प्रकाशितवाक्य 14:3 - काँगड़ी

³ सैह़ सिंहासणे दे कने चौंन्नी प्राणियां कने स्याणेयां सामणै इक्क नौआं गीत गा दे थे। तिन्हां इक्क लख चौत्ताल़ी हज़ार लोकां जो छड्डी, जेह्ड़े धरतिया ते खरीदेयो थे, कोई भी सैह़ गीत नीं सीखी सकदा था।

प्रकाशितवाक्य 14:3 Iomraidhean Croise

1 कुरिन्थियों 1:18

क्जोकि जेह्ड़े लोक परमात्मे दिया सज़ा तांई तिसते लग्ग कित्ते जांगे, तिन्हां तांई सूल़िया दा सुसमाचार कोई मायने नीं रखदा, अपर अहां उद्धार पाणे आल़ेआं तांई एह़ परमात्मे दी सामर्थ ऐ।

1 कुरिन्थियों 2:14

इसतांई जिस अल्ल परमात्मे दा आत्मा ऐ, सिर्फ सैई इन्हां आत्मिक आसीषां जो समझी सकदा ऐ, अपर जिस अल्ल परमात्मे दा आत्मा नीं ऐ, सैह़ इन्हां आसीषां जो मूर्खता दी गल्ल समझदा ऐ।

प्रकाशितवाक्य 14:1

तिसते बाद मैं भिरी दिख्या, सैह़ मेम्ना सिय्योन प्हाड़े पर खड़ोत्या ऐ, कने तिस सौगी इक्क लख चौत्ताल़ी हज़ार लोक हन, जिन्हां दे मत्थे पर तिसदा कने तिसदे पिते दा नां लिख्या ऐ।

प्रकाशितवाक्य 15:3

सैह़ परमात्मे दे दास मूसा दा गीत, कने मेम्ने दा गीत गाई-गाई करी ग्लांदे थे, “हे सर्वशक्तिमान प्रभु परमात्मा तेरे कम्म म्हान कने अनोखे हन; हे जुगा-जुग दे राजा, तेरी चाल खरी कने सच्ची ऐ।

प्रकाशितवाक्य 2:17

जेह्ड़े मेरे संदेसे जो समझणा चांह़दे हन, तिसियो ध्याने नैं सुणन कि पवित्र आत्मा कलीसियां नैं क्या ग्लांदा ऐ। जेह्ड़ा बुरिआं ताकतां जो हराई दिंदा ऐ, मैं तिसियो कुच्छ मन्ना दिंगा जेह्ड़ा गुप्त च रखेया ऐ, कने तिसियो इक्क चिट्टा पत्थर भी दिंगा; जिस पर इक्क नां लिख्या हुंगा, जिसियो तिसदे लैणे आल़े जो छड्डी नैं होर कोई नीं जाणगा।”

प्रकाशितवाक्य 5:9

सैह़ एह़ नौआं गीत गा थे, “इसा कताब जो लैणे दा, कने इसा दियां सील्लां खोलणे दा हक्क तिज्जो अल्ल ऐ, क्जोकि तू इक्क मेम्ने साइआं बलिदान होई करी अपणे खूने नैं हर इक्क गोत्र, भासा, देस कने जातिया ते परमात्मे तांई लोकां जो खरीदी लेआ ऐ;

प्रकाशितवाक्य 7:4

कने जिन्हां पर मोहर लगाईयो थी मैं तिन्हां दी गिणती सुणी, इस्राएल देसे दियां औलादी दे सारे गोत्रां च इक्क लख चौताली हज़ार लोकां पर मोहर लगाई: