प्रकाशितवाक्य 2:2 - काँगड़ी

² मैं तेरे कम्म कने तेरी मेहनत, कने तेरे सबरे जो जाणदा ऐ; कने एह़ भी कि तू बुरे लोकां जो दिक्खी नीं सकदा, कने जेह्ड़े अपणे आप्पे जो प्रेरित ग्लांदे हन, कने हन नीं, तिन्हां जो तैं परखेया कि सैह़ झूठ ग्लांदे हन।

प्रकाशितवाक्य 2:2 Iomraidhean Croise

मत्ती 7:23

ताह़लू मैं तिन्हां नैं खुली नैं ग्लाई दिंगा, ‘मैं तुहां जो कदी नीं जाणेया। हे बुरे कम्मां करणे आल़ेयो, मेरे बक्खे ते चली जा।’

यूहन्ना 6:6

तिन्हीं एह़ गल्ल तिसियो परखणे तांई ग्लाई, क्जोकि तिसियो पता था कि तिन्हीं क्या करणा।

गलातियों 1:7

अपर सैह़ दूआ सुसमाचार ऐ ई नीं। अपर गल्ल एह़ ऐ कि कितणे ऐदेय हन जेह्ड़े तुहां जो डराई दिंदे हन, कने मसीह दे सुसमाचारे जो बिगाड़णा चांह़दे हन।

इफिसियों 4:14

तांजे अहां गांह तांई बच्चेयां साइआं नीं रैह़न। अहां जो कदी भी धोखे बाज लोकां दिया झूठिया सिक्षा च नीं फसणा चाइदा, जेह्ड़ियां हौआ साइआं अहां जो इक्की जगाह ते दूईआ जगाह पटकदियां हन।

1 थिस्सलुनीकियों 1:3

अहां हमेसा ई पिता परमात्मे दे सामणै तुहां दे बसुआसे दे कम्म, कने प्यारे दी मेहनत, कने अहां दे प्रभु यीशु मसीह च तुहां दी आसा दा सबर याद करदे हन।

1 थिस्सलुनीकियों 5:21

सारियां गल्लां जो परखा; जेह्ड़ियां खरिया हन, तिन्हां गल्लां जो ग्रहण करा।

2 तीमुथियुस 2:19

तमी परमात्मे दे लोकां दा बसुआस पक्किया नीआ साइआं मजबूत बणी रैंह्दा ऐ, कने तिसा नीआ पर एह़ सब्द लखुयो हन, “प्रभु जाणदा ऐ कि तिसदे अपणे लोक कुण हन,” कने एह़ भी “जेह्ड़ा प्रभु दी अराधना करदा ऐ, तिसियो बुरे कम्म करणा छड्डी दैणे चाइदे।”

इब्रानियों 6:10

क्जोकि परमात्मा गलत फैसला नीं करदा ऐ, कि तुहां दे कम्मां कने तिस प्यारे जो भुल्ली जां, जेह्ड़ा तुहां तिसदे नांऐ तांई इस तरीके नैं दस्सेया, कि तिसदे लोकां दी सेवा कित्ती कने करा दे भी हन।

1 यूहन्ना 4:1

हे मेरे साथी बसुआसियो, हर इक्की पर बसुआस मत करा, जेह्ड़ा आत्मा च होई करी ग्लाणे दा दावा करदा ऐ कने तिसायो परखा कि सैह़ परमात्मे दे पास्से ते ऐ कि नीं; क्जोकि मते झूठे भविष्यवक्ता संसारे च हन।

प्रकाशितवाक्य 2:5

इसतांई याद कर कि तू कुत्थू ते थल्लैं पेआ ऐ, कने मने जो बदल कने पैहल्ले साइआं कम्म कर। जे तू मने नीं बदलगा तां मैं तिज्जो अल्ल आई करी तेरे दीपदान जो तिसदिया जगाह ते हटाई दिंगा।

प्रकाशितवाक्य 2:6

अपर हाँ, तिज्जो च एह़ गल्ल तां ऐ कि तू नीकुलियां दे कम्मां ते नफरत करदा ऐ, जिन्हां ते मैं भी नफरत करदा ऐ।

प्रकाशितवाक्य 2:9

मैं तेरे दुखे कने गरीबिया जो जाणदा ऐ अपर सच्चाई एह़ कि तू अमीर ऐ; कने जेह्ड़े लोक अपणे आप्पे जो यहूदी ग्लांदे हन, अपर सच्चाई ऐ कि सैह़ हन नीं, एह़ लोक दावा करदे हन कि सैह़ परमात्मे पचांह़ चलणे आल़े हन, अपर सच्चाई एह़ ऐ कि सैह़ सैताने पचांह़ चलदे हन, मैं तिन्हां दी इस निंदा जो भी जाणदा ऐ।

प्रकाशितवाक्य 3:1

भिरी तिन्हीं मिन्जो नैं एह़ भी ग्लाया, कि “सरदीस सैहरे दी कलीसिया दे सुअर्गदूते जो एह़ लिख: मैं सैई ऐ जिस अल्ल परमात्मे दियां सत आत्मां कने सत तारे हन, सैह़ एह़ ग्लांदा ऐ कि मैं तेरे कम्मां जो जाणदा ऐ, कि तू अप्पु जो मिन्जो पचांह़ चलणे आल़ा सच्चा बसुआसी तां दस्सदा ऐ, अपर असल च तू ऐ नीं।

प्रकाशितवाक्य 3:15

मैं तेरे कम्मां जो जाणदा ऐ कि तू मेरे बसुआसे च तिस पांणिये साइआं ऐ जेह्ड़ा ना तां ठंडा ऐ कने ना तां तत्ता; अपर खरा हुंदा कि तू ठंडा या तत्ता हुंदा।

प्रकाशितवाक्य 3:8

मैं तेरे कम्मां जो जाणदा ऐ; इसतांई मैं तेरे सामणै इक्क दरवाजा खोली रखेया ऐ, जिसियो कोई बंद नीं करी सकदा; मैं जाणदा ऐ कि तिज्जो अल्ल थोड़ी काबिलियत ऐ, भिरी भी तैं मेरे वचनां दा पालण कित्ता ऐ कने मेरे नांऐ दा इन्कार नीं कित्ता।