह़लू अहां तुहां अल्ल थे तां तुहां ग्लांदे थे, कि अहां सबना जो मुसीबतां झेलणा ई पोणियां, कने इआं ई होएया ऐ, जिंआं कि तुहां जाणदे भी हन।

1 तीमुथियुस 1:13

मसीह च बसुआस करणे ते पैहल्लैं मैं मसीह दी निंदा करदा था, कने बसुआसी लोकां पर जुल्म करी नैं बड़ी बेरैहमिया नैं तिन्हां दा नकसान करदा था। अपर भिरी भी परमात्मे मिन्जो पर दया कित्ती, क्जोकि मिन्जो नीं पता था कि मैं क्या करा दा ऐ, कने तिस बग्ते तिकर मैं यीशु मसीह पर बसुआस नीं करदा था।

1 तीमुथियुस 6:18

तिन्हां जो खरे कम्म करणे तांई हुक्म दे, तांजे खरे कम्मां च अमीर बणन, कने दान दैणे कने दूयेयां दी मदत करणे जो हमेसा त्यार रैह़न,

प्रकाशितवाक्य 1:9

मैं यूहन्ना, जेह्ड़ा तुहां दा बसुआसी भाऊ कने यीशुये दे दुख, राज्ज, कने सबरे च तुहां दा साझी ऐ, परमात्मे दे वचन, कने यीशुये दिया गवाही दिया बज़ाह ते मैं पतमुस नांऐ दे टापू च था।

प्रकाशितवाक्य 2:13

मैं एह़ तां जाणदा ऐ कि तू तित्थु रैंह्दा ऐ जित्थु सैताने दा सिंहासण ऐ; तू लगातार मेरे बसुआसे च मजबूत रैंह्दा ऐ, कने मिन्जो पर बसुआस करणे ते तिन्हां दिनां च भी पचांह़ नीं हटेया जिन्हां दिनां च मेरा बसुआसे जोग्गा गवाह अन्तिपास, तुहां दे सामणै तिसा जगाह पर मारे गेआ जित्थु सैतान रैंह्दा ऐ।

प्रकाशितवाक्य 2:2

मैं तेरे कम्म कने तेरी मेहनत, कने तेरे सबरे जो जाणदा ऐ; कने एह़ भी कि तू बुरे लोकां जो दिक्खी नीं सकदा, कने जेह्ड़े अपणे आप्पे जो प्रेरित ग्लांदे हन, कने हन नीं, तिन्हां जो तैं परखेया कि सैह़ झूठ ग्लांदे हन।

प्रकाशितवाक्य 2:24

अपर तुहां थुआतीरा सैहरे दे बाक्कि लोकां ते, जितणे इसा सिक्षा जो नीं मनदे, कने तिन्हां गल्लां जो सैताने दियां गैहरियां गल्लां ग्लांदे हन, नीं जाणदे, मैं एह़ ग्लांदा ऐ कि मैं तुहां पर होर बोझ नीं बणगा।

प्रकाशितवाक्य 3:9

इसतांई सैह़ लोक जेह्ड़े सैताने दिया सभा दे हन, सैह़ एह़ दावा करदे हन कि सैह़ परमात्मे दे चुणेयो लोक हन, अपर सच्चाई ऐ कि सैह़ झूठ ग्लांदे हन, इसतांई मैं इआं करगा कि सैह़ आई करी तिज्जो प्रणांम करगे, कने एह़ जाणी लैंगे कि मैं तिज्जो नैं प्यार कित्ता ऐ।

प्रकाशितवाक्य 7:14

मैं तिस नैं ग्लाणा लग्गा, “हे मालक, मिन्जो नीं पता अपर तू ई जाणदा ऐ।” तिन्हीं मिन्जो नैं ग्लाया, एह़ सैह़ लोक हन, जिन्हां दी मौत्त बड़े दुख झेलणे दिया बज़ाह ते होईयो थी कने जिन्हां मेम्ने दे बलिदाने दे जरिये परमात्मे दिया नजरा च अपणे आप्पे जो पवित्र करी लेआ ऐ।