प्रकाशितवाक्य 2:5 - काँगड़ी

⁵ इसतांई याद कर कि तू कुत्थू ते थल्लैं पेआ ऐ, कने मने जो बदल कने पैहल्ले साइआं कम्म कर। जे तू मने नीं बदलगा तां मैं तिज्जो अल्ल आई करी तेरे दीपदान जो तिसदिया जगाह ते हटाई दिंगा।

प्रकाशितवाक्य 2:5 Iomraidhean Croise

मत्ती 5:14

तुहां संसारे दे लोकां तांई जोतिया साइआं हन। जेह्ड़ा सैहर प्हाड़े पर बसेया ऐ सैह़ कदी छुपी नीं सकदा।

मत्ती 5:15

कने माणु दीय्ये बाल़ी नैं टोकरुये थल्लैं नीं अपर वरैक्टा पर रखदे हन, कने तिस नैं घरे दे सारे लोकां जो लौ पुज्जदी ऐ।

मरकुस 12:9

तिन्हां यहूदी लोकां ते यीशुयैं पुछया, “हुण अंगूरा दे बागे दा मालक क्या करगा? सैह़ आई नैं तिन्हां किसानां जो मारी दिंगा, या अंगूरा दे बागे जो होरनी किसानां जो देई दिंगा।

लूका 1:17

कने परमात्मे दे भविष्यवक्ता एलिय्याह साइआं आत्मा कने सामर्थी च भरोई नैं तिसदे गांह-गांह चलगा कि माँ-बुढ़ेआं दा मन अपणे बाल बच्चेयां दे पास्से फेरी दे; कने हुक्म नीं मन्नणे आल़ेआं जो धर्मियां साइआं समझ दैं; तांजे प्रभु तांई इक्क खरी मानस जात त्यार होई सकैं।”

लूका 20:16

सैह़ आई नैं तिन्हां किसानां जो खत्म करगा, कने अंगूरा दे बागे जो दूयेयां जो दिंगा।” एह़ सुणी करी तिन्हां ग्लाया, “परमात्मा करैं ऐदेया ना होयैं।”

गलातियों 5:4

तुहां जेह्ड़े व्यबस्था जो मन्नी करी धर्मी बणना चांह़दे हन, तां तुहां अपणे आप्पे जो मसीह ते लग्ग करदे हन, कने परमात्मे दे अनुग्रह जो अपनाणे ते इन्कार करदे हन।

फिलिप्पियों 2:15

तांजे तुहां बेकसूर कने भोल़े होई नैं टेढे कने बेइमान लोकां दे बिच्च परमात्मे दी बेदाग औलाद बणी रेह्आ, कने जिन्हां बिच्च तुहां ज़िन्दगिया दा वचन लेई करी संसारे च अम्बरे दे तारेयां साइआं चमकदे दुस्सा दे हन।

इब्रानियों 10:32

तुहां तिन्हां पचांह़ आल़ेआं दिनां जो याद करा, जाह़लू तुहां मसीह दे वचने दी जोत्ती पाई, तां तुहां दुखे दिया बड़िया मुसीबता जो झेलणे च मजबूत रैह्।

2 पतरस 3:17

इसतांई हे मेरे प्यारे साथी बसुआसियो, तुहां लोक पैहल्ले ते ई जाणदे हन कि एह़ सारियां गल्लां हुंगियां, इसतांई चौकन्ने रेह्आ, तांजे सैह़ लोक जेह्ड़े व्यबस्था जो नीं मनदे झूठ ग्लाई नैं तुहां जो रस्ते ते नीं भटकाई दैंन, कुत्थी इआं ना होयैं कि तुहां तिन्हां पचांह़ चलदे-चलदे तिसा सच्चाईया पर बसुआस करणा छड्डी दैंन।

यहूदा 1:24

कने हुण परमात्मा तिस धोखे ते बचाई सकदा ऐ, जेह्ड़ा तुहां जो पापी ज़िन्दगिया ते मिलदा ऐ। सैह़ तुहां जो जेह्ड़ा महिमा नैं भरोया ऐ खुसिया नैं कने बेकसूर करी नैं अप्पु सामणै खरेड़ी सकदा ऐ,

प्रकाशितवाक्य 1:20

जेह्ड़े सत तारे तैं मेरे सज्जे हत्थे च दिक्खे, सैह़ तारे सत्तां कलीसियां दे सुअर्गदूत हन, कने सैह़ सत सोन्ने दे दीपदान सत कलीसियां हन।”

प्रकाशितवाक्य 16:9

लोक बड़ी तेज गर्मिया नैं झुल़सी गै, कने परमात्मे दे नांऐ दी जिसियो इन्हां खतरेयां पर हक्क ऐ, निंदा कित्ती पर परमात्मे दी महिमा करणे तांई मन नीं बदलेया।

प्रकाशितवाक्य 2:16

इसतांई अपणे मने जो बदल, नीं तां मैं तिज्जो अल्ल तौल़ी ई आई नैं अपणे मुँऐ दी तलवारा नैं तिन्हां सौगी लड़गा।

प्रकाशितवाक्य 2:19

मैं तेरे कम्मां, प्यार, बसुआस, सेवा कने सबरे जो जाणदा ऐ, कने एह़ भी कि तेरे पिछले कम्म पैहल्लेयां कम्मां ते बधी करी हन।

प्रकाशितवाक्य 2:2

मैं तेरे कम्म कने तेरी मेहनत, कने तेरे सबरे जो जाणदा ऐ; कने एह़ भी कि तू बुरे लोकां जो दिक्खी नीं सकदा, कने जेह्ड़े अपणे आप्पे जो प्रेरित ग्लांदे हन, कने हन नीं, तिन्हां जो तैं परखेया कि सैह़ झूठ ग्लांदे हन।

प्रकाशितवाक्य 3:19

मैं जिन्हां-जिन्हां नैं प्यार करदा ऐ, तिन्हां जो मैं सिक्षा कने सज़ा भी दिंदा ऐ; तांजे सैह़ खरे बणी जान, इसतांई हमेसा खरा करदे रेह्आ, कने पाप करणे ते अप्पु जो रोका।