प्रकाशितवाक्य 15:2 - काँगड़ी

² ताह़लू मैं अग्गी नैं मिल्लेयो सीशे साइआं इक्क समुंदर दिख्या, कने जिन्हां लोकां तिस पैहल्ले जंगली जानवरे जो कने मूर्तिया जो कने तिसदे नांऐ दियां संख्या जो जीत्त लेआ था, तिन्हां जो तिस सीशे दे समुंदरे बक्खे परमात्मे दियां बीणां जो लेई नैं खड़ोत्यो दिख्या।

प्रकाशितवाक्य 15:2 Iomraidhean Croise

मत्ती 3:11

“मैं तां तुहां जो पांणिये च मने बदलणे दा बपतिस्मा दिंदा ऐ, अपर जेह्ड़ा मेरे बाद ओणे आल़ा ऐ, सैह़ मिन्जो ते बड़ा सामर्थी ऐ। मैं तिसदियां जुतियां चुकणे जोग्गा भी नीं ऐ, अपर सैह़ तां तुहां जो पवित्र आत्मा कने अग्गी नैं बपतिस्मा दिंगा।

1 पतरस 1:7

इन्हां दुखां दा मकसद एह़ दस्सणा ऐ कि तुहां सच्च बिच्च परमात्मे पर भरोसा रखदे हन कि नीं, तुहां दा यीशु मसीह पर बसुआस सोन्ने ते भी बड़ा जादा कीमती ऐ, ठीक तिंआं ई जिंआं इक्क नास होणे आल़ा सोन्ना अग्गी च परखेया जांदा ऐ, तांजे तुहां दा बसुआस भी इन्हां दुखां दे बावजूद मजबूत रैंह्, तां यीशु मसीह दे बापस ओणे आल़े दिने च एह़ तुहां तांई तारीफ, महिमा कने आदरे दी बज़ाह हुंगा।

1 पतरस 4:12

हे प्यारे साथी बसुआसियो, जेह्ड़े दर्दनाक दुख तुहां झेलदे हन, तिन्हां दे बारे च हरान मत होआ, क्जोकि तुहां मसीह दे हन। एह़ गल्लां तां होआ दियां हन जिसते एह़ पता लग्गैं कि तुहां सच्च बिच्च परमात्मे पर बसुआस करदे हन। इसतांई मत सोचा कि तुहां सौगी कुच्छ अजीब होआ दा ऐ।

प्रकाशितवाक्य 12:11

“सैह़ मेम्ने दे खूने दिया बज़ाह कने अपणिया गवाहिया दे वचनां दिया बज़ाह ते तिस पर जीत्त हासल कित्ती, क्जोकि तिन्हां अपणे प्राणा जो प्यारा नीं समझेया, ऐत्थु तिकर कि मौत्त भी झेली लेई।

प्रकाशितवाक्य 13:1

ताह़लू मैं इक्की जंगली जानवरे जो समुंदरे ते निकल़दे दिख्या, जिसदे दस सींग कने सत सिर थे। तिसदे सींगा पर दस मुकट कने तिसदे हर सिरे पर परमात्मे दिया निंदा दे सब्द लिख्यो थे।

प्रकाशितवाक्य 13:14

तिन्हां अनोखे कम्मां दिया बज़ाह ते, जिन्हां जो तिस पैहल्ले जंगली जानवरे सामणै दस्सणे दा हक्क तिसियो दित्या था, सैह़ संसारे दे लोकां जो इआं भरमांदा था कने तिन्हां जो ग्लांदा था कि जिस जंगली जानवरे पर तलवारा नैं हमला कित्या था, सैह़ जिन्दा होईया, तिसदी मूर्ति बणा।

प्रकाशितवाक्य 13:17

कि तिसियो छड्डी जिस पर मोहर मतलब तिस पैहल्ले जंगली जानवरे दा नां या तिसदे नांऐ दी संख्या होयैं, कने होर कोई लैण-दैण नीं करी सकैं।

प्रकाशितवाक्य 21:18

तिसदी दीवार यशब नांऐ दे कीमती पत्थरां नैं बणियो थी, कने सैहर ऐदेय सुद्ध सोन्ने दा था जेह्ड़ा साफ सीशे साइआं था।

प्रकाशितवाक्य 4:6

कने तिस सिंहासणे सामणै सीशे दे समुंदरे साइआं इक्क फर्स था। कने एह़ बड्डा सिंहासण तिन्हां सारियां चीज्जां दे गब्बैं था, कने तिसदे चौंन्नी पास्से चार जिन्दे प्राणी थे, जिन्हां दे गांह भी कने पचांह़ भी अखीं ई अखीं थियां।

प्रकाशितवाक्य 5:8

जाह़लू तिन्हीं कताबा जो लेई लेआ, तां सैह़ चारो प्राणी कने सैह़ चौबी स्याणे तिस मेम्ने सामणै गोड्डे भार पेई गै। कने तिन्हां च हर इक्की दे हत्थे च बीण कने धूपे नैं भरोयो सोन्ने दे कटोरे थे, जेह्ड़े लोकां दिया प्रार्थना दे पास्से इसारा करदे हन।