प्रकाशितवाक्य 13:8 - काँगड़ी

⁸ संसारे दे लोक तिस जंगली जानवरे दी पूजा करगे। सैह़ सारे लोक जिन्हां दे नां सृष्टिया दे सुरू होणे ते ई तिस मेम्ने दिया ज़िन्दगिया दिया कताबा च लिखे नीं गै, जिसदा बलिदान कित्या था।

प्रकाशितवाक्य 13:8 Iomraidhean Croise

मत्ती 25:34

ताह़लू मैं जेह्ड़ा राजा ऐ, अपणे सज्जे पास्से आल़ेआं नैं ग्लांगा, ‘हे मेरे पिता दे धन लोको, ओआ, तिस राज्जे दे अधिकारी होई जा, जेह्ड़ा संसारे दे सुरू ते लेई नैं तुहां तांई त्यार कित्या ऐ।

लूका 10:20

अपर तमी इसते खुस मत होआ कि दुष्टआत्मा तुहां दे बसे च ऐ, अपर इसते खुस होआ कि तुहां दे नां सुअर्गे च लिख्यो हन।”

यूहन्ना 1:29

दूँये दिने यूहन्ने यीशुये जो अपणे अल्ल ओंदे दिक्खी नैं ग्लाया, “दिक्खा एह़ परमात्मे दा मेम्ना ऐ जेह्ड़ा अपणा बलिदान देई करी संसारे दे पापां जो अप्पु ऊपर लेई लैंदा ऐ,

इफिसियों 1:4

खास करी नैं मसीह सौगी अहां दे रिस्ते दिया बज़ाह ते परमात्मे अहां जो इस संसारे जो बणाणे ते पैहल्ले चुणी लेआ। तांजे सैह़ अहां जो पवित्र कने बेकसूर समझैं।

फिलिप्पियों 4:3

हे सच्चे साथी, मैं तिज्जो नैं भी विणती करदा ऐ, कि तू तिन्हां जणासां दी इक्क मन रैहणे च मदत कर, क्जोकि तिन्हां मिन्जो सौगी सुसमाचार फैलाणे च, क्लेमेंस कने मेरे होर साथियां सौगी मेहनत कित्ती, तिन्हां सबना दे नां ज़िन्दगिया दिया कताबां च लिख्यो हन।

तीतुस 1:2

तिसा सदा दी ज़िन्दगिया दिया आसा पर जिसदा वादा परमात्मैं जेह्ड़ा झूठ नीं ग्लाई सकदा, बड़ी पैहल्ले ते कित्या ऐ।

प्रकाशितवाक्य 12:15

ताह़लू अजगरैं तिसा जणासा दे पचांह़ अपणे मुँऐ ते नदिया साइआं पाणी बहाया कि तिसायो एह़ नदी रढ़ाई करी लेई गेई।

प्रकाशितवाक्य 13:12

एह़ जंगली जानवर पैहल्ले जंगली जानवरे दे सारे हक्कां दा इस्तेमाल करदा था; कने धरती कने तिसा पर रैहणे आल़े लोकां ते तिस पैहल्ले जंगली जानवरे दी, जिसदा जान्नलेवा जख्म खरा होईया था, अराधना करांदा था।

प्रकाशितवाक्य 17:8

जेह्ड़ा जंगली जानवर तैं दिख्या ऐ, सैह़ पैहल्लैं तां था पर हुण नीं ऐ, कने अथाह कुंडे ते निकल़ी करी विनाशे च पोंगा; कने संसारे दे लोक जिन्हां दे नां सृष्टिया दे सुरू होणे दे बग्ते ते तिसा ज़िन्दगिया दिया कताबा च लिखे नीं गै, इस जंगली जानवरे दी एह़ हालत दिक्खी करी कि पैहल्ले था कने हुण नीं ऐ कने भिरी आई जांगा, हरान हुंगे।

प्रकाशितवाक्य 21:27

कने तिस कोई अपवित्र चीज्ज, कने घृणित कम्म करणे आल़ा, कने झूठियां गल्लां बणाणे आल़ा, कुसी भी तरीके नैं दाखल नीं हुंगा; अपर सिर्फ सैई लोक जिन्हां दे नां मेम्ने दिया ज़िन्दगिया दिया कताबा च लिख्यो हन।

प्रकाशितवाक्य 3:10

तैं दुखां च भी सबर रखी नैं मेरे वचनां दा पालण कित्ता ऐ, इसतांई मैं तिज्जो परीक्षा दे तिस बग्त बचाई रखगा, मैं भी तिस बग्त इस संसारे दे सारे लोकां जो परखणे तांई ओंगा।

प्रकाशितवाक्य 3:20

इसतांई मैं तुहां दे मनां च ओणे तांई तिस माणु साइआं घरे बाहर खड़ोत्या ऐ; जेह्ड़ा अंदर ओणे तांई ठोरा दा ऐ, जे कोई मेरी उआज़ सुणी करी अपणे मने जो मिन्जो तांई खोलगा, तां मैं आई करी तिस सौगी संगति करगा।

प्रकाशितवाक्य 3:5

जेह्ड़ा बुरिआं ताकतां जो हराई दिंदा ऐ, तिसियो इस तरीके नैं पवित्र ज़िन्दगी दित्ती जांगी, कने मैं तिसदा नां तिसा ज़िन्दगिया दिया कताबा च कुस भी तरीके नैं नीं कटगा; अपर तिसियो मैं अपणे पिता कने तिसदे सुअर्गदूतां दे सामणै अपनाई लैंगा।

प्रकाशितवाक्य 5:12

कने सैह़ जोरे-जोरे नैं एह़ ग्लांदे थे, “धन ऐ सैह़ मेम्ना जिसदा बलिदान कित्ता गेआ। क्जोकि तिसदिया सामर्थी, ताकत आदर, कने महिमा दिया बज़ाह ते अहां जो तिसदी स्तुति कने धन्यावाद करणा चाइदा।”

प्रकाशितवाक्य 5:13

भिरी मैं सुअर्गे च कने धरतिया पर कने धरतिया थल्लै कने समुंदरे दी सारी बणाईयां चीज्जां जो, कने सब कुच्छ जेह्ड़ा तिन्हां च ऐ, एह़ ग्लांदे सुणेयां, कि “मेम्ने दी कने तिसदी, जेह्ड़ा सिंहासणे पर बैठेया ऐ, स्तुति आदर, महिमा कने राज्ज जुगा-जुग बणी रैंह्।”

प्रकाशितवाक्य 6:1

भिरी मैं दिख्या कि मेम्नैं तिन्हां सतां सील्लां ते इक्की सील्ला जो खोलेया; कने तिन्हां चौंन्नी प्राणियां ते इक्की प्राणिये दी बदल़े दे गड़ाकेयां साइआं उआज़ सुणी, “जा हुण गांह बध।”