प्रकाशितवाक्य 2:10 - काँगड़ी

¹⁰ जेह्ड़े दुख तिज्जो झेलणा पोंगे, तिन्हां ते मत डर। अपर चौकनै रेह्आ; क्जोकि सैतान तुहां च कुच्छ लोकां जो जेलखाने च पाणे आल़ा ऐ तांजे तुहां परखे जान; कने तुहां जो दसा दिनां तिकर दुख झेलणा पोंगा। प्राण दैणे तिकर बसुआसे जोग्गा बणी रैह्, तां मैं तिज्जो ज़िन्दगिया दा मुकट दिंगा।

प्रकाशितवाक्य 2:10 Iomraidhean Croise

मत्ती 10:22

मेरे नांऐ दे खातर सारेयां लोकां तुहां नैं बैर रखणा, अपर जेह्ड़ा आखरी तिकर सबर रखगा तिसदा उद्धार होणा ऐ।

मत्ती 10:28

जेह्ड़े सरीरे जो मारदे हन, अपर सैह़ आत्मा जो नीं मारी सकदे। तिन्हां ते मत डरदे, अपर परमात्मे ते डरा, जेह्ड़ा आत्मा कने सरीर दून्नी जो नरके च नास करी सकदा ऐ।

मत्ती 24:13

अपर जेह्ड़ा ज़िन्दगी दे आखरी तिकर बसुआस रखगा, तिसदा ई उद्धार हुंगा।

मरकुस 13:13

कने मेरे नांऐ दे खातर सारे माणु तुहां नैं बैर करगे अपर जेह्ड़ा आखरी तिकर सबर रखगा, तिसदा ई उद्धार हुंगा।”

मरकुस 8:35

क्जोकि जेह्ड़ा कोई अपणे प्राण बचाणा चांह़गा, सैह़ अपणे प्राण गुआंगा, अपर जेह्ड़ा कोई मिन्जो तांई कने सुसमाचार तांई अपणे प्राण गुआंगा, सैह़ अपणे प्राणा जो बचांगा।

लूका 21:12

अपर इन्हां सारियां गल्लां होणे ते पैहल्लैं मेरे नांऐ दिया बज़ाह ते तुहां जो पकड़गे, कने सतांगे, आराधनालय च घसीटगे, जेलां च करी दिंगे, राजेयां कने हाकमां सामणै लेई जांगे।

यूहन्ना 12:25

जेह्ड़ा अपणे प्राणा जो प्यारा जाणदा ऐ, सैह़ तिन्हां जो गुआई दिंदा ऐ; कने जेह्ड़ा इस संसारे च अपणे प्राणा जो प्यारा नीं जाणदा ऐ, सैह़ सदा दी ज़िन्दगी तांई तिसदी रखवाल़ी करगा।

यूहन्ना 13:2

जाह़लू यीशु कने तिसदे चेले राती दा खाणा- खाणा बैठेयो थे, ताह़लू सैताने शमौने दे पुत्तरे यहूदा इस्करियोतिये दे मने च एह़ गल्ल पाई चुकेया था कि यीशुये जो पकड़ुआं,

यूहन्ना 13:27

यहूदैं जाह़लू रोटी दा टुकडा खादा तां यीशुयैं तिस नैं ग्लाया, “जेह्ड़ा तू करणे आल़ा ऐ, तौल़ी कर।” तिसी बग्त सैतान तिस च समाई गेआ।

प्रेरितां दे कम्म 20:24

अपर मैं अपणेयां प्राणा जो कुच्छ नीं समझदा कि तिन्हां जो प्यारा जाणे, अपर एह़ कि मैं अपणिया दौड़ा जो कने सेवा जो पूरिया करैं, जेह्ड़ी मैं परमात्मे दे अनुग्रह दे सुसमाचार पर गवाही दैणे तांई प्रभु यीशु मसीह ते पाई ऐ।

प्रेरितां दे कम्म 21:13

अपर पौलुसैं जवाब दित्ता, “तुहां क्या करदे हन, कि रौई-रौई करी मेरे मने तोड़दे हन? मैं तां प्रभु यीशुये दे नांऐ तांई यरूशलेम सैहरे च सिर्फ ना बन्धे जाणे तांई अपर मरने तांई भी त्यार ऐ।”

1 कुरिन्थियों 9:25

हर इक्क पैहलवाण जेह्ड़ा कुश्तिया च हिस्सा लैंदा ऐ; सैह़ सबर रखदा ऐ। सैह़ तां नास होणे आल़े मुकटे जो हासल करणे तांई एह़ सब कुच्छ करदा ऐ, अपर अहां तां तिस मुकटे जो हासल करणे तांई करदे हन जेह्ड़ा नास नीं हुंदा ऐ।

