प्रकाशितवाक्य 15:4 - काँगड़ी

⁴ हे प्रभु, कुण तिज्जो ते नीं डरगा कने तेरे नांऐ दी महिमा नीं करगा, क्जोकि सिर्फ तू ई पवित्र ऐ। सारियां जातिआं दे लोक आई नैं तेरी अराधना करगे, क्जोकि तेरे न्याय दे कम्म प्रगट होई गै हन।”

प्रकाशितवाक्य 15:4 Iomraidhean Croise

रोमियो 15:9

कने होरनी जातिआं दे लोक भी परमात्मे दिया दया दिया बज़ाह ते तिसदी स्तुति करन; जिंआं पवित्रशास्त्रे च लिख्या ऐ, “इसतांई मैं होरनी जातिआं दे लोकां च तेरा धन्यावाद करगा, कने तेरे नांऐ दे भजन गांगा।”

1 पतरस 1:16

क्जोकि पवित्रशास्त्रे च ग्लाया ऐ, कि “तुहां पवित्र बणा, जिंआं मैं पवित्र ऐ।”

प्रकाशितवाक्य 11:15

जाह़लू सतमे सुअर्गदूतैं तुरही बजाई, तां सुअर्गे ते इस बारे च जोरे-जोरे दियां उआज़ां होणा लग्गियां: “संसारे दा राज्ज अहां दे प्रभु कने तिसदे मसीह दा होईया, कने सैई जुगा-जुग राज्ज करगा।”

प्रकाशितवाक्य 14:7

तिन्हीं बड़ी जोरे नैं ग्लाया, “परमात्मे ते डरा, कने तिसदी महिमा करा, क्जोकि तिसदे न्याय करणे दा बग्त आई गेआ ऐ; कने तिसदी अराधना करा, जिन्हीं सुअर्ग, धरतिया, समुंदर कने पाणी दे झरने बणाये।”

प्रकाशितवाक्य 16:5

ताह़लू मैं सुअर्गदूते जो एह़ ग्लांदे सुणेया, जिस अल्ल सारे पांणिये पर हक्क ऐ, “हे पवित्र परमात्मा, जेह्ड़ा ऐ कने जेह्ड़ा हमेसा था, तू न्यायी ऐ कने तैंईं एह़ न्याय कित्ता।

प्रकाशितवाक्य 16:7

भिरी मैं वेदिया ते एह़ उआज़ सुणी, “हाँ, हे सर्वशक्तिमान प्रभु परमात्मा, तेरे फैसले ठीक कने सच्चे हन।”

प्रकाशितवाक्य 19:2

क्जोकि तिसदे फैसले सच्चे कने ठीक हन। इसतांई कि तिन्हीं तिसा बड्डिया वैश्या दा, जेह्ड़ी अपणे ब्यभिचारे नैं धरतिया जो बदनाम करदी थी, न्याय कित्ता कने तिसाते अपणे दासां दे खूने दा बदला लेआ ऐ।”

प्रकाशितवाक्य 19:8

तिसा जो साफ-चिट्टे कने चमकदार मलमल पैहनणे दा हुक्म दित्ता गेआ, क्जोकि तिस मलमले दा मतलब परमात्मे दे लोकां दे धार्मिक कम्म हन।”

प्रकाशितवाक्य 3:7

भिरी तिन्हीं मिन्जो नैं एह़ भी ग्लाया, कि “फिलदिलफिया सैहरे दी कलीसिया दे सुअर्गदूते जो एह़ लिख: कि मैं सैई ऐ जेह्ड़ा पवित्र कने सच्च ऐ, कने जिस अल्ल दाऊदे दी चाबी ऐ, जिसियो सैह़ खोली दिंदा तिसियो कोई बंद नीं करी सकदा कने जिसियो सैह़ बंद करी दिंदा तिसियो कोई खोली नीं सकदा, तिसदा ग्लाणा ऐई ऐ:

प्रकाशितवाक्य 4:8

चौंन्नी प्राणियां दे छे-छे पंख थे, कने तिन्हां दे चौंन्नी पास्से कने तिन्हां दे पंखा दे थल्लैं भी अखीं ई अखीं थियां; कने सैह़ रात दिन बगैर अराम कित्यो एह़ ग्लांदे रैंह्दे थे, “पवित्र, पवित्र, पवित्र प्रभु सर्वशक्तिमान परमात्मा! जेह्ड़ा हमेसा था कने जेह्ड़ा ऐ कने जेह्ड़ा ओणे आल़ा ऐ।”

प्रकाशितवाक्य 6:10

तिन्हां जोरे-जोरे नैं ग्लाया, “हे पवित्र कने सच्चे प्रभु; तू धरतिया दे तिन्हां बुरे लोकां जो सज़ा दैणे तांई इतणी देर क्जो करा दा ऐ? अहां तिज्जो नैं विणती करदे हन, कि तू तिन्हां लोकां नैं अहां दा बदला लै जिन्हां अहां दा खून कित्या ऐ।”