प्रकाशितवाक्य 2:3 - काँगड़ी

³ तैं बड़ा सबर रखी नैं दुख झेले, क्जोकि तैं मिन्जो पर बसुआस कित्ता, कने अह्ल्ली भी तेरा बसुआस मिन्जो पर बड़ा मजबूत ऐ।

प्रकाशितवाक्य 2:3 Iomraidhean Croise

मरकुस 15:21

जाह़लू सैह़ यीशुये जो सूल़िया पर टूंगणे तांई सैहरे ते बाहर लेई करी जा दे थे, तां तिसी बग्त सिकन्दर कने रूफुसे दा बुढ़ा शमौन नांऐ दा इक्क कुरेनी माणु, जेह्ड़ा दूये ग्रांऐ ते ओआ दा था। सपाईयां तिसियो जबरदस्ती पकड़ी नैं ग्लाया, यीशु दी सूल़िया चुक्की नैं लेई चल।

लूका 14:27

जे कोई भी मेरा चेला बणना चांह़दा ऐ, तां सैह़ अपणे दुखां दिया सूल़िया चुक्की नैं मिन्जो पचांह़ चली औयें।

लूका 18:1

भिरी यीशुयैं अपणे चेलेयां नैं ग्लाया, कि लगातार प्रार्थना करणी कने हिम्मत नीं हारनी चाइदी, तिसते बाद तिन्हां नैं एह़ उदारण ग्लाया:

लूका 21:19

अपणे सबरे नैं तुहां अपणे प्राणा जो बचाई रखगे।

लूका 5:5

ताह़लू शमौने तिसियो जवाब दित्ता, “हे मालक, अहां तां पूरी रात मेहनत करदे रैह् अपर कख भी पले नीं पेआ; अपर चलो जे तुहां ग्लांदे हन तां अहां भिरी ते जाल़ सट्टदे हन।”

लूका 8:15

अपर जेह्ड़े बीई खरिया जमीना दे सैह़ माणु हन, जेह्ड़े वचनां जो सुणी करी भले कने खरे मने च सम्भाल़ी करी पक्के बसुआसी बणदे हन।

यूहन्ना 15:21

अपर सैह़ तुहां जो मेरे नांऐ दिया बज़ाह ते सतांगे, क्जोकि सैह़ मेरे घल्लणे आल़े परमात्मे जो नीं जाणदे।

रोमियो 12:12

जेह्ड़ी आसा अहां अल्ल ऐ तिसा आसा दिया बज़ाह ते खुस रेह्आ; मुसीबता च सबर रखा; कने हर बग्त प्रार्थना करदे रेह्आ।

रोमियो 16:12

त्रूफेना कने त्रूफोसा बैह्णी जो जेह्ड़ियां प्रभु च मेहनत करदियां हन, मेरा नमस्कार। प्यारी पिरसिस बैह्णी जो, जिन्नै प्रभु च बड़ी मेहनत कित्तियो, तिसा जो मेरा नमस्कार।

रोमियो 2:7

जेह्ड़े लोक खरे कम्मां च मजबूत रेई नैं महिमा, कने आदर, कने सदा दी ज़िन्दगिया दिया तोपा च हन, तिन्हां जो परमात्मा सदा दी ज़िन्दगी दिंगा;

रोमियो 8:25

अपर जिसा चीज्जा जो अहां नीं दिक्खदे, जे तिसा दी उम्मीद रखदे हन, तां सबर करी नैं तिसादा इन्तजार भी करदे हन।

1 कुरिन्थियों 13:7

सैह़ सारियां गल्लां झेली लैंदा ऐ, सारियां गल्लां दा बसुआस करदा ऐ, सारियां गल्लां दी आस रखदा ऐ, सारियां गल्लां च सबर रखदा ऐ।

1 कुरिन्थियों 16:16

इसतांई मैं तुहां नैं विणती करदा ऐ कि ऐदेयां दे अधीन रेह्आ, अपर हर इक्की दे जेह्ड़े इस कम्मे च कड़ी मेहनत करदे हन।

2 कुरिन्थियों 10:15

कने अहां अपणिया हदी ते बाहर दूयेयां दी मेहनता पर घमंड नीं करदे; अपर अहां जो उम्मीद ऐ, कि जिंआं-जिंआं तुहां दा बसुआस बधदा जांगा, तिंआं-तिंआं अहां अपणिया हदा मताबक तुहां दिया बज़ाह ते होर भी बधदे जांगे,

