प्रकाशितवाक्य 18:3 - काँगड़ी

³ क्जोकि तिसादे ब्यभिचार दे खतरनाक मदिरा दिया बज़ाह ते सारियां जातिआं नास होई गियां हन, कने धरतिया दे राजेयां तिसा सौगी ब्यभिचार कित्या ऐ, कने धरतिया दे बपारी तिसादे सुख विलासे दिया बज़ाह ते बड़े अमीर होये हन।”

प्रकाशितवाक्य 18:3 Iomraidhean Croise

लूका 7:25

तां भिरी तुहां क्या दिक्खणा गियो थे? मैंह्गे कपड़े लगाणे आल़े माणुआं जो? दिक्खा जेह्ड़े चमकीले कपड़े पैहणदे, कने सुख विलासे च जींदे हन, सैह़ मैहलां च रैंह्दे हन।

1 तीमुथियुस 5:11

अपर जुआन बिधवां दा नां सूचिया च मत लिखणा, क्जोकि जाह़लू तिन्हां दे सरीरे दी इच्छा परमात्मे दिया सेवा करणे दिया इच्छा ते जादा बधी जांदी ऐ, तां सैह़ मसीह दा बरोध करी नैं दुवारी ते ब्याह करणा चांह़दियां हन।

प्रकाशितवाक्य 14:8

भिरी इसते बाद इक्क होर दूआ सुअर्गदूत एह़ ग्लांदा आया, “नास होई गेआ, सैह़ बेबीलोन सैहर नास होई गेआ, जिन्हीं सारी जातिआं जो अपणे ब्यभिचारे दी मदहोस करणे आल़ी मदिरा पिलाई ऐ।”

प्रकाशितवाक्य 17:2

जिसा सौगी धरतिया दे राजेयां ब्यभिचार कित्या; कने संसारे दे लोक तिसादे ब्यभिचारे दिया मदिरा नैं मतवाल़े होई गियो थे।”

प्रकाशितवाक्य 18:19

कने अपणे-अपणे सिरां पर धूड़ पांगे, कने रोंदे, सोग मनांदे होये डड्डी-डड्डी करी ग्लांगे, ‘हाय। हाय। एह़ बड्डा सैहर चाणचक ई उजड़ी गेआ, जिसदिया धन-दौलता दे जरिये सारे समुंदरी जाह्जे आल़े अमीर होई गियो थे।’

प्रकाशितवाक्य 18:23

कने दीय्ये दी लौ भिरी कदी तिज्जो च नीं चमकगी, कने लाड़े कने लाड़िया दिया उआज़ भिरी कदी तिज्जो नीं सुम्मगी; क्जोकि तेरे बपारी धरतिया दे प्रधान थे, कने तेरे टूणे ते सारियां जातिआं भटकाईयां गियां थियां।

प्रकाशितवाक्य 18:7

जितणी तिन्हीं अपणी तारीफ कित्ती कने सुख विलास कित्ता, तितणी तिसियो पीड़ा कने दुख देआ; क्जोकि सैह़ अपणे मने च ग्लांदी ऐ, ‘मैं राणिया साइआं विराजमान ऐ, बिधवा नीं, कने सोग कदी नीं मनांगी।’

प्रकाशितवाक्य 18:9

“धरतिया दे राजेयां जिन्हां तिसा सौगी ब्यभिचार कने सुख विलास कित्ता, जाह़लू तिसादे जल़णे दा धुआं दिक्खगे, तां तिसा तांई रोंगे कने छातिया पिट्टगे।