प्रकाशितवाक्य 16:2 - काँगड़ी

² तां पैहल्ले सुअर्गदूतैं जाई करी अपणा कटोरा धरती पर डोली दित्ता। तिसदा नतीजा एह़ होएया कि तिन्हां माणुआं दे जिन्हां पर तिस पैहल्ले जंगली जानवरे दी मोहर थी कने जेह्ड़े तिसदिया मूर्तिया दी अराधना करदे थे, इक्क दुख दैणे आल़ा कने जान्नलेवा फोड़ा निकल़ेया।

प्रकाशितवाक्य 16:2 Iomraidhean Croise

प्रेरितां दे कम्म 12:23

तिस बग्त प्रभु दे इक्की सुअर्गदूतैं इकदम तिसियो बमार करी दित्ता, क्जोकि तिन्हीं परमात्मे दी महिमा नीं कित्ती; कने तिस च कीड़े पेई गै जेह्ड़े तिसियो खाणा लग्गे कने सैह़ मरी गेआ।

प्रकाशितवाक्य 13:12

एह़ जंगली जानवर पैहल्ले जंगली जानवरे दे सारे हक्कां दा इस्तेमाल करदा था; कने धरती कने तिसा पर रैहणे आल़े लोकां ते तिस पैहल्ले जंगली जानवरे दी, जिसदा जान्नलेवा जख्म खरा होईया था, अराधना करांदा था।

प्रकाशितवाक्य 14:16

अपर जेह्ड़ा बदल़े पर बैठेया था तिन्हीं धरतिया पर अपणी दराटी चलाई, कने धरतिया दी फसल बड्डी दित्ती।

प्रकाशितवाक्य 14:9

भिरी इन्हां दे बाद इक्क होर त्रीआ सुअर्गदूत बड़ी जोरे-जोरे नैं एह़ ग्लांदा आया, “जेह्ड़ा कोई तिस पैहल्ले जंगली जानवरे दी कने तिसदिया मूर्तिया दी पूजा करगा, कने अपणे मत्थे या अपणे हत्थे पर तिसदी मोहर लगवांगा।

प्रकाशितवाक्य 16:1

तिसते बाद भिरी मैं मंदरे च कुसी जो जोरे नैं तिन्हां सत सुअर्गदूतां जो एह़ ग्लांदे सुणेया, “जा, परमात्मे दे गुस्से दे सतां कटोरेयां जो धरती पर डोली देआ।”

प्रकाशितवाक्य 16:11

कने अपणियां पीड़ां कने फोड़ेयां दिया बज़ाह ते सुअर्गे दे परमात्मे दी निंदा कित्ती; अपर अपणे-अपणे कम्मां ते मन नीं बदलेया।

प्रकाशितवाक्य 8:7

पैहल्ले सुअर्गदूतैं तुरही बजाई, कने तिसी बग्त आणी दी बरखा कने खूने नैं मिल्लेयो अंगारे धरतिया पर पै; इसा बज़ाह ते धरतिया दा त्रीआ हिस्सा फकौई गेआ, कने रूखां दा भी त्रीआ हिस्सा फकौई गेआ, कने सारा सैला घाह भी जल़ी गेआ।