2 कुरिन्थियों 11:23

क्या सैई मसीह दे सेवक हन? मैं पागल माणुये साइआं ग्लांदा ऐ, अपर मैं तिन्हां ते बधी नैं सेवक ऐ। मैं तिन्हां ते जादा मेहनत कित्तियो ऐ, तिन्हां ते जादा मैं जेला च गेआ, बड़ी बरी मारेया ऐ, हमेसा ई मेरे प्राण मुसीबता च पै हन।

2 कुरिन्थियों 4:1

इसतांई जाह़लू अहां पर देहई दया होई, कि अहां जो परमात्मे दा वचन सणाणे दी सेवा मिल्ली, तां अहां हिम्मत नीं छड्डदे।

2 कुरिन्थियों 4:16

इसतांई अहां हौंसला रखदे हन; जे अहां दा बाहरे दा इन्सानी रूप नास हुंदा जांदा ऐ, तमी अहां दी अन्तर आत्मा हर रोज नौई हुंदी जांदी ऐ।

2 कुरिन्थियों 5:9

इसा बज़ाह ते अहां दे मने दी आस एह़ ऐ कि चाहे अहां तिस सौगी सुअर्गे च रैह़न चाहे ऐत्थु धरतिया च रैह़न, अपर अहां प्रभु जो खुस करदे रैह़न।

2 कुरिन्थियों 6:5

कोड़े खाई नैं, जेला च जाई नैं, दंगा फसादे नैं, मेहनत करी नैं, जागदे रेई नैं, ब्रत करी नैं,

गलातियों 6:2

जाह़लू अहां च कोई मुसीबता च होयैं, तां इक्की दूये दी मदत करा। इआं करी नैं ई मसीह दी व्यबस्था जो मनदे हन।

गलातियों 6:9

अहां दूयेयां दी मदत करणे च हिम्मत नीं छड्डन, जे इआं करन, तां परमात्मा ठीक बग्ते पर तुहां जो प्रतिफल़ दिंगा।

फिलिप्पियों 2:16

तांजे मसीह दे बापस ओणे दे दिन मिन्जो घमंड करणे दी बज़ाह होयैं, कने ना मेरी नठ्ठ-भज्ज कने ना मेरी कड़ी मेहनत करणा बेकार होई।

फिलिप्पियों 4:3

हे सच्चे साथी, मैं तिज्जो नैं भी विणती करदा ऐ, कि तू तिन्हां जणासां दी इक्क मन रैहणे च मदत कर, क्जोकि तिन्हां मिन्जो सौगी सुसमाचार फैलाणे च, क्लेमेंस कने मेरे होर साथियां सौगी मेहनत कित्ती, तिन्हां सबना दे नां ज़िन्दगिया दिया कताबां च लिख्यो हन।

कुलुस्सियों 1:11

तां मैं प्रार्थना करदा ऐ, कि परमात्मा अपणी महिमा दी सामर्थी दा इस्तेमाल करी नैं तुहां जो मजबूत करैं। इसतांई तुहां बड़े हौंसले कने खुसिया सौगी अपणियां मुसीबतां जो झेली सकन।

1 थिस्सलुनीकियों 1:3

अहां हमेसा ई पिता परमात्मे दे सामणै तुहां दे बसुआसे दे कम्म, कने प्यारे दी मेहनत, कने अहां दे प्रभु यीशु मसीह च तुहां दी आसा दा सबर याद करदे हन।

1 थिस्सलुनीकियों 2:9

क्जोकि, हे प्यारे साथी बसुआसियो, तुहां अहां दी मेहनत कने दुखां जो याद रखदे हन। कि अहां इसतांई रात दिन कम्म धंधा करदे होये तुहां च परमात्मे दा सुसमाचार प्रचार कित्ता कि तुहां च कुसी पर भी बोझ नीं बणन।

1 थिस्सलुनीकियों 5:12

हे प्यारे साथी बसुआसियो, अहां तुहां नैं विणती करदे हन, कि जेह्ड़े तुहां च मेहनत करदे हन, कने प्रभु च जेह्ड़े तुहां दे अगुऐ हन, कने सिक्षा दिंदे हन, तिन्हां दी मन्ना कने आदर करा।

2 थिस्सलुनीकियों 3:13

हे मेरे प्यारे साथी बसुआसियो, तुहां जो कदी भी भलाई करणे च हिम्मत नीं छड्डणी चाइदी।

2 थिस्सलुनीकियों 3:5

अहां प्रार्थना करदे हन, कि प्रभु यीशु मसीह तुहां जो एह़ दस्सें, कि परमात्मा तुहां नैं कितणा प्यार करदा ऐ, कने मुसीबतां च किंआं मजबूत रैहणा ऐ, जिंआं यीशु मसीह था।

2 थिस्सलुनीकियों 3:8

कने कुसी दी रोटी मुफ्त नीं खादी, अपर रात दिन मेहनत कने कष्टे नैं कम्म-धंधा करदे थे, तांजे तुहां च कुसी पर भी बोझ नीं बणन।

1 तीमुथियुस 4:10

अहां मेहनत कने कोसस इसतांई करदे हन कि अहां दी आस तिस जिन्दे परमात्मे पर ऐ, जेह्ड़ा सारे लोकां दा कने खास करी नैं बसुआसियां दा उद्धार करणे आल़ा ऐ।

1 तीमुथियुस 5:17

जेह्ड़े स्याणे कलीसिया दे कम्मां जो ठीक ढंगे नैं करदे हन, खास करी नैं सैह़ जेह्ड़े वचन सणाणे कने सखाणे च मेहनत करदे हन, सैह़ दो गुणा आदर करणे जोग्गे समझे जान।

इब्रानियों 10:36

ऐदेय बग्ते च तुहां जो सबर रखणा जरूरी ऐ, तांजे परमात्मे दी इच्छा जो पूरी करी नैं जेह्ड़ा तुहां तांई वादा कित्या ऐ, सैह़ मिल्लैं।

इब्रानियों 12:1

अहां दे चौंन्नी पास्से मते सारे लोकां दियां ज़िन्दगिया दे ऐदेय उदारण हन, जेह्ड़े अहां जो दस्सदे हन कि बसुआस क्या ऐ। इसतांई ओआ, हर इक्क रोकणे आल़ी चीज्ज कने उलझाणे आल़े पापे जो दूर करी नैं, सैह़ दौड़ जिस च अहां जो दौड़णा ऐ अहां सबर रखी नैं दौड़न।

इब्रानियों 13:13

इसतांई ओआ, हुण अहां यहूदी लोकां दियां व्यबस्था जो छड्डी करी, यीशु मसीह पर बसुआस करी नैं ठीक तिंआं ई तिस सौगी बेइज्जती आल़ा दुख झेलन।

इब्रानियों 6:10

क्जोकि परमात्मा गलत फैसला नीं करदा ऐ, कि तुहां दे कम्मां कने तिस प्यारे जो भुल्ली जां, जेह्ड़ा तुहां तिसदे नांऐ तांई इस तरीके नैं दस्सेया, कि तिसदे लोकां दी सेवा कित्ती कने करा दे भी हन।

इब्रानियों 6:15

कने अब्राहमे मते साल्लां तिकर सबर रखी करी परमात्मे दे वादे दिया आसीषां जो पाया।

2 पतरस 1:6

क्जोकि तुहां जो एह़ नीं पता होणा चाइदा कि दूयेयां नैं किंआं बर्ताब करणा ऐ, अपर तुहां जो अपणे आप्पे पर काबू भी करणा चाइदा, कने तुहां जो सिर्फ अपणे आप्पे पर काबू ई नीं करणा चाइदा, अपर दुखां च सबर भी रखणा चाइदा, कने तुहां जो सिर्फ सबर ई नीं रखणा चाइदा, अपर तुहां जो ऐदई ज़िन्दगी जीणा चाइदी, जेह्ड़ी परमात्मे जो खुस करदी ऐ,

प्रकाशितवाक्य 1:9

मैं यूहन्ना, जेह्ड़ा तुहां दा बसुआसी भाऊ कने यीशुये दे दुख, राज्ज, कने सबरे च तुहां दा साझी ऐ, परमात्मे दे वचन, कने यीशुये दिया गवाही दिया बज़ाह ते मैं पतमुस नांऐ दे टापू च था।

प्रकाशितवाक्य 3:10

तैं दुखां च भी सबर रखी नैं मेरे वचनां दा पालण कित्ता ऐ, इसतांई मैं तिज्जो परीक्षा दे तिस बग्त बचाई रखगा, मैं भी तिस बग्त इस संसारे दे सारे लोकां जो परखणे तांई ओंगा।