इफिसियों 2:2

तिस बग्ते च तुहां इस संसारे दे लोकां पचांह़ चलदे थे, जेह्ड़े परमात्मे जो नीं जाणदे, कने तुहां सैताने पचांह़ चल्ले जेह्ड़ा अम्बरे च दुष्टआत्मां पर राज्ज करणे आल़ा प्रधान ऐ। जेह्ड़ा हुण भी परमात्मे दा हुक्म नीं मन्नणे आल़ेआं च कम्म करदा ऐ।

याकूब 1:12

धन ऐ सैह़ माणु, जेह्ड़ा परीक्षा च पक्का रैंह्दा ऐ, क्जोकि सैह़ परीक्षा च सफल होई नैं सदा दी ज़िन्दगिया दा सैह़ मुकट पांगा जेह्ड़ा वादा परमात्मे अपणे प्यार करणे आल़ेआं नैं कित्या ऐ।

1 पतरस 5:4

कने जाह़लू अहां दा प्रधान गुआल़ा यीशु मसीह बापस ओंगा, तां तुहां जो महिमा दा मुकट दित्ता जांगा जेह्ड़ा कदी अपणी चमक नीं गुआंगा।

1 पतरस 5:8

हमेसा चौकन्ने रेह्आ, कने जागदे रेह्आ; क्जोकि तुहां दा बरोधी सैतान गरजणे आल़े शेरे साइआं इसा तोपा च रैंह्दा ऐ कि कुसियो फाड़ी खां।

प्रकाशितवाक्य 13:14

तिन्हां अनोखे कम्मां दिया बज़ाह ते, जिन्हां जो तिस पैहल्ले जंगली जानवरे सामणै दस्सणे दा हक्क तिसियो दित्या था, सैह़ संसारे दे लोकां जो इआं भरमांदा था कने तिन्हां जो ग्लांदा था कि जिस जंगली जानवरे पर तलवारा नैं हमला कित्या था, सैह़ जिन्दा होईया, तिसदी मूर्ति बणा।

प्रकाशितवाक्य 13:2

जेह्ड़ा जंगली जानवर मैं दिख्या सैह़ चीते साइआं था; कने तिसदे पैर भालूये साइआं, कने मुँ शेरे साइआं था। तिन्हीं अजगरैं अपणी सामर्थ कने अपणा सिंहासण, कने बड्डा हक्क, तिसियो देई दित्ता।

प्रकाशितवाक्य 13:7

तिसियो एह़ भी हक्क दित्ता कि परमात्मे दे लोकां सौगी लड़ें कने तिन्हां जो जीत्ती सकैं, कने तिसियो हर इक्क गोत्र, हर लोकां, भासा कने जाति पर हक्क दित्ता।

प्रकाशितवाक्य 17:14

“सैह़ मेम्ने सौगी लड़गे, कने मेम्ना तिन्हां जो जीत्ती लैंगा, क्जोकि सैह़ प्रभुआं दा प्रभु कने राजेयां दा राजा ऐ, कने जेह्ड़े सद्देयो कने चुणेयो कने बसुआसी हन सैह़ तिस सौगी हन; सैह़ भी जीत्ती लैंगे।”

प्रकाशितवाक्य 2:13

मैं एह़ तां जाणदा ऐ कि तू तित्थु रैंह्दा ऐ जित्थु सैताने दा सिंहासण ऐ; तू लगातार मेरे बसुआसे च मजबूत रैंह्दा ऐ, कने मिन्जो पर बसुआस करणे ते तिन्हां दिनां च भी पचांह़ नीं हटेया जिन्हां दिनां च मेरा बसुआसे जोग्गा गवाह अन्तिपास, तुहां दे सामणै तिसा जगाह पर मारे गेआ जित्थु सैतान रैंह्दा ऐ।

प्रकाशितवाक्य 2:9

मैं तेरे दुखे कने गरीबिया जो जाणदा ऐ अपर सच्चाई एह़ कि तू अमीर ऐ; कने जेह्ड़े लोक अपणे आप्पे जो यहूदी ग्लांदे हन, अपर सच्चाई ऐ कि सैह़ हन नीं, एह़ लोक दावा करदे हन कि सैह़ परमात्मे पचांह़ चलणे आल़े हन, अपर सच्चाई एह़ ऐ कि सैह़ सैताने पचांह़ चलदे हन, मैं तिन्हां दी इस निंदा जो भी जाणदा ऐ।