प्रकाशितवाक्य 13:6 - काँगड़ी

⁶ तिन्हीं परमात्मे दी निंदा करणे तांई मुँ खोलेया कि तिसदे नां कने तिसदे तम्बू मतलब सुअर्गे दे रैहणे आल़ेआं दी निंदा करैं।

प्रकाशितवाक्य 13:6 Iomraidhean Croise

मत्ती 12:34

हे सर्पां साइआं जेहरिलै लोको, तुहां बुरे होई नैं किंआं खरियां गल्लां ग्लाई सकदे हन, क्जोकि जेह्ड़ा मने च भरोया ऐ, सैई मुँऐ पर ओंदा ऐ।

मत्ती 15:19

क्जोकि बुरे बचार, खून, परस्त्रीगमन, ब्यभिचार, चोरी, झूठी गवाही कने निंदा मने ते निकल़दी ऐ।

यूहन्ना 1:14

कने वचन माणु बणी करी आया; कने अनुग्रह कने सच्चाईया नैं पूरा भरोई नैं अहां दे बिच्च डेरा कित्ता। कने अहां तिसदी देहई महिमा दिक्खी, जिंआं पिता दे इकलौते पुत्तरे दी महिमा।

रोमियो 3:13

तिन्हां दियां गल्लां खुलिया कब्रा दिया गंदी मुस्का साइआं हन, तिन्हां दियां जीभां झूठे नैं भरोईयां हन, तिन्हां दे बोल जेहरिलै सर्पां दे जैहरे साइआं हन।

कुलुस्सियों 1:19

क्जोकि पिता परमात्मे दी खुसी इस च ऐ, कि तिसदा पूरा सभाव मसीह च वास करैं,

कुलुस्सियों 2:9

क्जोकि मसीह दे सरीरे च परमात्मे दे सारे गुण पाये जांदे हन,

इब्रानियों 9:2

इस्राएली लोकां इक्क तम्बू बणाया, कने तिसदे दो हिस्से थे। तम्बुये दे पैहल्ले आल़े हिस्से च दीय्या, इक्क मेज, कने तिस मेज्जे पर भेंट दी पवित्र रोटियां रखियां जादियां थियां। कने तम्बुये दे इस हिस्से जो पवित्र जगाह ग्लांदे थे।

इब्रानियों 9:24

क्जोकि यीशु मसीह जिसा पवित्र जगाह च गेआ, सैह़ माणुये दे हत्थां नैं नीं बणाईयो थी, जेह्ड़ा सच्ची पवित्र जगाह दा नक्सा ऐ। अपर सुअर्गे च गेआ तांजे अहां तांई हुण परमात्मे दिया हजुरिया च दुस्सें।

प्रकाशितवाक्य 11:12

इसते बाद तिन्हां जो सुअर्गे ते इक्क जोरे दी उआज़ सुम्मी, “ऐत्थु ऊपरेयो ओआ।” कने सैह़ अपणे बैरियां दे दिक्खदे-दिक्खदे बदल़ां ते सुअर्गे जो चढ़िये।

प्रकाशितवाक्य 12:12

इसा बज़ाह ते हे सुअर्गो कने तिन्हां च रैहणे आल़ेयो मग्न होएया; हे धरती, कने समुंदर तुहां पर हाय। क्जोकि सैतान बड़े गुस्से सौगी तुहां अल्ल लौई आया ऐ, क्जोकि सैह़ जाणदा ऐ कि तिसदा बग्त बड़ा थोड़ा ऐ।”

प्रकाशितवाक्य 15:5

इसते बाद मैं दिख्या कि सुअर्गे च गवाहिये दे तम्बुये दा मंदर खोली दित्ता;

प्रकाशितवाक्य 18:20

तुहां जेह्ड़े सुअर्गे च रैंह्दे हन, कने हे परमात्मे दे लोको, प्रेरितो, भविष्यवाणी करणे आल़ेयो, तिस पर खुसी मनाआ, क्जोकि परमात्मैं न्याय करी नैं तिसते तुहां दा बदला लेई लेआ ऐ।”

प्रकाशितवाक्य 21:3

भिरी मैं सिंहासणे च कुसी जो जोरे नैं एह़ ग्लांदे सुणेया, “दिक्ख, परमात्मे दा डेरा माणुआं दे बिच्च ऐ। सैह़ तिन्हां सौगी डेरा करगा, कने सैह़ तिसदे लोक हुंगे, कने परमात्मा अप्पु तिन्हां सौगी रैंह्गा कने तिन्हां दा परमात्मा हुंगा।

प्रकाशितवाक्य 4:1

इन्हां सारियां गल्लां ते बाद मैं एह़ दिख्या कि सुअर्गे च इक्क दरवाजा खुलेया ऐ, कने जिसियो मैं पैहल्लैं तुरही दिया उआज़ा नैं अप्पु सौगी गल्लां करदा सुणेया था, तिन्हीं मिन्जो नैं ग्लाया, “मिन्जो अल्ल ऐत्थु ऊपरेयो आई जा; कने मैं सैह़ गल्लां तिज्जो दस्सगा, जिन्हां दा इन्हां गल्लां ते बाद पूरा होणा जरूरी ऐ।”

प्रकाशितवाक्य 4:4

तिस सिंहासणे दे चौंन्नी पास्से चौबी सिंहासण थे; कने इन्हां सिंहासणा पर चौबी स्याणे चिट्टे कपड़े पैहनी नैं बैठेयो थे, कने तिन्हां दे सिरां पर सोन्ने दे मुकट थे।

प्रकाशितवाक्य 5:13

भिरी मैं सुअर्गे च कने धरतिया पर कने धरतिया थल्लै कने समुंदरे दी सारी बणाईयां चीज्जां जो, कने सब कुच्छ जेह्ड़ा तिन्हां च ऐ, एह़ ग्लांदे सुणेयां, कि “मेम्ने दी कने तिसदी, जेह्ड़ा सिंहासणे पर बैठेया ऐ, स्तुति आदर, महिमा कने राज्ज जुगा-जुग बणी रैंह्।”

प्रकाशितवाक्य 7:15

इसतांई “सैह़ परमात्मे दे सिंहासणे सामणै हाजर हन, कने सैह़ दिन-रात अपणे घरे च परमात्मे दी सेवा करदे हन, कने जेह्ड़ा सिंहासणे पर बैठेया ऐ, सैह़ तिन्हां बिच्च रैंह्गा कने तिन्हां दी देखभाल करगा।

प्रकाशितवाक्य 7:9

इसते बाद मैं दिख्या, कि लोकां दी इतणी बड्डी भीड़ थी, कने कोई भी तिसा जो गिणी नीं सकदा था, तिसा भीड़ा च हर इक्क देस, गोत्र, जाति कने भासा दे लोक थे, कने सैह़ चिट्टे कपड़े पैहनी करी कने अपणे हत्थां च खजूरे दियां डाल़िआं लेई करी सिंहासणे सामणै कने मेम्ने सामणै खड़ोत्यो थे।