प्रकाशितवाक्य 17:2 - काँगड़ी

² जिसा सौगी धरतिया दे राजेयां ब्यभिचार कित्या; कने संसारे दे लोक तिसादे ब्यभिचारे दिया मदिरा नैं मतवाल़े होई गियो थे।”

प्रकाशितवाक्य 17:2 Iomraidhean Croise

यूहन्ना 2:10

हर इक्क माणु पैहल्लैं खरिया किस्मा दा अंगूरा दा रस दिंदा ऐ, कने जाह़लू परोणे पी नैं मतवाल़े होई जांदे हन, ताह़लू तू घटिया किस्मा दिंदा ऐ; अपर तैं खरिया किस्मा दा ताजा अंगूरा दा रस अह्ल्ली तिकर बचाई करी रखेया ऐ,

प्रकाशितवाक्य 14:8

भिरी इसते बाद इक्क होर दूआ सुअर्गदूत एह़ ग्लांदा आया, “नास होई गेआ, सैह़ बेबीलोन सैहर नास होई गेआ, जिन्हीं सारी जातिआं जो अपणे ब्यभिचारे दी मदहोस करणे आल़ी मदिरा पिलाई ऐ।”

प्रकाशितवाक्य 17:13

एह़ सब इक्क मन हुंगे, कने सैह़ अपणी सामर्थ कने राज्ज तिस जंगली जानवरे जो दिंगे।

प्रकाशितवाक्य 17:17

क्जोकि परमात्मा तिन्हां दे मने च एह़ पांगा कि सैह़ तिसा दिया इच्छा पूरी करन, कने जाह़लू तिकर परमात्मे दा वचन पूरा नीं होई लैं ताह़लू तिकर इक्क मन होई करी अपणा-अपणा राज्ज तिस जंगली जानवरे जो देई दैन।

प्रकाशितवाक्य 17:5

तिसादे मत्थे पर इक्क नां, इक्क भेत लिख्या था, “बड्डा बेबीलोन सैहर धरतिया पर वैश्यां कने घृणित चीज्जां दी माँ।”

प्रकाशितवाक्य 17:8

जेह्ड़ा जंगली जानवर तैं दिख्या ऐ, सैह़ पैहल्लैं तां था पर हुण नीं ऐ, कने अथाह कुंडे ते निकल़ी करी विनाशे च पोंगा; कने संसारे दे लोक जिन्हां दे नां सृष्टिया दे सुरू होणे दे बग्ते ते तिसा ज़िन्दगिया दिया कताबा च लिखे नीं गै, इस जंगली जानवरे दी एह़ हालत दिक्खी करी कि पैहल्ले था कने हुण नीं ऐ कने भिरी आई जांगा, हरान हुंगे।

प्रकाशितवाक्य 18:23

कने दीय्ये दी लौ भिरी कदी तिज्जो च नीं चमकगी, कने लाड़े कने लाड़िया दिया उआज़ भिरी कदी तिज्जो नीं सुम्मगी; क्जोकि तेरे बपारी धरतिया दे प्रधान थे, कने तेरे टूणे ते सारियां जातिआं भटकाईयां गियां थियां।

प्रकाशितवाक्य 18:3

क्जोकि तिसादे ब्यभिचार दे खतरनाक मदिरा दिया बज़ाह ते सारियां जातिआं नास होई गियां हन, कने धरतिया दे राजेयां तिसा सौगी ब्यभिचार कित्या ऐ, कने धरतिया दे बपारी तिसादे सुख विलासे दिया बज़ाह ते बड़े अमीर होये हन।”

प्रकाशितवाक्य 18:9

“धरतिया दे राजेयां जिन्हां तिसा सौगी ब्यभिचार कने सुख विलास कित्ता, जाह़लू तिसादे जल़णे दा धुआं दिक्खगे, तां तिसा तांई रोंगे कने छातिया पिट्टगे।

प्रकाशितवाक्य 2:22

इसतांई मैं तिसा जो बमारिया च पांगा; कने जेह्ड़े तिसा सौगी ब्यभिचार करदे हन जे सैह़ भी तिसादे कम्मां ते मने नीं बदलगे तां तिन्हां जो भी बड़े दुखां पांगा।

प्रकाशितवाक्य 3:10

तैं दुखां च भी सबर रखी नैं मेरे वचनां दा पालण कित्ता ऐ, इसतांई मैं तिज्जो परीक्षा दे तिस बग्त बचाई रखगा, मैं भी तिस बग्त इस संसारे दे सारे लोकां जो परखणे तांई ओंगा।

प्रकाशितवाक्य 9:21

कने जेह्ड़ा खून, टूणा, ब्यभिचार, कने चोरियां, तिन्हां कित्तियां थियां, तिन्हां ते मन नीं बदलेया।