प्रकाशितवाक्य 2:1 - काँगड़ी

¹ तिन्हीं मिन्जो नैं एह़ भी ग्लाया, कि “इफिसुस सैहरे दी कलीसिया दे सुअर्गदूते जो एह़ लिख: मैं जेह्ड़ा सत तारे अपणे सज्जे हत्थे च लेई करी, कने सोन्ने दे सतां दीपदानां दे गब्बैं फिरदा ऐ, तिसदा ग्लाणा ऐई ऐ:

प्रकाशितवाक्य 2:1 Iomraidhean Croise

मत्ती 18:20

एह़ इसतांई कि जित्थु दो या त्रै माणु मेरे नांऐ ते किठ्ठे हुंदे हन, तित्थु मैं तिन्हां बिच्च हुंदा ऐ।”

मत्ती 28:20

कने तिन्हां जो सारे हुक्म जेह्ड़े मैं तुहां जो दित्यो हन, तिन्हां जो मन्नणा सखा कने सुणा मैं संसारे दे अन्त तिकर सदा तुहां सौगी ऐ।”

यूहन्ना 5:35

यूहन्ना तां बल़दे कने चमकदे दीय्ये साइआं था, कने तुहां जो थोड़ी देर तिकर तिसदी जोतिया च मग्न होणा खरा लग्गा।

प्रेरितां दे कम्म 18:19

तिन्हीं इफिसुस सैहरे च पुज्जी करी प्रिसकिल्ला कने अक्विला जो तित्थु छड्डी दित्ता, कने अप्पु आराधनालय च जाई करी यहूदियां नैं वाद-विवाद करणा लग्गा।

प्रेरितां दे कम्म 18:21

अपर एह़ ग्लाई करी तिन्हां ते विदा होई करी चली गेआ, “जे परमात्मे चाया तां मैं तुहां अल्ल भिरी ओंगा।” ताह़लू सैह़ इफिसुस सैहरे ते समुंदरी जाह्जे पर बेई नैं चली पेआ;

प्रेरितां दे कम्म 19:1

जाह़लू अपुल्लोस कुरिन्थुस सैहरे च था, ताह़लू पौलुस दूरे दे सारे प्रदेसां ते होई करी इफिसुस सैहरे च आया कने तित्थु कुच्छ चेलेयां नैं मुलाकात होई।

2 कुरिन्थियों 6:16

कने मूर्तियां तांई परमात्मे दे मंदरे च कोई जगाह नीं, क्जोकि अहां तां जिन्दे परमात्मे दे मंदर हन। जिंआं पवित्रशास्त्रे च परमात्मैं ग्लाया ऐ, “मैं तिन्हां लोकां सौगी रैंह्गा कने तिन्हां सौगी चलगा फिरगा; कने मैं तिन्हां दा परमात्मा हुंगा, कने सैह़ मेरे लोक हुंगे।”

प्रकाशितवाक्य 1:16

तिन्हीं अपणे सज्जे हत्थे च सत तारे लियो थे, कने तिसदे मुँऐ ते पेनी दूँ धारां आल़ी तलवार निकल़ादी थी। तिसदा मुँ इतणा चमकदार था, ठीक तिंआं जिंआं सूरज खड़िया दोपैरा चमकदा ऐ।

प्रकाशितवाक्य 1:20

जेह्ड़े सत तारे तैं मेरे सज्जे हत्थे च दिक्खे, सैह़ तारे सत्तां कलीसियां दे सुअर्गदूत हन, कने सैह़ सत सोन्ने दे दीपदान सत कलीसियां हन।”

प्रकाशितवाक्य 12:1

भिरी ताह़लू सुअर्गे च इक्क बड़ा अनोखा नसाण दुस्सेया, मतलब इक्की जणासा जिन्नै सूरज उढेया था, कने चन्द्रमा तिसादे पैरां थल्लैं था, कने तिसादे सिरे पर बारांह तारेयां दा मुकट था;

प्रकाशितवाक्य 2:12

भिरी तिन्हीं मिन्जो नैं एह़ भी ग्लाया, कि “पिरगमुन सैहरे दी कलीसिया दे सुअर्गदूते जो एह़ लिख: मैं सैई ऐ जिस अल्ल दूँ धारां आल़ी तलवार ऐ, तिसदा ग्लाणा ऐई ऐ:

प्रकाशितवाक्य 2:18

भिरी तिन्हीं मिन्जो नैं एह़ भी ग्लाया, कि “थुआतीरा सैहरे दी कलीसिया दे सुअर्गदूत जो एह़ लिख: कि मैं परमात्मे दा पुत्तर जिसदियां अखीं अग्गी दी लपटा साइआं, कने जिसदे पैर भट्ठिया च तपाईया पीतली साइआं चमका दे हन, तिसदा ग्लाणा ऐई ऐ:

प्रकाशितवाक्य 2:8

भिरी तिन्हीं मिन्जो नैं एह़ भी ग्लाया, कि “स्मुरना सैहरे दी कलीसिया दे सुअर्गदूत जो एह़ लिख: मैं जेह्ड़ा पैहल्ला कने आखरी ऐ, इक्क बग्त था जाह़लू मैं मरी गेआ था, अपर हुण मैं जिन्दा ऐ, तिसदा ग्लाणा ऐई ऐ:

प्रकाशितवाक्य 3:1

भिरी तिन्हीं मिन्जो नैं एह़ भी ग्लाया, कि “सरदीस सैहरे दी कलीसिया दे सुअर्गदूते जो एह़ लिख: मैं सैई ऐ जिस अल्ल परमात्मे दियां सत आत्मां कने सत तारे हन, सैह़ एह़ ग्लांदा ऐ कि मैं तेरे कम्मां जो जाणदा ऐ, कि तू अप्पु जो मिन्जो पचांह़ चलणे आल़ा सच्चा बसुआसी तां दस्सदा ऐ, अपर असल च तू ऐ नीं।

प्रकाशितवाक्य 3:14

भिरी तिन्हीं मिन्जो नैं एह़ भी ग्लाया, कि “लौदीकिया सैहरे दी कलीसिया दे सुअर्गदूते जो एह़ लिख: कि मैं सैई ऐ जेह्ड़ा आमीन कने बसुआसे जोग्गा कने सच्चा गवाह ऐ, कने सैई ऐ जिसदे जरिये परमात्मे सब कुच्छ बणाया ऐ, तिसदा ग्लाणा ऐई ऐ:

प्रकाशितवाक्य 3:7

भिरी तिन्हीं मिन्जो नैं एह़ भी ग्लाया, कि “फिलदिलफिया सैहरे दी कलीसिया दे सुअर्गदूते जो एह़ लिख: कि मैं सैई ऐ जेह्ड़ा पवित्र कने सच्च ऐ, कने जिस अल्ल दाऊदे दी चाबी ऐ, जिसियो सैह़ खोली दिंदा तिसियो कोई बंद नीं करी सकदा कने जिसियो सैह़ बंद करी दिंदा तिसियो कोई खोली नीं सकदा, तिसदा ग्लाणा ऐई ऐ: