प्रकाशितवाक्य 16:4 - काँगड़ी

⁴ त्रीये सुअर्गदूतैं अपणा कटोरा नदियां च कने पांणिये दे झरनेयां च डोली दित्ता, कने सैह़ खून बणी गै।

प्रकाशितवाक्य 16:4 Iomraidhean Croise

प्रकाशितवाक्य 11:6

तिन्हां जो एह़ हक्क ऐ कि अम्बरे जो बंद करन, कि तिन्हां दी भविष्यवाणी दे दिनां च बरखा ना होयैं; कने तिन्हां जो सारे पांणिये पर हक्क ऐ कि तिसियो खून बणान, कने जाह़लू-जाह़लू चान ताह़लू-ताह़लू धरतिया पर हर किस्मां दे खतरे लेयोन।

प्रकाशितवाक्य 14:7

तिन्हीं बड़ी जोरे नैं ग्लाया, “परमात्मे ते डरा, कने तिसदी महिमा करा, क्जोकि तिसदे न्याय करणे दा बग्त आई गेआ ऐ; कने तिसदी अराधना करा, जिन्हीं सुअर्ग, धरतिया, समुंदर कने पाणी दे झरने बणाये।”

प्रकाशितवाक्य 16:5

ताह़लू मैं सुअर्गदूते जो एह़ ग्लांदे सुणेया, जिस अल्ल सारे पांणिये पर हक्क ऐ, “हे पवित्र परमात्मा, जेह्ड़ा ऐ कने जेह्ड़ा हमेसा था, तू न्यायी ऐ कने तैंईं एह़ न्याय कित्ता।